كتاب الأمل 💜
الجزء 13
دخلات لدار حيدات الطالون من رجلها او حطات الصاك على الفوطوي ، مشات الجهة لاخرا ديال الفوطوي او جلسات كتشوف
أسماء: اش هاد الملل ، (هزات راسها كتشوف فالسقف ) الكُتاب كان معمر لياا وقتي
حولات عينيها كتشوف قدامها بسهو ، بعد مدة من هاد الجلوس الفارغ ، وقفات من بلاصتها غادية جهة البيت ديالها ،
لبسات بيجامة عبارة على كولون او تيشرط فالأسود ، جمعات شعرها الطويل على شكل كعكة مهملة ، او دارت بوني
مشات جهة الفوطوي او بدات كدفع فيه جهة الكولوار ،
بعد مدة كان المراح خاوي ، جابت الماا او بدات كتحك تما ، جففات او رجعات الفوطويات البلاصتهم
جلسات شوية ترتاح ، من بعد ناضت غادياا جهة البيت
وقفات خطواتها اثر سماعهاا لصوت دقاان مجهد فالباب
زربات جهة البيت ، جرات عباية لبساتها او جرات شال دارتو فوق راسها مخربق او مشات كتزرب جهة الباب
فتحاتو ، كتلقى قدامهاا جوج رجال ببنيات ضخمة لابسين كوستيمات فاللون الأسود او ضاربين تخنزيرة على وجههم
أسماء(باستفهام ): كاين فاش نساعدكم ؟
هدر واحد فيهم بصوت قوي او بارد: السيد ديالي طاح ليه ظرف فالدروج ديال هاد العمارة ، واش شفتيه
أسماء عقدات حجبانها : لا ماشفتوش
نفس الراجل : الشقة ديالك هي الوحيدة لي بقات ، او السيد ديالنا قالنا ماترجعوش بلا بيه ، داكشي علاش حنا مضطرين نفتشو الشقة ديالك
أسماء تكات على الباب او ربعات يديها بسخرية : ايوا قول لهاد السيد ديالك بلي انا مابغيتش نخليكم تدخلو تقلبو الشقة ديالي (ابتاسمات)
رجعات اللور او زدحات الباب بجهد ، او تحركات من قدامو كتحيد فالعباية او تنگر
دخلات الحمام قلبات الاولويز لقاتها ناشفة ، لاحتها فالسلة او حيدات حوايجها كدوش
من بعد الدوش توضات ، او رجعات لبلاصة فين لاحت فيها العباية او شال هزات العباية لبساتها قادات زيف او مشات هزات الصلاية ، فرشاتها فالمراح جهة القبلة
كبرات او بدات فصلاتها
فوسط صلاتها تزدح الباب بطريقة عنيفة حتى تهرس، زدحة خلات قلبها يتهز من بلاصتو
مي ماحبساتش صلاتها بقات مكملة فهدوء ، كتركع بتأني او تعاود تنوض فحال ايلا ماوقع والو او ماعاطياش أهمية أصلا للموضوع
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
