မြေပြန့်သူလေး
~~~~~~~~~~~
Part - 59
~~~~~~~
" ကြည့်ပါဦး သားသားကချစ်ဖို့ကောင်းလိုက်တာ "" ဟုတ်ပါ့ အကိုခွန်းနဲ့တူတယ် "
" မကြီးက ကလေးမွေးတတ်လိုက်တာ တူမလေးရော တူလေးရော ၂ယောက်လုံးကချစ်စရာလေးတွေ "
" အေးကွယ် မြေးလေးက ဖွေးစွတ်နေတာပဲ "
အကုန်လုံးက သားလေးကိုကြည့်ပြီးချီးကျူးနေကြတာမို့ သားလေးကတော့စိတ်ရှုပ်နေသည်ထင်ပါရဲ့ ငိုမဲ့မဲ့လေးဖြစ်နေလေသည်
မကြာပါ ငိုလာတဲ့သားဖြစ်သူကြောင့် ကိုကိုကပဲချီပြီး သူ့သားကိုချော့နေလေရဲ့
အလင်္ကာလေးကလည်း ကိုကိုသွားတဲ့နောက်ကိုပါသွားတာများတန်းနေတာပဲ
" ဒါဆို မေကြီးတို့ပြန်ဦးမယ် သမီး....မနက်ဖြန်ကျ သားခွန်းရဲ့မိဘတွေလည်းလာမှာဆိုတော့ အိမ်မှာလုပ်စရာတွေအများကြီးရှိတယ် "
" ဟုတ် မေကြီး ဘာနဲ့ပြန်မှာလဲ "
" ဝလ္လာလိုက်ပို့မှာ သမီး "
" ဟုတ်တယ်မကြီး နှောင်းနဲ့ကိုကိုလည်းတစ်ခါတည်းပြန်လိုက်တော့မလို့ "
" ဂရုစိုက်ပြန်ကြဦးနော် "
" ဟုတ်ပါပြီကွယ် ညနေကျ မင်းသုခကို ထမင်းချိုင့်ပို့ခိုင်းလိုက်မယ် "
" ဟုတ် မေကြီး "
မေကြီးတို့လည်းပြန်သွားတော့အခန်းထဲမှာ စုစုနဲ့ကိုကြီးဝဠာပဲ ရှိကြတော့သည်
" စုစု နင့် due date က ဘယ်တော့လဲ "
" နောက်တပတ် အင်္ဂါနေ့ "
" ဆေးရုံကြိုတက်မှာမလား "
" သဘက်ခါလောက်ကြိုတက်မှာ "
" နှောင်းရဲ့ due date လည်း အဲ့ရက်ပိုင်းလောက်မှာပဲနော် "
" ဟုတ်တယ် ဟိုနေ့ကဝလ္လာပြောပြသေးတယ် "
" မဆိုးဘူး ငါတို့ကလေးတွေအဖော်ရတာပေါ့ "
" ငါကတော့ ငါနဲ့နှောင်းမွေးလာမယ့်ကလေး ယောက်ျားလေးမဖြစ်စေဖို့ပဲဆုတောင်းတယ် ၃ယောက်လုံးယောက်ျားလေးသာဆို ထိန်းနိုင်မှာမဟုတ်ဘူး "