ထိုစဉ် ရဲရှောင်မှ အားလုံး မထင်မှတ်ထားသည့် မေးခွန်းတစ်ခုကို မေးလိုက်၏။
"ဦးလေးဆောင် . . ."
"ဦးလေးဆောင်ဂျူက အိမ်မှာရှိလား . . ."
ရဲရှောင်မှ ပြုံးလျက် မေးလိုက်သည်။
"သူရှိရင် ကျုပ် တွေ့ချင်တယ်လို့ ပြောပေးပါလား၊ ကျုပ်ထက် အသက်ပိုကြီးတဲ့ လူကြီးတစ်ယောက်ကို ကျုပ်ဘက်ကပဲ တလေးတစားနဲ့ သွားတွေ့သင့်တာပါ၊ ဒါပေမယ့် အခု အခြေအနေအရ အဲဒီလို သွားတွေ့ဖို့ လည်း မဖြစ်လို့ပါ . . ."
"အဲဒါကြောင့် ကျုပ်ဆီကိုပဲ ဦးလေးဆောင်ကို ခေါ် လာပေးလို့ ရမလား . . ."
"ဆောင်ဂျူ . . ."
"ဦးလေးဆောင် ဟုတ်လား . . ."
အဘိုးကြီးများမှာ မျက်လုံးများ ပြူးကျယ်ရင်းဖြင့် မေးလိုက်သည်။
သူတို့ ကြားလိုက်ရသည့် စကားကြောင့်လည်း ရဲရှောင်ကို တအံ့တဩ ကြည့်နေကြသည်။
တခဏအကြာတွင်မူ အားလုံး သဘောပေါက်သွား ကြလေသည်။
(ဒီကောင်လေးက ဆောင်ဝုရန်ကို ဆန့်ကျင်ခဲ့ပြီး ဆောင်ရွှမ်ကို မြှင့်တင်ပေးခဲ့တယ်ဆိုတာ လက်စသတ် တော့ သူနဲ့ ဆောင်ဂျူက သိလို့ကိုး . . .)
(ဆောင်ဂျူမှာ ဘယ်တုန်းက ဒီလို အစွမ်းထက်တဲ့ မိတ်ဆွေမျိုး ရှိသွားရတာလဲ . . .)
ရဲရှောင်မှ ဆောင်ဂျူနှင့် တွေ့နိုင်ရန် ဆောင်ရွှမ်ကို အသုံးချခဲ့ခြင်း ဖြစ်မည်ဟုလည်း တွေးထင်မိလိုက်ကြ သည်။
(သူက ဆောင်ရွှမ်ကို ရေစက်ပါလို့ တွေ့ရတယ်လို့ ပြောခဲ့တယ်၊ နောက်ပြီး ဆောင်ရွှမ်ကိုလည်း မျက်နှာ သာ ပေးခဲ့သေးတယ်၊ တကယ်တော့ ဒါကဆင်ခြေ တစ်ခုပဲ . . .)
(တကယ့် အမှန်တရားက ဆောင်ဂျူနဲ့ မိတ်ဆွေ ဖြစ်နေလို့သာပေါ့ . . .)
(ဒါမှမဟုတ် အဲဒီမိတ်ဆွေက သူကိုယ်တိုင် မလာ ဘဲ သူ့သားကို လွှတ်လိုက်တာလည်း ဖြစ်နိုင်တာပဲ)
(တော်တော်ကို အားကောင်းတဲ့ အထောက်အပံ့ တစ်ခုပါလား၊ မျိုးနွယ်စုထဲမှာ ဆောင်ဂျူကတော့ အင် အားအကြီးဆုံး လူကို ဖြစ်လာတော့မယ် . . .)
YOU ARE READING
မိုးကောင်းကင်အောက်မှကလဲ့စား (အတွဲ ၄) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
999---1004
Start from the beginning