عضّت على طرف شفتهّا وجاوبتـه بـ كذبـه لعلها اقرب للتصديق ؛ عادة ما يفضّلون اختيار اللي يبيـك بفرص أكبر ، وانا هذا اللي سويتـه اخترتك مو من اول مرّه ، لا بعد ما شفت اصرارك عليّ .. فهل تشوف انيّ اغلطت بموافقتي عليـك
سكتت لوهله وهي تدرس ملامحـه اللي ابداً ما جاز له اللي سمعه منهَا ما كان هذا اللي يبيـه ، يبيها تطمنّه ان قلبه وقلبها هم اللي ساهمو بذا الارتباط مو لوحده
وتمتمت بغرابـه ؛ اذا انّك نادم على هالارتباط ترا تونا على البر يمديك تتراجـع ، ولا انك تتركنـي بعدين وانا تربطني فيك علاقه وطيده..وممكن طفل!
تنهّد وهو يتمتم بضيـق ؛ اصراري عليـك يعني انـي راغب فيـك وأبيك ، وفقدي لذاكرتـي بيحل محلـه قلبي
بالنهايـه قلب الشخص دليله صح ؟
وانا دليلي جابنـي لك
حتى لو انـه حصل كله بشكـل ما كنت احس بإستعدادي له لكـن ، بالنهايه وصلت لوجهتي وما راح تتغير هالوجهـه او تميـل
ولا راح اترك يـدك اللي وافقـت تمسك يدي بعد محاولات كثيـره
ابتسمت بعذُوبـه واسترخت بكاملها وهي تطرح سؤالها بهدُوء ؛ تحبها؟
تعقّدت حواجبـه ، وسرعان ما استكملت بهدُوء ؛ اقصد اللي كنت تكلمها بالتويتر .. يعني هل تحس بأنك تشعر بشي تجاها ؟
بردت ملامحـه وحس بعجز ذاكرتـه المؤذي ؛ انا فاقد ذاكرتي ، كيف تبيني اعرف شعوري عنها وانا بذا الحال؟
ردّت عليـه وهي تشعر بتناقـض غريب داخلها " ودها يقول اي احتراما لماضيها معـه ، وودها يقُول لا احتراما لحاضرها معـه " ؛ طيب اذا رجعت ذاكرتك ، تحس انك باقـي تحبها ؟
استغرب الحاحها عليـه وعلى انـه يجاوبها وهي مقتنعه بفقده لهالذكريات لكنه قرر يجاريها باللي تبيـه ؛ يمكن احبها ويمكن ما احبها ما اذكر لكـن اللي احس فيـه انهّا كانت تفرق بحياتي
والا كان ما احتفظت بصورة لها
ابتلعت ريقها بإندهاش وهي تتلعثم بنبرتها ؛ اي صُوره!!
ردّ بهدُوء ؛ بعد ما ارتبطت فيـك ما رضيت انها تبقى بجوالي وحذفتها ، مو يعني انـي ابي اخبّي عنك لكـن ابي احترم علاقتـي معك
حسّت بتوتر يجتاح كامل تفاصيلها ، اي صوره محتفظ فيها لها ما عمرها ارسلت له صوره!
لوهلـه شكـت انه يحكـي عن بنت غيرها ولأجل تتطمن ؛ عادي توصف لي كيف كان شكلها؟
ابتسم بغرابـه ؛ ليكون يفرق معك هالماضي اللي نسيته!
YOU ARE READING
رواية على نور الشفق احيا واهيم ⚜️
Mystery / Thrillerللكاتبـه ليما @rwizi_ ما احلل اقتباسها او سرقتها او نقلها لمكان اخر ✖️ .. تتكلم عن البطله شفق اللي يموتون جميع اهلها بسبب حريق منزلهم وتتشتت من بعدهم وتعيش عند عمها القاسي واللي تهرب منه بليلة ملكتها من ولده لبيت ابوها القديم وتلقاه اصبح ملك للضابط...