ခွန်းရဲနှောင်ကြိုးငယ်🍀 အပိုင်း - ၁၆
(Unicode)
ဇာတ်ကားတစ်ကားပြီးသွားသော် ရုပ်ရှင်ရုံထဲမှလူများ အစီအရီထွက်သွားကုန်၏။
"နောက်တစ်ကားက လက်မှတ်မဖြတ်ရသေးဘူးမို့လားကိုကြီး"
"ဖြတ်ပြီးပြီ ကြည့်မှာသာကြည့်ပါဗျာ"
"အွန်း "
ကိုကြီးကအေးဆေးထိုင်နေသည်ကြောင့် ဖြူငယ်လဲ စိတ်ပူမနေတော့ပဲ နောက်တစ်ကားကြည့်ရန်သာပြင်လိုက်တော့၏။ ဘာပဲဖြစ်ဖြစ် ဖြူငယ်ပျော်ရပါသည်။ ဖြူငယ်တောင်ဆိုသည့် အတိုင်းရုပ်ရှင်နှစ်ကားပြပေးသည်ကြောင့်ရော ဖြူငယ့်အလိုကိုလိုက်လို့ရော ဖြူငယ့်စိတ်ထဲဘဝင်ကျစွာပျော်နေမိ၏။
လက်မှတ်မဖြတ်တော့ရော ဘယ်သူကလာဆွဲထုတ်ရဲမှာမို့လို့လဲ ခွန်းစေရာဆိုတဲ့ဒီကိုကြီးက ခလေးတစ်ယောက်ထဲ အတွက် Sugar Daddy လေးမို့ အေးဆေးကြည့်ပါခလေးမရယ်။ ရုပ်ရှင်နှစ်ကားလုံးကို ဆက်တိုက်ပြခိုင်းထားသည်မို့ ခွန်းနှင့်ခလေးမသာ ရုပ်ရှင်ရုံထဲကျန်ရှိနေလေတော့၏။ နောက်မှ လူအနည်းငယ်ဝင်လာကာ ရုပ်ရှင်ရုံလေးအသက်ဝင်စွာ ရှိလာလေတော့သည်။
နောက်တစ်ကားက အရှုပ်ထွေးများနှင့် မိသားစုကားဖြစ်လို့စိတ်ဝင်စားဖို့မကောင်းဘူးဟုပြောမလို့ လှည်လိုက်စဉ် ပြူးလို့ကြည့်နေသည့် မျက်လုံးလေးများကို အတိုင်းသားမြင်ရတော့၏။
"ကိုကြီး ဘာသာပြန်ပေးပါလား ဖြူငယ်တစ်ချို့ဟာတွေမသိဘူး..."
"အဲ့တာများအစောကမပြောဘူးကွာ "
"ဖြူငယ်လဲနားလည်သလောက်ဘာသာပြန်တာပဲ ဒါပေမယ့်မြန်နေတာလေ အခုကဘာမှကိုနားမလည်တော့လို့ နော်..ကိုကြီး"
လက်မောင်ကို ရုတ်တရက်လာကိုင်ကာ အဆိုးလေးကတောင်းဆိုလာသည့်အခါ ရင်တွင်းခံစားချက်လေးတွေပြင်းပြ၍ ခွန်းနေမထိထိုင်မသာဖြစ်လာရ၏။
"အင်းသေချာနားထောင်နော်..."
"ဟုတ်"
ဖြူငယ့်နားသို့ကပ်လာပြီး ဘာသာပြန်ပေးနေ
သည့်ကိုကြီးကြောင့် ကောင်းကောင်းကြည့်၍ရသည်။ ကိုကြီးက တော်လိုက်တာ တစ်ခုမှမလွတ်အောင်ကို ဘာသာပြန်ပေးနေတာဖြစ်သည်။
YOU ARE READING
ခွန်းရဲ့နှောင်ကြိုးငယ် 🍀🍀(Completed)
Romantikusအချစ်ဆိုတာဘာမှန်းမသိလို့ ကိုကြီးကိုချစ်တယ်ဆိုတာ မသိတဲ့ငယ့်ကို ကိုကြီးအချစ်တေနဲ့အုပ်မိုးပြီး သိလာအောင်လမ်းပြပေးမှာပါငယ်ရယ်....
