ခွန်းရဲ့နှောင်ကြိုးငယ်🍀 အပိုင်း- ၁၁
(Unicode)
အလုပ်ရောက်သည်နှင့် Counter ထိုင်ရက်ဖြစ်၍ ဖြူငယ် ထမင်းချိုင့်များသိမ်း၍ Counter သို့လာခဲ့သည်။
"ဖြူငယ် လာလေ ဒို့စောင့်နေတာကြာပြီ "
"လာပြီ လာပြီ ဇာတ်ကားကြည့်ခဲ့လား နိုရာ "
"အင်းကြည့်ခဲ့တယ်သိလား မင်းသားနှစ်ယောက်ကလေ အရမ်းချစ်ဖို့ကောင်းတာပဲသိလား "
"ဖြူငယ်ပြောပါတယ် နိုရာကြိုက်မှာပါလို့ "
နိုရာကအခြားလူတွေနှင့်မတူ ဖြူငယ့်ကိုစိတ်ရင်းမှန်နှင့်ခင်သည်ကို သိ၍နိုရာနှင့်သာအခေါ်အပြောလုပ်ဖြစ်သည်။ ဘယ်တော့ဖြစ်ဖြစ်နိုရာနှင့်သာအမြဲလဲ ထမင်းစား အတူသွားလာဖြစ်သည်ကြောင့် ညီမတွေလိုတောင်ခင်နေကြပြီဖြစ်တော့သည်။
"ဖြူငယ်သိလား နေ့လည် Duty ဝန်ထမ်းကောင်လေးအသစ်ရောက်မယ်တဲ့ "
"ဟမ် ဖြူငယ်မသိဘူး "
"အရမ်းဆိုးတာတဲ့ဖြူငယ်ရယ် သူ့အဖေကချမ်းသာတယ်ဆိုပြီး ဝုန်းဒိုင်းကျဲနေတာတဲ့လေ ဒို့တော့သိပ်ကြောက်တာပဲဖြူငယ်ရယ်တော်သေး Duty မတူလို့ "
"ဖြူငယ်နဲ့ကတွေ့ရအုံးမှာပေါ့ အဲ့တာဆို "
"ဖြူငယ်သတိထားနော် ဘေးမှာ ဒို့လဲမရှိဘူးဟိုဟာမတွေကလဲ အကျင့်ကောင်းတာမဟုတ်ဘူး.."
"အင်းပါ နိုရာရဲ့ စိတ်ပူပေးလို့အိုက်နီ မွ..."
နိုရာ့ကို ဖက်ပြီး ကလေးသဖွယ်ပြုမူလိုက်မိသည့်ဖြူငယ့်ကို နိုရာလဲပြန်ဖက်ပြီး စနောက်နေသည်။အဲ့တစ်ယောက်က ကြောက်စရာကောင်းတော့လဲဖြူငယ်ကကိုယ့်ဘာသာနေမှာပဲ ဖြူငယ်နဲ့တော့ထိပ်တိုက်ကြီးတွေ့ပြီးရန်မဖြစ်လောက်ပါဘူးနော်။ ဖြူငယ်ကယောက်ကျားလေးတွေနှင့်လဲအရောတဝင်မနေတတ်သူမို့ ရှော့မရှိလောက်ပါဘူးတွေး၍ အနည်းငယ်စိတ်သက်သာရာရနေတော့သည်။
"ပြန်ပြီနော် ဖြူငယ် ဟိုလမ်းသရဲကပထမနေ့မှာတင်ဗီဇပြပြီး နောက်ကျနေပြီတွေ့လား ဖြူငယ်ဂရုစိုက်အုံးနော်"
"အင်းပါ နိုရာရဲ့ ဂရုစိုက်အုံးလမ်းမှာ..."
"အင်းအင်း"
ΔΙΑΒΑΖΕΙΣ
ခွန်းရဲ့နှောင်ကြိုးငယ် 🍀🍀(Completed)
Ρομαντικήအချစ်ဆိုတာဘာမှန်းမသိလို့ ကိုကြီးကိုချစ်တယ်ဆိုတာ မသိတဲ့ငယ့်ကို ကိုကြီးအချစ်တေနဲ့အုပ်မိုးပြီး သိလာအောင်လမ်းပြပေးမှာပါငယ်ရယ်....
