မြေပြန့်သူလေး
-------------------
Part - 18
-------------
" ရုံးပိတ်ရက်လေးမှာ ပျော်ပျော်နေစမ်းပါဟယ် မှိုင်တွေနေတာပဲ "" အေးလေ မျက်ပြူးမ
နင်က နင်မဟုတ်သလိုပဲ "သူတို့ ၅ယောက်လည်း စုစုအခန်းထဲမှာ စကားပြောနေကြပြီး မုန့်စားနေကြသည်
" ဟွန်း.....ငါကဟာ သီတင်းကျွတ်လပြည့်နေ့ ငါ့ကောင်လေးနဲ့ ဘုရားသွားချင်တာကို "
" မျက်ဝန်းရယ် သူလည်း အကြောင်းရှိလို့ ခဏပြန်သွားတာပဲကို ပြန်လာမှသာ နေ့တိုင်းဘုရားကိုသွား "
" နင်တို့ကလည်း ငါ့ဘက်မှာကိုမရှိကြဘူး "
" ဟ နင်ကမှားနေတာလေ "
ကောင်းမြတ်သူအပြောကြောင့် မျက်ဝန်းလည်း မျက်စောင်းထိုးလိုက်သည်
ထိုအချိန် စုစုက ဝလ္လာ့ဆီကို မျက်စပစ်ပြတာမို့ အာကာရယ် သူမရယ် ကောင်းမြတ်သူရယ် ဝလ္လာ့ကိုကြည့်လိုက်တော့ ဖုန်းကြီးကြည့်ပြီးပြုံးနေတာမို့ အထူးအဆန်းဖြစ်သွားရသည်
" အဟမ်း ဝလ္လာမင်းမောင် ဖုန်းထဲဘာတွေများစိတ်ဝင်စားစရာရှိလို့လဲ "
ဝလ္လာလည်း ထိုအခါမှ ဖုန်းကိုပိတ်လိုက်ပြီး ဟိုလူတွေဘက်ကိုလှည့်လိုက်သည်
" ဟဲ့ နင်ကောင်မလေးရနေတာလား "
" မ.. မဟုတ်ပါဘူး စုစုရ "
" ကျိန်းသေပြီ ဒီကောင် ကောင်မလေးရနေပြီဆိုတာ "
နှစ် ၂၀ကြာ ပေါင်းလာတဲ့သူငယ်ချင်းမို့ မျက်နှာကိုကြည့်တာနဲ့ သိပ်ကိုပေါ်လွင်နေသည်
" ဘယ်သူလဲ "
" ငါတို့အသိထဲကပဲလား "
" အသက်ကြီးလား ရွယ်တူလား အသက်ငယ်လား "
" ဘယ်ကလဲ "
တစ်ယောက်ချင်းကို မေးခွန်းတစ်ခုစီမေးလာတဲ့ သူငယ်ချင်းတွေကြောင့် ဝလ္လာ့မှာဖြေရခက်နေသည်
အဓိက က မျက်ဝန်းရှိနေလို့
" မင်းတို့ကလည်းကွာ ငါ သူနဲ့တွဲတာ ၃လ ပြည့်ရင်မိတ်ဆက်ပေးမယ် အခုကတော့ secret ပဲထားဦးမယ် "