يا بسمة الليّالي السعيدة وهْناهـا .

البارت السادس

صباح يوم السبت بعد زواج سلطان وحنين
|بالتحديد في بيت الجد محمد |
كان الكل نايم من تعب الزواج وكان بيبدا الاستنفار والتجهيزات لـ قدوم سلطان وحنين بعد العصر
في المجلس كانوا الشباب كلهم فارشين بجانب بعض ونايمين على الارض مو حاسين بـشي حولهم ..
دخل عليهم الجد محمد وهو يهز راسه باسى
الجد: يا عيال وجعع صار الظهر يالله قوموا
الشباب : لا رد
الجد بصراخ وهو يهز عصاته بالأرض بصوت عالي:  قوووومووووووووووا
قاموا الشباب مفجوعين من صارخ الجد
ناصر بفجعه : من ماتت ؟؟
مشاري : وش صار ؟؟
نواف وهو مغمض عين وفاتح عين ويتمتم بالكلام: وش فيكم
ماجد يناظر ناصر : هيي من مات وش فيكم
الجد كان ماسك ضحكته على اشكالهم المفجوعه توجهه للباب وهو يقول : قوموا لا بارك الله فيكم من عيال لا صلاه ولا عباده
تنحو الشباب وهم ما يدرون وين الله حاطهم وبعد مانزل الجد دخل عليهم راكان الي كان واقف خلفه
انفجر راكان ضحك على اشكالهم المفجوعه :
هههههههههههههههههههههههههههههههههههههههههههه قوموا محد مات بس انتو للحين نايم مو حاسين بـ شي
مشاري بصوت كله نوم: الساعه كم
راكان وهو يناظر ساعته : قريب الظهر يالله قوموا
اكمل كلامه بضحكه ولا تنسوا صحوا اخوان الحب معاكم وهو ياشر على نواف وتركي
الكل ناظر تركي الي كان نايم ولا حياه لمن تنادي انفجرو ضحك الشباب على تركي الي كان نايم فوقه نواف
توجهه ناصر بسرعه يتدارك الوضع و يصحي نواف الي من طلع الجد رجع نام قبل لا يصحى  تركي ويكفخه ،
بس تركي كان اسرع من ناصر ، تحرك تركي بثقل وهو يحس بشي ثقيل فوقه وضيق بصدره فتح عيونه بشويش وهو يشوف نواف نايم فوقه فز تركي بغضب وهو يصارخ : نوافوه وجع يوجعك قم من فوقي لا بارك الله فيك، طاح نواف من فوق تركي نواف بفجعه وهو منخرش من صراخ تركي : وش فيك تصارخ صحيتنا مفجوع
تركي بغصب وهو ما يحب احد ينام بجانبه فَـ كيف ونواف نايم فوقه  : قم لا بارك الله فيك نايم فوقي وكانك ما سويت شي
انحرج نواف من استوعب كيف نايم فوق تركي : اف تركي كل هَـ الصراخ علشان نايم فوقك خلاص اسف مو بقصدي
الشباب كانوا متنحين على صوت صراخ تركي الي كان واصل لاخر البيت وهم منخرشين من صراخ الجد والحين دور تركي تكلم مشاري وهو مستغرب صراخ تركي : تركي وش فيك تصارخ
تركي وهو ما زال يصارخ : مشاري انبثر انت مالك شغل ، رجع وجهه كلامه لـ نواف هو يقول بحده : وانت نواف بعدين لي حساب معك طلع تركي الحوش وهو معصب من نواف اشر ناصر لـ راكان يلحق تركي وهو عارف عاده تركي في النوم، والكل كان يناظرون نواف الي رجع انسدح وهو خايف من عصبيه تركي وهو يعرف زين ان تركي ما يحب احد ينام بجانبه وكيف وهو نايم فوقه ، قاموا العيال وهم متوجهين للحمام يتروشون مابقى وقت كثير لـ صلاه الظهر
ــــــــــــــــــــــــــــــــــــــــــــــــ
عند البنات الي كانوا صاحيات من قبل وهزه مسامعهنا صراخ تركي الي استغربه الكل وعصبيته الي يشوفونها بلا سبب مقنع
استبرق الي كانت سمعت نص السالفه : يا بنات انا مافهمت شي الا ان نوافوه الغبي نايم فوق تركي
بريق بخوف وهي اول مره تشوف تركي معصب ويصارخ كذا : معقول كل هَـ الصراخ والعصبيه علشان نواف نايم فوقه ؟؟
استبرق هزت اكتافها بعد معرفة : علمي علمك يا خيتي
جيلان وهي توجهه كلامها لـ ونين : ونين تركي اخوك اكيد تعرفي ليه معصب
ونين ببرود وهي تشرب الشاي: ما عليكم منه يا بنات هَـذا نواف الغبي يعرف ان تركي ما يحب احد ينام جنبه وكيف وهو نايم فوقه 
البنات شهقن بصدمه معقول كل هالصراخ علشانه نايم فوقه واكيد نايم بالغلط
غنى تكلمت وهي خايفه تركي يسوي شي لـ نواف : طيب وليش هالعصبيه كلها وش بيسوي بـ نواف
جيلان با استغراب : طيب وكل هـ الصراخ علشانه نايم فوقه واعتقد ان نواف نايم بالغلط مش معقول نايم بقصد ؟؟
ونين ببرود وهي متعوده على حالات تركي تربعت وهي تقول : عاد والله تركي طبعه كذا ما يحب احد ينام قريب منه ولا عاد نواف الغبي نايم فوقه اكيد بيعصب
تكلمت نادية وهي مركزية انظارها بجوالها: وهـَذا نواف اذ نام مايدري بنفسه وسواها اكثر من مره وتركي بدوره بيصارخ شوي وبيكفخه كم كف