『Unicode』
သူတို့နှစ်ယောက်သည်ကား တခြားဘယ်သူမှမရှိသလို အတော်ကြာမျှ စကားစမြည်ပြောခဲ့ကြလေသည်။ ဤစားပွဲရှိဧည့်သည်တွေ နောက်ကျမှရောက်လာကြတာပင်။ပထမဆုံးအကြိမ်တွေဖူးသည့် သည်လောကအတွင်းက နာမည်ကြီးများနှင့် စီနီယာတွေများစွာလည်း ရှိနေလေသည်။ ကျန်းလျိုရှန်းက ရှရှီးအိုက်ကိုပျူငှာစွာမိတ်ဆက်ပေးခဲ့ပြီး ခရီးတစ်ထောက်လောက်အကြာတွင်တော့ ကွန်ရက်က နှစ်ဆလောက်တိုးလာသည်ဟု ခံစားရ၏။
ညရှစ်နာရီ၌ ညစာစားပွဲ၏ တိုက်ရိုက်ထုတ်လွှင့်မှု စတင်ခဲ့သည်။
အကြာကြီး ပျောက်သွားပါသော လီလော့ကလဲ ပြန်ပေါ်လာ၍ ကျန်းလျိုရှန်းနံဘေးက ထိုင်ခုံမှာ ဝင်ထိုင်လိုက်သည်။ သူ့မျက်လုံးတွေက ဧည့်ခံစားပွဲပေါ်သို့ ကျရောက်လာသည့်တိုင် စိတ်မပါဖြစ်ကာ လမ်းပျောက်နေသလိုပင်။
ကျန်းလျိုရှန်းက သူနှင့် ပြောဆိုတော့မည်အပြု၊ ရုတ်တရက် အစီအစဉ်မှုးက သွမ့်မင်ယန်၏ နာမည်ကို ကြေညာလိုက်သည်အား ကြားလိုက်ရသည်။
ဒင်နာပွဲစီစဉ်သူ ခေါင်းဆောင်တွေထဲမှ တစ်ယောက်ဖြစ်သည့်အလျောက် သွမ့်မင်ယန်ဟာ ပထမဆုံးတန်းရှိ အဓိကအလယ်စားပွဲမှာ ထိုင်နေခဲ့သည်။သူကအားလုံး၏ လက်ခုပ်ဩဘာကိုခံယူရန် မတ်တပ်ထရပ်လိုက်၏။သူ ပြန်အထိုင်တွင်တော့ သူတို့စားပွဲဝိုင်းဆီသို့ ရည်ရွယ်၍သော်၎င်း ၊ မရည်ရွယ်၍သော်၎င်း တစ်ချက် ကြည့်လိုက်သေးသည်။
ကျန်းလျိုရှန်းက ကိုယ်ရေးကိုယ်တာ မကျေနပ်ချက်တွေကို ယာယီဘေးချိတ်၍ လီလော့ပခုံးကို ပုတ်ကာ နှစ်သိမ့်လိုက်သည် : " ဘာမှမဖြစ်ဘူး။ ကိုကိုရှိတယ် "
" ငါကိုလာပြီး အခွင့်ကောင်းယူမနေနဲ့။ ငါက မင်းဖေ " လီလော့မှာ အသိစိတ်ပြန်ဝင်လာ၍ သူ့ကို အပြုံးဖြင့် ဆဲရေးလာ၏။
ရှရှီးအိုက်မှာ သူတို့နှစ်ယောက်နှင့် သွမ့်မင်ယန်ကြားက အဖြစ်အပျက်တွေကို မသိပါချေ။ ဘေးမှာအပြင်လူတွေလဲရှိတာကြောင့် မေးခွန်းမေးဖို့အဆင်မပြေသည်ဖြစ်၍ သံသယတွေကို ယာယီ ထိန်းလိုက်ရင်း အစီအစဉ်မှုးက ဒင်နာပွဲစဉ်ဆက်ကြေညာသည်အား နားထောင်နေလိုက်တော့၏။
![](https://img.wattpad.com/cover/336564586-288-k175278.jpg)
YOU ARE READING
သီးသန့်အချစ် || ဘာသာပြန် ||『 Completed』
Romance" ကိုယ့်မိသားစုက ကိုယ့်ကို အဲ့လိုအကြိမ်ပေါင်းများစွာ ပြောခဲ့ပေမယ့် ကိုယ်က အပြစ်ရှိစိတ်နဲ့နောင်တတွေကို ခံစားရတုန်းပဲ။ အဲ့ဒါက--- မင်းနဲ့ မတွေ့ခင်အထိ "