ခေါက်ဆွဲဆိုင်ကသူတို့ထွက်လာချိန်မှာ မြို့လမ်းမတွေဟာ မီးထိန်ထိန်လင်းနေခဲ့ပါပြီ။
ပြီးတော့ လူတွေကလည်း ပျားပန်းခတ်အောင်စည်ကားနေပါသေးတယ်။ လမ်းမကြီးရဲ့ဘေးဘယ်ညာတလျှောက် စားသောက်ဆိုင်ကြီးတွေ၊
လမ်းဘေးဆိုင်သေးသေးလေးတွေ၊ စက်ဘီးတွေ၊
တစ်စီးနှစ်စီးလောက်တွေ့ရတဲ့ကားတွေနဲ့ မြို့လမ်းတွေက လှလှပပအသက်ဝင်နေခဲ့ပါတယ်။မြို့လမ်းမတလျှောက်မြင်ကွင်းတွေကိုငေးရင်း
ဂျီမင်း ရဲ့စက်ဘီးလေးကို ဂျောင်ဂုကတွန်းလာခဲ့ပြီးတော့ Barတွေဖွင့်ထားတဲ့လမ်းကြားရှိရာကို သူတို့ ဦးတည်လာခဲ့ကြပါတယ်။"သိပ်မဆူတဲ့ နေရာကိုခေါ်သွားပေးမယ်......."
သူ Barသွားတာ ကိုကိုသာသိရင် ဘာပြောလိမ့်မလဲလို့တွေးနေတဲ့ ဂျီမင်းရဲ့အတွေးတွေကို
ဂျောင်ဂုကစကားတစ်ခွန်းနဲ့ချေဖျက်ပေးလိုက်တယ်။ ပြုံးရင်း ဂျီမင်းဘက်ကိုလှည့်ကာပြောလိုက်ပုံက နွေးထွေးလွန်းတာကြောင့် အနည်းငယ်တော့စိတ်သက်သာရာရမိပါတယ်။ ပထမဆုံးအကြိမ် သူBarသွားတာကို ကိုကိုဆောင်ဟွန်းသိရင်စိတ်တိုလေမလားဆိုတဲ့အတွေးက နောက်တစ်ကြိမ်ဂျီမင်းခေါင်းထဲရောက်လာပြန်ပါတယ်။"ထယ်ယောင်းနဲ့ ကျွန်တော်သွားနေကျနေရာပါ
......ဘာမှမဖြစ်ပါဘူး......."လက်နှစ်ဖက်ကို အပေါ်ဝတ်အင်္ကျီအနက်ရောင်ရဲ့ အိတ်ကပ်ထဲထည့်ကာ ငြိမ်ငြိမ်သက်သက်လျှောက်နေတဲ့ ဂျီမင်း hyung က သူ့ကိုမော့ကြည့်လိုက်ပြီး ခေါင်းညိတ်ပြတယ်။
"အထဲရောက်လို့ နေရခက်ရင် ပြောနော်..... ကျွန်တော်တို့ပြန်ကြမယ်......"
"အိုခေ....."
ဘယ်လိုကြောင့် လူကြောက်တတ်တဲ့ ကလေးကို
Bar ခေါ်ဖို့ သူအတွေးရတယ်ဆိုတာ သေချာမသိပေမယ့် ပျော်စေချင်တာကတော့ စေတနာအမှန်ပါပဲ။ တစ်ယောက်ထဲနေ့လေ့ရှိတဲ့ ဂျီမင်း hyung ကို အပြောင်းအလဲလေးဖြစ်စေချင်လို့ ဒီနေရာက်ိုခေါ်လာခဲ့ပေမယ့် အဆင်မပြေဖြစ်နေမှာကိုလည်းဂျောင်ဂုစိတ်ပူတာကြောင့် barထဲကိုမဝင်ခင် နေရတာအဆင်မပြေရင်ပြန်လို့ရကြောင်း အသိပေးလိုက်တယ်။
![](https://img.wattpad.com/cover/334703424-288-k592642.jpg)
YOU ARE READING
Rewrite the stars
Fanfictionကိုယ်တို့တွေ နောက်တစ်ကြိမ်အတူရှိနိုင်ဖို့ ကံကြမ္မာတွေကိုပြောင်းလဲကြည့်ကြရအောင်လား