كتاب الأمل 💜
الجزء 122
مدة مكانتش طويلة او هو يدخل عليها عقاب الصالون شاف جيهتها او هضر
عقاب : تگعدي
أسماء شافت فيه او خسرات سيفتها من المداق ديال الحامض: شنو
عقاب بعصبية : وااا تهززي ماتخلينيش نصعر عليك هاد الصباح
أسماء حطات الطبسيل على الطابلة او ناضت كتقاد فعبايتها او تمشات جيهتو حتى ولات قدامو ، هو عطاها بجنبو او لاح يديه على كتافها فحال ايلا معنقها او تمشى خارج من الصالون
عقاب : شنو تقولي ليا فين كاينة اولا نمشي نجر داك يوسف لي سيفطتيه يديها يسدق مييت فبلاصت فدوى
أسماء حلات فمها بصدمة او شافت جيهتو كان هو كيشوف قدامو بهدوء
أسماء عضات شفتها بخوف: انا لي سيفطتو ، هو مادار والو
عقاب حل الباب لي كيخرج من القصر او خرج سادو موراه او هو مزال محاوطها من كتافها : أسماء كتكليكي ليا على البوطون ديال الأعصاب تزيدي التعكسي معايا غادي انتفرگع عليك
تمشى بيها حتى الطنوبيل حل ليها الباب او دفعها لداخل عاد سدو عليها او داز الجيهة لاخرة ركب او طلع الزاج او شاف جيهتها ببرود
عقاب : تهضري اولا نسيفطهم ليه
أسماء كتشوف فيه بترجي او هو عينيه فعينيها كيتسناها تهضر
أسماء كتغزز فشفتها التحتية بتوتر : حرام عليك
عقاب ضرب على الفولون قدامو حتى قفزات : علاااش تادخلي راسك فشي حاجة من المفروض مادخليش فيها (شاف جيهتها) كنقسم ليك اأسماء او ماهضرتي حتى غادي تجيبيها غير فراسك
أسماء كتنزلهم حجر من عينيها : شنو غادي الدير ليا ايلا ماقلتش ليك
عقاب زير على سنانو كيشوف فيها سكتاتو ، كان غير كيهددها او ماناوي يدير ليها والو ، بمعنى كيخلعها باش تهضر حتى من يوسف مايقدرش يتخلى عليه ، عض شفتو او هو كيشوف فدموعها لي نازلين او كيفكر فشي حاجة باش يجاوبها ، حتى حس بشفايفها لي كيرجفو تحطو على حنكو باستو او بعدات عليه كتشوف فيه
أسماء: الله يخلي ليك ماعزيز عليك ، خليني نكمل هادشي لي بديت
عقاب بقى مقنصها بعينيه بنظرة ثاقبة او هي كاتنتاظر منو جواب حتى فتح شفايفو و أخيرا او تكلم
عقاب: غير جيبيها ماغادي ندير ليها والو
أسماء بعدم ثقة : حلف ليا مادير ليها والو
عقاب غمض عينيه او فتحهم بعصبية : كنقسم ليك ماندير ليها والو
أسماء هزات براسها او رجعات كتشوف قدامها : ديماري انا غادي انعت ليك الطريق
عقاب قال لي دارت او ديمارا خاارج من القصر ، مسافة الطريق كانو فديك الدار من بعيد ضربو على الطنوبيل ديال يوسف او فرح واقفين قدام الدار ، زاد حتى وصل جنبهم او سطاسيونا الطنوبيل عاد نزل كيضور عينو على المنطقة باستكشاف او أسماء تمشات جيهة الطنوبيل ديال يوسف حينت بان ليها ناعس تما ، دقات عليه من الزاج دقات متتالية حتى فتح عينو ، شافها او هو يقفز
أسماء بعدات على الباب او هو فتحو او خرج حتى بان ليه عقاب جاي خلى توازنو يختل بالخلعة او رجع بصرو لأسماء لي طمناتو بعينيها
عقاب وصل جنبو او حط يدو على كتافو مزيير عليه او هضر : خدام عندي اولا عند مراتي
يوسف شاف فيه غير بطرف عينو : عندك اخويا عقاب
عقاب ببرود : هاد المرة نلقاك غير واقف كتهضر معاها غادي نطير ليك راسك من بلاصتو
* يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
