نفوذ العشق

اقتباس للمجانين 💙😂

كان هو يقف أمام المرآة يرتب خصلاتها وهو يتابعها عبر المرآة وهي تمثل النوم منذ ما يقارب الساعة وكل ثانية وأخري تُعدل وضعية الملاءة علي جسدها تُخفيه بقدر المستطاع

فهتف بنبرة ماكرة وهو يقف مقابلاً لها : هتفضلي كدا كتير يا بنت رهف

لم تصدر منها اي ردة فعل فإقترب منها وهو يجلس علي حافة الفراش هاتفاً : قومي يا حور يا حبيبتي بدل ما هسحب الملاية الحلوة اللي ماسكالي فيها بإيدك وسنانك دي

تمسكت حور بالملاءة أكثر واعتصرت جفنيها فضحك علي تلك الحركات التي بانت له طفولية وتسطح جانبها وهو يضمها له هاتفاً : مراتي طلعت بتتكسف زي البنات ، طب والله حلو الموضوع

ضربته حور وهي تفرج عن جفنيها اخيراً هاتفة : يا قليل الذوق

ـ وبعدين مع قلة ادبك وطولة لسانك دي ، يا بت دا انا جوزك اتلمي

ـ اهو انت بقا ، وبعدين انت مفكرني ايه يعني ؟! هتفتها حور بتذمر فرد ليث متهكماً : أي حاجة غير انك تكوني أنثي من ضمن الستات الحلوة اللي بنشوفها دي

ضربته حور بغضب طفولي فإنفجر ليث ضاحكاً وهو يحاول السيطرة علي حركاتها السريعة هاتفاً : يا بت بهزر معاكي دا انتِ حقنة ، ايه ما بتصدقي ، عاوزة جنازة وتشبعي فيها لطم يا بنت رهف

ـ هزارك بايخ زيك . هتفتها بغيظ محاولة ضربة ولكنه كان مقيداً ليديها وهتف بنبرة آسفة : وربنا كان علي عيني أقولك صباحية مباركة يا حبيبتي بس مكسوف من لسانك اللي بينقط سكر من الصبح دا

هتفت حور بتذمر وملامح طفولية : عشان انت رخم وبترخم عليا من ساعتها

ـ بنكشك يا قمر انت يا قمر . هتفها ليث بمكر وهو يلاعب حاجبيه بخبث فكادت تبتسم ولكنها هتفت بغضب مصطنع : كدا وبتاع بنات ؟!

ـ بذمتك انتِ تعرفي عن جوزك حبيبك كدا ، وبعدين بنات ايه يجوا ايه دول جنبك يا قمر انت

ابتسمت حور بخجل فهتف ليث وهو يقرص إحدي وجنتيها : مش ناوية تقومي بقا وتاخدي شاور بسرعة عشان نفطر يا عروسة

أومئت حور بخجل فنهض وهو يمسك بيديها مساعداً إياها في النهوض

*****************************

اتأخرت جداً جداً وأثارت غضب ناس كتير جداً أنا عارفة لكن بجد الفترة اللي فاتت مكنتش ملاحقة ادوية وتعب ومناسبات ورا بعضها وحوارات في الكلية وحاجات انا مش قدها الحقيقة وارجع في الأخر واقول الجملة الشهيرة الست ملها غير بيتها وجوزها بلا تعليم بلا بتاع 😂😂😂😂🙂💔

حقيقي ادعولي بالشفا لإني في امس الحاجة لدا وان شاء الله الحلقة الجاية حلقة لطيفة وخفيفة وهتنسيكم تأخيري دا كله ❤❤❤❤❤

قولتلكم الرواية دي فقرية ومحدش مصدقني بجد 😂😂😂❤

دمتم سالمين ❤❤