ခွန်းရဲ့နှောင်ကြိုးငယ်🍀🍀 အပိုင်း - ၉
(Unicode)
ငိုထားသောအရှိန်ကြောင့် မို့အစ်နေသောမျက်လုံးများက မဖွင့်ချင်ဖွင့်ချင်ဖြင့်အားယူဖွင့်ကာထ၍ အခန်းထဲမှထွက်ခဲ့လိုက်သည်။ ရေသောက်ချင်နေသည်ကြောင့် မီးဖိုခန်းဘက်ကစားပွဲပေါ်ရှိ ရေကရားလေးထဲမှရေတွေထည့်ကာ ဖြူငယ်မော့သောက်လိုက်တော့သည်။
"ငယ်နိုးပြီလား "
ကိုကြီးအသံဘာလို့ကြားနေရတာလဲ
သောက်လက်စရေခွက်ကို ချပြီး ဘေးကိုကြည့်မိတော့ မုန့်တွေပြင်နေသည့်ကိုကြီးကို ချောမောစွာတွေ့ရလေတော့သည်။
"အမ်...ကိုကြီး ဘယ်လိုရောက်နေတာလဲ "
"ဟောဗျာ ငယ်က ကိုကြီးအခန်းမှာလေ "
မျက်လုံးလေးအပေါ်မော့ပြီးခဏတွေးနေရာမှ ညကငိုထားသည့်အဖြစ် မှတ်မိလို့ ကိုယ့်ကိုပြန်ငုံ့ကြည့်မိတော့ ဝတ်ထားသည့်ဂါဝန်ကလည်စီးဖြစ်၍ ကြိုးပြေနေပြီး ပခုံးတစ်ဖက်ကပေါ်နေသည်ကိုမြင်ရလေတော့သည်။ ကိုယ့်အကိုလိုသဘောထားသည့်ဖြူငယ့်အတွက် ဒီပုံစံကမရိုသေရာကျသည်မို့လား။ သေစမ်းဖြူငယ်ရယ် ညကညဝတ်အင်းကျီဘာလို့ မလဲတာလဲဟုကိုယ့်ကိုအပြစ်တင်၍ ဖြူငယ်အခန်းထဲသို့ပြေးဝင်လာခဲ့လိုက်တော့သည်။
ပြောလိုက်သည်နှင့်အခန်းထဲပြေးဝင်သွားသည့်ကို ခွန်းရယ်ပြီး ကြည့်နေမိသည်။ ပခုံးလေးပဲပေါ်သည်ကိုအတင်းဆွဲတင်ပြီး ပြေးသွားသည်မို့ ကိုယ့်ခလေးမအတော်လေးရှက်တတ်မှန်း ခွန်းမှန်းဆမိပါသည်။
"ကိုကြီး ဖြူငယ့်အခန်းသော့တွေ့မိသေးလား "
"အင်း စာအုပ်စင်ပေါ်မှာ "
"လာယူပေး "
"ကိုကြီးမအားသေးဘူးလေ ကိုယ့်ဘာသာယူပါလားကွ "
မမှီသည့်နေရာကိုသွားထားသည့်ကိုကြီးကို မျက်စောင်းတစ်ချက်ထိုးလိုက်သည်။ ခုံလေးယူ၍တတ်ယူနေသည်ကို နောက်ကနေဖြူငယ့်ခါးကနေပွေ့မပြီး အောက်ချပေးလာသည့်ကိုကြီးကြောင့် ဖြူငယ်မျက်နှာလေးရဲပြီးရှက်သွားရသည်။
"ကိုကြီးစောနက ဘာလုပ်တာလဲလို့ "
"ပြုတ်ကျမှာဆိုးလို့ကူညီတာလေ မကူညီရဘူးလားပြော "
YOU ARE READING
ခွန်းရဲ့နှောင်ကြိုးငယ် 🍀🍀(Completed)
Romanceအချစ်ဆိုတာဘာမှန်းမသိလို့ ကိုကြီးကိုချစ်တယ်ဆိုတာ မသိတဲ့ငယ့်ကို ကိုကြီးအချစ်တေနဲ့အုပ်မိုးပြီး သိလာအောင်လမ်းပြပေးမှာပါငယ်ရယ်....
