نفوذ العشق

الحلقة السابعة و السبعون

رجعتلكم يا قمرات ❤😂
إتأخرت أنا عارفة بس حقيقي يا جماعة مش عارفة إيه كمية المناسبات دي ، مصر مقسومة لـ نص بيتجوز و ربع بيخطب و الربع الباقي بيمثلني أنا و بعض الصالحين اللي بيتعجبوا زيي 😂❤
بجد أول مرة تحصل لدرجة إني حاسة إن فيه سباق أو سحب عقبال عندكم مين هيتجوز و لا هيخطب الأول 😂🤷🏻‍♀️
الحلقة بـ المناسبة مش فيها حاجات مهمة كتير من وجهة نظر بعض الناس أديني بوفر عليكم اهو بدل الرسايل الخاص و بقولكم الحلقة تعتبر كوميدي و بس و لا نكد و لا أحداث تفرق في الحبكة 🤷🏻‍♀️❤
عارفة إني بقالي كام حلقة ماشية علي الوتيرة دي بس علشان متقولوش إني حرمتكم من حاجة بعد ما تعيشوا اللي بحضره للنهاية 😂🙂❤ مش هقول أكتر من كدا
بحبكم جداً و هتوحشوني ❤😂
انتظروني في الحلقة الجاية 😂❤
مش هقول ميعاد بس اعتقد هتنزل السبت أو الأحد لأنها مكتوب منها نصها تقريباً ❤😻
انتظروني يا قمرات 😻❤

♡♡♡♡♡♡♡♡♡♡♡♡♡♡♡♡♡♡♡♡♡♡

في الأعلي

بعد بضع دقائق دلفت سيلا إلي الغُرفة و يظهر عليها علامات الخيبة فـ نظروا جميعاً لها بـ إحباط فـ نظرت هي لهم جميعاً ثم مدت كفها لهم تستعرض الأجهزة و هي تنفجر ضاحكة ثم أضافت : الله عليا ، ضحكت عليكم

ـ يا رخمة دا وقتك يعني . هتفتها حور بـ حنق فـ ضحكت سيلا بـ شر مصطنع فـ صاحت سما بـ تعجب : مهو وقتك انتِ و هي ، فين عشق هي كمان خلينا نشوف هنعمل ايه !

سمعوا طرقات علي الباب عقِبها دخول عشق التي هتفت بـ لهفة : هاا لقتيهم !

ـ أيوة بس هنعمل إيه دلوقتي ؟ هتفتها سيلا بـ تساؤل فـ أجابت عشق بـ بساطة : هنحطهم في جيب چاكيت كل حد منهم

ـ بس عدد قليل ، ستة بس . هتفتها سيلا بـ حيرة فـ لمعت بـ بال حور فكرة هاتفة : ليها حل ، ممكن نتوقع مثلاً انهم أكيد مش كل واحد هيروح في عربيته ، فهنشوف أقربهم لبعض و الإحتماليات كلها 

صاحت سما فجأة : ثواني بس كدا ، إحنا بنعمل ايه أصلاً ، كلهم كدا كدا في نفس المكان مش هتفرق كتير يعني

ـ صح ، الأهم من كل دا مين اللي هيكون سهل إننا نحط الجهاز دا في جيبه ! هتفتها عشق بـ تفكير ثم أضافت : أنا شخصياً مقدرش أعمل كدا مع صقر ، معنديش الرفاهية اللي تخليني أعمل كدا ، لو قفشني هينفخني

ـ أنا ممكن أحط واحد لـ فهدي و ربنا يستر . هتفتها جنّة بـ قلة حيلة فـ أضافت حور : أنا بقا حتي لو مش سهل هعملها بردو علشان الخوف منه أصلاً

ـ و أنا ممكن أحط واحد لـ رحيم . هتفتها سما بـ حماس للفكرة لـ تُجيب عشق : أنا أقدر أحط لـ لوكي و كأني يعني بـ أكد عليه

ـ و أنا أقدر أحط لـ صقر و كأني بـ نبهه علي مالِك . هتفتها سيلا بـ بساطة

نظرت حور لـ شقيقتها التي تنقل نظراتها بينهم بـ صمت و هتفت : و انتِ يا سهوكة هانم ، مفيش أي مساهمة منك معانا