ခွန်းရဲနှောင်ကြိုးငယ်🍀 အပိုင်း - ၁၇
(Unicode)
ဖြူငယ်အိပ်ယာကနိုးတော့ ကိုကြီးက ဇာတ်ကားကြည့်နေလေသည်။ အချိန်က ညနေလောက်သာရှိသေးသည်မို့ နုံးနေသည့်ခန္ဓာကိုယ်ကို ရေချိုးပစ်လိုက်ချင်ပါသည်။
"ကိုကြီး ဖြူငယ် ရေပြန်ချိုးအုံးမယ်"
"အွန်း"
ဖြူငယ်ရေချိုးရင်းမှ နေ့လည်ကကိစ္စလေးကိုပြန်တွေးမိတော့ စိတ်ထဲတင်းကျပ်လာရတော့၏။ ဘယ်လိုပဲ ဖြူငယ်ကပါးရိုက်ခဲ့သည်ဆိုအုံးတော့ စကားလုံးရင့်ရင့်တွေနှင့် အစော်ကားခံလိုက်ရသည်မို့ လူကစိတ်ဓာတ်တွေကျနေရသည်။ သို့ပေမယ့်ဖြူငယ်မငိုပါ။ ဇာတ်ကားကြည့်ရင်းငိုတတ်သည့်ကောင်မလေးက ငိုသင့်သည့်နေရာမငိုတော့ပဲ တင်းခံတတ်သည်ကိုတော့ မည်သူကသိမည်နည်း။
"ရောက်ပြီ ကိုကြီးဘာကားကြည့်နေတာလဲ "
ဂါဝန်လွင့်လွင့်လေးရယ် မခြောက်သေးသည့်ပါးထက်က သနပ်ခါးစိုစိုလေးရယ်နှင့် ခလေးမက ဆွဲရမ်းအာဘွားတွေပေးပစ်ချင်သည်အထိ လှပါသည်။ သို့ပေမယ့် ခပ်ကြာကြာမငေးရဲ့ ခလေးမလန့်သွားမည်ဆိုးရသည်။
"အင်း...ဒီကားကောင်းတယ်ဆိုလို့"
"ဟုတ်လား ဖြူငယ်လဲကြည့်မယ်"
ကြည့် ပြီးရင်ငိုရမှာမလို့ ကြည့်ပါကွာ။ တမင်ငိုရတဲ့ကားကို ရှာပြီးငယ့်ကိုပြခြင်းဖြစ်သည်။ နေ့လည်ကမငိုပဲ တင်းခံနေသည်မို့ စိတ်ထဲနေလို့မကောင်းဖြစ်မည်ဆိုး၍ တမင်ရှာ၍ကြည့်ခိုင်းလိုက်တော့၏။
မကြာပါ မျက်ရည်တွေဖြိုင်ဖြိုင်ကျလာကာ ငိုနေပြီဖြစ်သည်ကို ဘေးမှနေ၍ ခွန်းမျက်တောင်မခက်တမ်းကြည့်မိတော့သည်။ ဘာလို့ငိုတာတောင် ချစ်စရာကောင်းရတာလဲကွာ။ သနပ်ခါးလေးတွေဆိုလဲ ပြန်၍စိုကုန်ပြီဖြစ်ပြီး နှာလုံးလုံးလေးဟာလဲ ရဲလို့နေပြီဖြစ်၏။
"ကိုကြီး Tissue ပေး"
"ဟောဗျာ ငိုရလို့လား"
"အင်း ...မသိဘူး ဘာကားတွေပြနေတာတုန်း ငိုရတယ် အီး ....."
နေ့လည်ထဲကငိုချင်နေပါတယ်ဆို ဇာတ်ကားလာပြတော့ ငိုရတာနဲနဲ တင်းခံထားသည့်ခံစားချက်တွေပေါက်ထွက်၍ ရောပေါင်းပြီးငိုလိုက်မိသည်။
YOU ARE READING
ခွန်းရဲ့နှောင်ကြိုးငယ် 🍀🍀(Completed)
Romanceအချစ်ဆိုတာဘာမှန်းမသိလို့ ကိုကြီးကိုချစ်တယ်ဆိုတာ မသိတဲ့ငယ့်ကို ကိုကြီးအချစ်တေနဲ့အုပ်မိုးပြီး သိလာအောင်လမ်းပြပေးမှာပါငယ်ရယ်....
