كتاب الأمل 💜
الجزء 123
طلق منو او تمشى جيهة الباب غادي يدفعو او هي توقف عليه أسماء حابساه ، شاف فيها باسغراب او تكلمات
أسماء: انا ندخل اللولة ، فرح ولات دايرا الحجاب تقدر تكون مالابساش
عقاب هز راسو بتفهم او هي دخلات كتبان ليها فرح مشتتة على داك الفوطوي بواحد النعسة عجيبة كل رجل فجيه ، قربات عندها او حركاتها بيديها كتفيقها ، حتى حلاتهم فيها كترمش او هضرات بصوت ناعس
فرح:مالك على الصباح اش كاين
أسماء : نوضي اصاحبتي ، ديما فايقة فاقدة الذاكرة ، عقاب هنا جاي يدي فدوى
فرح ناضت قافزة او شافت فيها مخرجة عينيها : ويلي ياكما عاق بينا
أسماء بتذمر : نوضي قادي حالتك خليه يدخل المرض
فرح جرات شالها قداتو او قادات العباية عاد تكلمات أسماء بصوت عالي
أسماء: عقااب دخاال
عقاب تمشى داخل هو او يوسف او شافو جيهة فدوى لي كانت باقيا مغيبة على الوعي
عقاب: فيقيها
فرح مشات جابت الماء او قربات من فدوى كترش على وجهها حتى فتحات عينيها كترمش بالثقالة عاد فتحاتهم على الآخر كتشوف ففرح باستغراب او تكلمات بخفوت بزز باش كتخرج صوتها
فدوى : شنو كاين
فرح شداتها كتعاونها حتى جلسات : القصة طويلة ماتسوليش بزاف
عقاب تنهد او هو كيشوف فيها او تكلم : صباح الخير امدام ، نوضي نمشيو
فدوى سمعات صوتو الرعب سرى مع دمها ، طلعات عينيها بالثقالة فيه ولات عندها فوبيا من وجهو ،او تكلمات كترجف
فدوى : فين
عقاب ابتاسم بفقصة : لكلينيك امدام(بعصبية) تحركي
أسماء : انا نعاونها تنوض
قربات منها او عاوناتها حتى وقفات كانت باقيا بديك الشوميز ، وقفات قدامها مدرقاها من عقاب او يوسف او لوات عليها ليزار باش مايعكلهاش او ضارت موراها جمعات ليها شعرها بإهمال او تكلمات
أسماء: قادرة تمشاي
فدوى هزات براسها او أسماء شدات من دراعها او تمشات خارجة بيها او فدوى كدير وااحد المشية مفروعة مسكينة ، حتى وصلاتها الطنوبيل ديال عقاب ، ركباتها اللور او سدات عليها عاد جا عقاب ركب القدام او هي جنبو
بينما عند يوسف لي خرج او تمشى جيهة طنوبيلتو ركب فيها او فرح حتى هي ركبات ، او بدات كتحاول الديماري فيها ولكن والو مابغاتش ، عضات على سنانها بعصبية او بدات كتحاول ثاني مي والو
يوسف بانت ليه حايرة او هو ينزل مشى عندها كيطل عليها من الزاج
يوسف: واش مابغاتش تخدم
فرح كتحاول الديماري : مانعرف مال ديلمها
يوسف : خليها او اجي نوصلك حتى تسيفطي ليها الديباناج
فرح مزال حايرة : بلاما نعذبك
يوسف تنهد : غير ياله
فرح فقدات الأمل تخدم ، ضربات على الفولون او جرات السوارت شاداهم فيديها او طلعات الزاج ديال الطنوبيل عاد خرجات سدات الباب موراها او تمشات موراه حتى ركبات جنبو فالطنوبيل او انطالق من تما
او هوما شادين الطريق كان الصمت سييد الموقف ، او فرح متوترة من الجلسة جنبو ، كون كانت فرح لي قبل الحجاب كانت غادي تلوح ليه شي هضرة يحطها فالطريق ، عضات شفتها بتوتر حتى سمعاتو تكلم
يوسف او هو كيشوف فالطريق : شحال فعمرك
فرح بلاما تشوف جيهتو : 24
يوسف هز براسو : انا 29 (سكت شوية او عاود تكلم) مكتفكريش اتزوجي
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
