كتاب الأمل 💜
الجزء 1
جالسة فالبالكو بعباية سوداء كيف ظلام الليل ، او على راسها شال مليوح بإهمال مغطي شعرها، كطل على برى ، السكون كيعم الشارع بالكامل او أغلب الناس كينعمو بالنوم فبيوتهم من غيرها هي لي كتشوف فمنظر السماء لي كيتوسطها قمر كامل او كتفكر بشرود ، رغم مرور سنين طويلة إلا أنها مزال كتعاني او ماقادراش تنسى لي داز
ناضت من موضعها او تمشات لداخل البيت ، حركات خطواتها لمكتب الصغير لي كان فالغرفة لي هي فيها ... جرات الكرسي او جلسات عليه كتشوف فهداك المكتب ، فتحت احد الرفوف او جبدات منو كتا او قلم الرصاص معاه ممحاة
فتحات الكتاب اووحطات القلم باش تبدى تخطط عليه
" بعد مدة او انا مضاربة مع نفسي قررت ليوم نواجه مخاوفي ، او اول خوف هو تذكر الماضي
أسماء حاجي تزاديت بمدينة سلا ، فتحت عيني فعائلة محافظة الأب إخواني او الأم من أصحاب النقاب ، كبرت على الحشمة او نزل راسي ديما الارض ، لدرجة الأب كان محرم علينا بعض الأشياء لي غادي تبان ليكم بسيطة جدا ، او مكاين لاش تكون حساسية منو
كبرنا غير بالقليل الحمد الله ، الأب ديالي كان كيخدم فمخبازة ، كيوصل الخبز 103الحوانت او كيجيب كل نهار على الأكثر 50 درهم او كاين نهار لي مكيوصلش لحتى ل30 درهم الأم ديالي كانت كتساعد او كتخدم الرانداا
كان المستوى الدراسي ديالي مزيان ولكن عشت بحقيقة أنه نهار نشد التاسعة غادي نجلس فالدار حتى نتزوج "
⚡ فلاش باك⚡
واقفة بنت فسن 13 سنة قدام بناية فالتجهيز متكونة من 3 طبقات الطابق الأول كان عندو باب خاص فوقو بلاكة مكتوبة فيها بالخط العثماني العريض { كتاب الأمل لحفظ القرءان و تعليم قواعد التجويد}
حداها 4 ديال البنات كل وحدة او السن ديالهاا ، ملاك فسن 16 السنة او بنت خالها شروق فسن 14 سنة او حداهم هداية فسن 14
واقفين قدام داك الباب كيتبادلو الحديث فانتظار وصول المعلمة باش يدخلو
بعد مدة ماشي طويلة جات الأستادة خديجة ، فتحات ليهم الباب او دخلو من وراها
كان الكتاب من الداخل ، داير بحال شي مسجد مفرش بزرابي حمرين فالأرض ، فالدخلة ديال الباب على اليمين كاين مكتب ديال الخشب بكرسي ديالو ، فوقو عدة مصاحف و أوراق او دفاتر او ملفات ، او من ورا المكتب مباشرة كاينة سبورة بيضاء
كان أيضا بلاكار طويل فيه عدة مصاحف او كتب الحديث مستفين
دخلو البنات او توجهو نيشان لواحد القنت كانو فيه بونجات محطوطين وحدة فوق وحدة ، كل وحدة من البنات هزات وحدا او بداو كيستفوهم ، وحدا قدام وحدا
مجاو فين يساليو حتى بداو كيدخلو بنات لابسن جلالب بكل الأعمار من 6 سنوات حتى ل27 سنة منهم لي كانو كبار بزاف او دايرين النقاب ، جلسو على شكل حلقات(دوائر) او كل وحدا فيهم جبدات قراءنها كتراجع محفوظها
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
