كتاب الأمل 💜
الجزء 103
رنيم كانت كتشوف فيه بعويناتها لي منزلين دموعها شلال ، حسات بالغلط او عاد بدى كيطلع معاها القالب ، زائد ماحملاتش ياسين يحطها بوجهها باش يحمي راسو او يتسمى هو لي مظلوم ، او هي فحال شي ساقطة ضارت بيه ، خدمات عقلها فواحد الوقت لي متأخر كانت متبعة رغباتها او المنطق مخلياه مبلوكي
بينما الكل كان مصدوم من لي واقع او واحد سوسن مامتيقاش بلي هادا ولدها لي كيهضر او بلي قدر يدير هادشي فبنت صغيرة
سوسن صوتها كيرجف بسباب الدموع لي واحلين فجوفها: ماربيت فيك والو اياسين ، حشومة طيح بتربيتي بهاد الطريقة
ياسين شاف فيها : وليت دابا مامربيش (كيضرب على صدرو ضربات متتالية) انااا راجل او قدما صبرت غادي انتفرگع (شاف فرنيم لي كتبكي) هي لي دارت هادشي او لي وقع وقع فبيتي ، يعني هي لي جات عندي ، ماشي انا لي مشيت عندها (بدى كيشوف فيهم كلهم واحد كيف مصدومين) هي لي كل يوم كتسناني وسط البيت حتى نجي او تبدى تقرب مني ، حدرتها مليون مرة ولكن هي مبرهشة او كان عند بالها كنضحك داكشي علاش ضطريت ننفذ باش تعرف بلي ماكنتش غير داوي
عقاب كان كيشوف فيه كيتنخض بالأعصاب او وجهو ، حمر هز يدو او طلقها مع وجهو خلاه يضور او شنق عليه كيديه او يجيبو فيدو او كيدوي بارك على سنانو : شنو كندير انااا هنااا ، قولها ليا نسيفطها عند باها اولا ندير شي حل (طلقو بالنفضة) ولكن انت خدمتي حمااار ، عجبك الحال او قلتي تكمل لي بديتي ،القضية مافيهاش غراتك ، القضية ديال حتى انت مايل ليها او بغيتيها (شاف فرنيم) واخا تزوجي بيه غادي يبقى الغلط تابعكم ، طيشك هادا غادي يخليك تبكي من بعد ندمانة ولكن غادي يكون فات الحال ، اختاري تزوجي بيه او تسماو صلحتو الغلط لي كيبقى غلط او ماغاديش يتصلح ، اولا تمشي فحالك من هنا او تنساي هادشي لي وقع
رنيم عضات شفتها او دموعها نازلين هضرتو دخلات فحال السم كتسرى مع جسمها او خلاتها تبدى ترعد ماقدراتش تهضر
عقاب : بيتك من بعد او ردي عليا (هي حنات راسها بطاعة او مشات او هو شاف فياسين بحدة) ايلا قبلات تزوج بيك او تزوجتيها (زير على سنانو) نمشي حتى نسمعك درتي ليها شي حاجة غادي نقتلك اياسين كنقسم ليك
خلاهم او خرج او أسماء شافت فيهم على ملامحها تحسر او تبعاتو حتى خرج على برى ، كان واقف كيدوز على وجهو بعنف او الريح كيخرج من نؤفو سخون كيحرق ، حس بيد تحطات على كتفو او هو يضور شاف فيها بعينيه لحمرين او رجع كيشوف قدامو
أسماء ضارت او جات قدامو كتشوف فيه او شدات من يديه لي كان مزير عليهم كتفكهم بشوية او كتشوف فملامحو : الأعصاب مانافعينش دابا اعقاب ، البنت باقيا صغيرة او غلطات او انا كنشوف بلي ياسين ماغالطش حينت رنيم لي ضارت بيه
عقاب شاف فيها بحدة: انت مراتي او شفتك شحال من مرة كضوري قدامي بنص شبر ، او من حقي ندير لي بغيت ولكن ماقربتش منك او تحكمت فراسي كتنعسي جنبي او ماخليتي مادرتي ، هاداك لي لداخل حيوان تابع غريزتو الحيوانية ، كاين مليون حل ولكن هو اختار يلبي غريزتو او يحطها فالواجهة على اساس هي الغالطة ، ياسين كبر قدام عيني او انا لي كنعرفو مزيان شخص استغلالي كيدير لي قال ليه راسو او مكيهتمش بالعواقب ، او كيستخدم مراوغتو فالكلام باش يقنع كلشي ، ديك الهضرة لي قال لا أساس ليها من الصحة ، او فكر فيها وقت طويل باش قالها ، كلشي دابا الداخل غادي تلقايهم كيشوفو بلي عندو الحق فحال كيف فكرتي انت
أسماء باحراج : انت تعرف ماغاديش ناقشك
(شتو كي دار ليها ، وا تيقو فولاد القح**ااب من هنا نقولها ليك اأختاه راه يضحك ليك فالفراش او ملين تحطو فالواجهة غادي يدفعك قدامو او يتسمى هو الغالط ، داكشي علاش ديري العز الك**رك)
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
