တစ်နေကုန်မြို့ထဲမှာလည်ပတ်ပြီးနောက်မှာ
ဂျီမင်းနဲ့ဂျောင်ဂု ခေါက်ဆွဲဆိုင်ကို ခြေဦးလှည့်ဖြစ်ကြတယ်။ နေ့လယ်ကနေ အမှောင်ထုကြီးစိုးတဲ့ ညနေ၆နာရီခန့်ရောက်သည်အထိ သူတို့လျှောက်လည်ပတ်ခဲ့တာကြောင့် ခြေထောက်တွေတောင် တောင့်တင်းနေခဲ့ပြီ။ စက်ဘီးအနက်လေးနဲ့အပြာလေးကို ရပ်ထားခဲ့ပြီး သူတို့စားနေကျခေါက်ဆွဲဆိုင်ထဲကိုဝင်လာတော့ဆိုင်ရှင်ဦးလေးကြီးက နှုတ်ဆက်ပါတယ်။ နှစ်ပတ်တစ်ခါ၊
နှစ်ခါလောက်ရောက်နေကျဖြစ်တာကြောင့် သူတို့ကို သိနေတာ ဆန်းတယ်လို့မဟုတ်ပါ။"ပင်လယ်စာခေါက်ဆွဲနှစ်ပွဲ.....အစပ်လျှော့ပေးပါ.....ပြီးတော့ဖက်ထုပ်ကြော်နှစ်ပွဲနဲ့ Green Teaတစ်အိုးယူပါမယ်...."
ဂျောင်ဂုက သူလမ်းမှာပြောထားတဲ့အတိုင်းအတိအကျမှာပေးတာကို ကျေနပ်ပေမယ့်ပင်လယ်စာခေါက်ဆွဲကို အစပ်လျှော့ခိုင်းတာကိုတော့ သဘောမကျပါ။
"နှုတ်ခမ်းမစူနဲ့...... hyung အစပ်အများကြီးစားလို့မရဘူးလေ......."
နဖူးပေါ်ကဆံပင်စတွေကိုသပ်တင်ပေးရင်း
ဂျောင်ဂုက ဂျီမင်းကိုချော့တယ်။ ပြုံးမပြဘဲ
"ဟွန့်..."ခနဲအသံပြုလိုက်တော့ စားပွဲပေါ်က သူ့လက်ကိုအုပ်ကိုင်ကာ လက်မနဲ့ဖွဖွပွတ်သပ်ပေးရင်း ပြုံးနေတဲ့မျက်လုံးဝိုင်းဝိုင်းတွေနဲ့ကြည့်ပါတယ်။ မောင်အဲ့လိုကြည့်ရင် သူ့နှလုံးသားထဲမှာ
Tiger Lily တွေရောင်စုံဖူးပွင့်သလို ကြည်နူးရတာပါပဲ။ အခုလိုမျိုးတကယ်စိတ်ဆိုးတာမဟုတ်ဘဲ အချော့ခံဖို့ကြိုးစားရတာ ပျော်ဖို့ကောင်းပါတယ်။"စိတ်မဆိုးနဲ့တော့.....လိမ္မာနော် အချစ်......"
နောက်တစ်ဆင့်အနေနဲ့ ဂျောင်ဂုက သူ့လက်ကိုဆွဲယူပြီး လက်ဖမိုးကိုထိရုံနမ်းတယ်။ အဲ့ဒီအချိန်မှာထားတဲ့ ခေါက်ဆွဲတွေရောက်လာပေမယ့် ဒုတိယအကြိမ် လက်ဖမိုးကိုထပ်နမ်းပြီးမှ
ဂျောင်ဂုက ဂျီမင်းလက်ကိုလွှတ်ပေးပါတယ်။"ခေါက်ဆွဲစားပြီးရင် ဟိုတစ်ခါ ရေမွှေးရောင်းတဲ့ဆိုင်ကိုသွားကြမလား......."
"နောက်နေ့မှသွားမယ်......စားပြီးရင်ပြန်မယ်လေ....."
"ဟုတ်ပြီ.....ပြန်ကြမယ်....."
![](https://img.wattpad.com/cover/334703424-288-k592642.jpg)
YOU ARE READING
Rewrite the stars
Fanfictionကိုယ်တို့တွေ နောက်တစ်ကြိမ်အတူရှိနိုင်ဖို့ ကံကြမ္မာတွေကိုပြောင်းလဲကြည့်ကြရအောင်လား