نفوذ العشق

الحلقة الستون

في الساحة

كانت عشق الصغيرة تجلس مع خالتها والتوتر قد ارتسم علي ملامحها مما جعل عشق تبادر بـ الحديث هاتفة : أديني جيت معاكي أهو ، في ايه بقا ؟

صمتت عشق لـ ثوانٍ وهي ترتب كلماتها جيداً ثم هتفت : ماما أنا مش عاوزة حضرتك تضغطي علي صقر ، خصوصاً في موضوع عهد 

ابتسمت عشق بـ تهكم وهي تهتف ساخرة : أضغط عليه ؟ أنا مبضغطش علي حد يا حبيبة ماما ، وجوزك دا هو اللي بيضغط عليا بحركاته دي

تغاضت عشق عن سخرية خالتها وهتفت بـ دفاع : معاه حق يا ماما ، أنا أسفة طبعاً إني بناقش حضرتك في حاجة زي دي بس هو معاه حق ومعاه حق كمان انه يفضل معارض جواز مالِك وسيلا لحد دلوقتي ، لأنه حصل غصب عنه ، ودا اللي هيحصل بردو لو عهد اتجوزت كرم ، وخصوصاً إن كرم يعني سمعته سبقاه ، وكمان موافقة أونكل أدم بردو ضايقته

ـ بصي يا حبيبة ماما ، لا انتِ ولا جوزك ولا أنتوا كلكوا هتفهموا احنا ليه بنعمل كدا ، ومش مطالب منكم أصلاً انكم تفهموا او تحاولوا حتي تعرفوا السبب ، كل اللي لازم تعرفوه اننا بنعمل دا علشانكم انتم وبس ، ودا اللي لازم يعرفه علي وجه الخصوص ابني اللي معرفتش أربيه ، لأن مهما حصل ومهما عملنا دا ميديش ليه فرصة انه يتعدي علي أبوه بـ الشكل دا ، وأخر حاجة وهي الأهم خوفك اللي في عينيكي دا ملوش أي لازمة ، بـ بساطة دا ابني وأنا أمه أكيد مش هـ ضربه بـ النار يعني . هتفتها عشق بـ سخرية جعلت عشق الصغيرة تصمت رغماً عنها فـ زفرت عشق وهتفت :

ـ بصي يا حبيبتي ، صقر في حاجة مزعلاه ، هي حاجة قديمة ، وأنا مش عارفة هي ايه بالظبط ، ودا مسيطر علي تصرفاته وكلامه ، أنا كنت مفكرة إن الموضوع متعلق بحاجة معينة بس واضح كدا إن الموضوع كبير .   هتفتها عشق بـ شرود فـ نظرت له عشق الصغيرة بـ تعجب فـ استكملت عشق حديثها بـ توضيح : بُصي يا عشق ، صقر عرف عن مشكلة كانت بيني وبين أدم زمان  وهو طبعاً مش فاهم الموضوع علي حقيقته ، زي ما تقولي شايف المشكلة من طرف واحد بس ، دا مخليه شايف أدم ظالم وقاسي وبيتعامل معاه زي ما انتِ شايفة كدا يمكن الموضوع دا هو السبب في اضطراب علاقتكم ، ودي حاجة مينفعش يتسكت عليها دا أكيد ، وانا سبته الفترة اللي فاتت دي علي راحته لكن الموضوع بدأ يخرج عن سيطرتي لأني مش عارفة صقر عارف ايه بالظبط والأهم فاهمه ازاي

هتفتها عشق بقلة حيلة وهي تنظر لتعبيرات ابنة شقيقتها وزوجة ابنها الأكبر والتي سيطر عليها الدهشة فـ هتفت عشق الصغيرة بـ عدم فهم : أنا مش فاهمة حاجة ، ايه علاقة مشكلتك مع أونكل أدم بيا أنا وصقر

ـ أنا كمان مش قادرة افهم النقطة دي أوي ، وحتي لو عندي تفسير مقدرش اقولك عليه ، لأني حابة انك تعرفي كل حاجة منه دا طبعاً لو هو حابب دا . هتفتها عشق بـ مكر شديد لم تلحظه عشق الصغيرة والتي شردت قليلاً بحديث خالتها