ညနေကျရင်ပြန်ရတော့မှာဖြစ်တာကြောင့် မနေ့ညကပင်ပန်းထားပေမယ့်လည်း သူတို့အစောကြီးပင်လယ်ထဲဆင်းကြပါတယ်။ ထုံးစံအတိုင်းဘောလုံးကန်တာကတော့မပါမဖြစ်ဖြစ်ပြီး ကမ်းခြေမှာလမ်းလျှောက်ကြသူတွေလည်းရှိပါတယ်။ တချို့ကတော့အပြန်လက်ဆောင်အတွက်
ရွာထဲကဆိုင်တွေ၊ ကမ်းခြေက ပစ္စည်းဆိုင်တွေမှာ ခြေရှုပ်နေကြပါတယ်။
"ခဏနေ လက်ဆောင်ပစ္စည်းသွားဝယ်ကြမလား hyung....."
ဘောလုံးကန်တာကို ခဏနားကြတော့ ဂျောင်ဂုက ဂျီမင်းကိုပြောတယ်။ အနက်ရောင်ဘောင်းဘီတိုနဲ့ တီရှပ်အနက်ကိုဆင်တာဝတ်ထားပြီး ရေစိုနေတဲ့ဆံပင်တွေကို လက်နဲ့သပ်တင်နေတဲ့
ဂျောင်ဂုကို ကမ်းခြေကလူတချို့က လှည့်တကြည့်ကြည့်ဖြစ်နေကြပါတယ်။
"သွားကြမယ်လေ......ကိုယ်လည်းလက်ဆောင်ဝယ်စရာရှိတယ်......"
"ရေပြန်ချိုးကြဦးမလား......"
ဘောလုံးကန်ထားတာကြောင့် ချွေးတွေစိုနေတဲ့အပြင် ရေတွေပါစိုရွှဲနေပေမယ့် ဂျောင်ဂုကတော့လန်းလန်းဆန်းဆန်းပါပဲ။
"မချိုးတော့ဘူးလေ..... hyung ချိုးချင်သေးလို့လား......."
"ဒီတိုင်းပဲသွားကြတာပေါ့......အဆောင်ပြန်ပြီး ပိုက်ဆံတော့ယူရမယ်...."
ဂျီမင်း hyung ကရေစိုနေတဲ့ဆံပင်တွေကိုသပ်တင်ရင်းပြောတယ်။ ကမ်းခြေကို ဘောလုံးကန်ဖို့ဆင်းလာခဲ့တာဖြစ်တာကြောင့် နှစ်ယောက်လုံးပိုက်ဆံအိတ်ယူမလာခဲ့မိကြဘူး။
"သွားကြမလား......."
"သွားမယ်လေ......"
ဒါနဲ့ပဲနှစ်ယောက်သားတည်းခိုဆောင်ကိုအရင်ပြန်ပြီး ပိုက်ဆံအိတ်ယူကြတယ်။ ပြီးမှ ရွာဘက်အခြမ်းကိုထွက်လာခဲ့ကြတယ်။ ကမ်းခြေဘက်ထက်ရွာလမ်းတလျှောက်မှာရှိတဲ့လက်ဆောင်ပစ္စည်းဆိုင်လေးတွေက ပစ္စည်းပိုစုံပါတယ်။ အထူးသဖြင့် လက်မှုပစ္စည်းလေးတွေကသိပ်စိတ်ဝင်စားဖို့ကောင်းပါတယ်။ တချို့ဆိုင်လေးတွေဆိုရင် လက်ပတ်လေးတွေ၊ ဆွဲကြိုးလေးတွေ၊ dream catcher လေးတွေကိုကိုယ်သဘောကျတဲ့ပုံစံအတိုင်းလုပ်ပေးပါသေးတယ်။
YOU ARE READING
Rewrite the stars
Fanfictionကိုယ်တို့တွေ နောက်တစ်ကြိမ်အတူရှိနိုင်ဖို့ ကံကြမ္မာတွေကိုပြောင်းလဲကြည့်ကြရအောင်လား
