ခွန်းရဲ့နှောင်ကြိုးငယ် 🍀🍀(Completed)

End 🍀 (U&Z)

"ငယ်ရယ် ကိုကြီးကြောင့်ပါကွာ ကိုကြီး နောက်ကျခဲ့လို့ ကိုကြီးစိတ်တွေတိုခဲ့လို့ငယ်အခုလိုဖြစ်ခဲ့ရတာပါကွာ"

သွေးပျက်နေသည့်မျက်နှာလေးကို ယူကြုံးမရထိကိုင်၍ ခွန်းရင်တွေကွဲစွာ ငယ့်ကိုကြည့်နေမိသည်။

ဆေးရုံထဲငယ့်ကိုပွေ့၍ ပြေးဝင်လာခဲ့တော့ အရင်တိုင်း ခွန်းကိုဝင်ခွင့်မပေးကြပေ။ မကြာပါ nurse တစ်ယောက်ထွက်လာပြန်တော့သည်။

"လူနာရှင် "

"ဟုတ် ဟုတ် ကျွန်တော်ပါဗျ..."

"လူနာက သွေးသွင်းရမယ် Bသွေး လူနာရှင်ထဲမှာသွေအမျိုးစားတူတဲ့လူရှိလားမသိဘူး"

"သားက O သွေးပဲ မေမေရော မင်းဖေဖေနဲ့လဲမတူဘူး"

"အသိတွေမေးမြန်းကြည့်ပေးပါရှင် အမြန်လိုနေလို့ပါ "

ခွန်းဆောက်တည်ရာမရသည့်ကြားမှ ခွန်းဘေးတွင်ရှိသည့်လူများထဲမှ B သွေးပိုင်ရှင်
စဥ်းစားမိသည်။ ချက်ချင်းဆိုသလိုခေါင်းထဲရောက်လာသည့်က ဘုန်းသစ်ပင်ဖြစ်သည်။

"မေမေ ဘုန်းသစ်က B သွေး "

"မေမေဖုန်းဆက်ပေးမယ် သားထိုင်နေသား"

သွေးစောင့်နေရင်းမှ ငယ့်ကို ခွဲစိတ်ခန်းဆီခေါ်သွားလေသည်မို့ ခွဲစိတ်ခန်းရှေ့ နံရံနောက်သို့မှီ၍ ခွန်းအတွေးတွေခြောက်ခြားနေရသည်။ ငယ်တစ်တစ်ခုများဖြစ်သွားမလားကွ။

"သားငယ့်ကိုအော်ခဲ့မိတယ်မေမေ"

"သားရယ်"

"သားငယ့်ကို စကားကြမ်းကြမ်းတွေပြောမိသွားတယ် သားငယ့်ကို နာကျင်အောင်လဲလုပ်မိခဲ့တယ်မေမေ"

"ဘယ်လိုဖြစ်ကြတာလဲသားရယ်"

"ငယ့်ကစောင့်ပါအုံးဆိုတာကို သားလက်ထပ်ဖို့လောမိသွားတယ် ငယ့်စကားနားမထောင်ခဲ့မိဘူး သားမှားသွားတယ်မေမေရယ်...."

မျက်ရည်ပေါက်များစွာဖြင့်ဆို့နင့်စွာ ဆိုလာသည့်သားကို ကေသာသနားမိသည်။ သားက သမီးလေးနဲ့ဆို ဘယ်သောအခါမှ စိတ်မာနိုင်ခဲ့သည်မဟုတ် ဒီတစ်ခါလဲသား လဲပြိုနေပြန်ပြီထင်ပါရဲ့လေ။