في إحدي المطاعم الفاخرةكان كلاً منهما ينظر لكرم بدهشة كل ثانية وأخري فهتف كرم وهو لم يزيل عينيه عن الطعام الموضوع أمامه منشغلاً بقطع شريحة من اللحم المُقدم لهم : أنا عارف انتوا بتفكروا في ايه ، زمانكم دلوقتي بتقولوا مين دا ، هوفر عليكم الوقت والمجهود وهقولكم إني حفيد جمال التهامي
ارتخت ملامح شوقي قليلاً بينما حدث العكس مع جميلة فهتف كرم بثقة : عارفينه طبعاً
ـ إلا عارفينه ، هو في حد ميعرفش إبليس ، قولتلي بقا إنك خطيب عهد وجوزها المستقبلي ؟!
- بدون شك
ـ انت كداب ، عشق مستحيل تقبل إنها تجوز عهد لواحد زيك جده يبقا مجرم وقاتل ، ولا عهد كمان
ـ عهد لو مقبلتنيش يبقي مش هتقبلكم انتوا كمان ، ولا نسيتوا إنكم سبتوها وهي كانت لسه بضفاير لأ وكمان حطيتوا إيديكم في إيد المجرم والقاتل اللي بتتكلم عنه دا . هتفها كرم بنبرة قوية ذات مغزي أخرست شوقي تماماً فأراح كرم ظهره علي المقعد هاتفاً : احنا أكيد مش جايين هنا علشان نقطّم في بعض ، احنا كلنا في مركب واحدة
ـ انت عايز ايه ؟! هتفها شوقي بضيق بينما كانت جميلة تمسك بذراعه فهتف كرم بإبتسامة : متخافيش أوي كدا يا مدام جميلة ، وبعدين اللي سمعته عنك إنك مش بتهابي حد ، دا انتِ وقفتي في وش عشق لأ وكمان أخدتي جوزها
إبتسمت هي بسخرية وهتفت : وانت بقا بسلامتك مفكر إن في حد يقدر ياخد حاجة من عشق بغير رضاها ، دا انت طيب أوي لأ وعبيط كمان ، زيي زمان ، كنت فاكرة إني أقدر أعمل راسي براسها
علي الرغم من عدم فهمه إلا انه ابتسم بمكر هاتفاً : الست اللي تحتوي بنت مش بنتها طول السنين دي كلها أصدق فيها أي حاجة لأنها أكيد تبقي ست مش عادية ، وبصراحة عشق مش أي ست
ـ انت أكيد مش جايبنا هنا علشان نمدح في عشق
ـ طبعاً ، أنا جايبكم هنا علشان في حاجة مشتركة بيني وبينكم ، الحاجة دي تبقي عهد طبعاً ، أنا بقالي سنين بحاول أخلع نفسي من المحيط الـ*** اللي اتحطيت فيه علي غير إرادتي ، ببني نفسي من جديد وببني حياة جديدة ، اتحديت أبويا نفسه علشان أعمل كل دا ، كل دا بس علشان أفوز بحبيبتي عهد ، وانتوا كنتوا هتهدولي كل اللي بنيته دا في لحظة
ـ قصدك ايه ؟!
- قصدي إن دلوقتي ولأول مرة الفرح هيزور قلب عشق وهتفرح بولادها ، صحيح في شوية حاجات كدا عكرت الفرحة دي بس معلش ، ودلوقتي أنا مش هسمح لأي حاجة تعكر فرحتها دي أبداً ، دا طبعاً مش بس علشان عشق ، دا علشان عهد حبيبتي
ـ وايه علاقة كل دا بينا وبعهد ، دي بنتي وأنا جاي أخدها ومش حابب أسبب مشاكل لحد
ـ وبنتك دي بقا ، تعبت عليها زي ما تعب عليها واحد غيرك ، صحيت كدا بليل علشان تتطمن علي حرارتها نزلت ولا لأ ، جريت كدا عليك وقالتلك بابا ، ولا سبتها وسافرت وولا كأنك سايب وراك حتة منك ، يا أخي علي الرغم من إن جدي وأبويا فيهم العبر بس عمرهم ما يعملوها
YOU ARE READING
نفوذ العشق
Mystery / Thrillerرياح عاتية .. مدمرة .. جارحة .. تصيب أولادها الأربعة رياح إنتقامية من قلب خبيث وعقل ماكر .. تترك بداخل كلا منهم أثر لا يمحوه غير شئ واحد فقط .. الحب .. ولكنها ليست أقوى من رياح أخرى أكثر دمارا .. رياح تحمل سلاح الماضى المؤلم تاركة جرح غائر لا يطيب...