كتاب الأمل 💜
الجزء 113
أسماء باقيا فالبيت لي حطها فيه عقاب متكية او عينيها مطلعاهم لسقف كتنهد ، بينما عقاب كان فالباب او قدامو كارد ، مد ليه ورقة كانت فيدو او تكلم
عقاب: سيرو لهاد العنوان هضرو معاهم او قولو ليهم بنتهم بغات تشوفهم او الأمور تقدر تصلح ، ايلا مابغاوش هضر مع المراة بالضبط او قولها بلي بنتها حاملة او بغاتها تجي عندها باش تشوفها
الكارد شاد الورقة فيدو او هز براسو : واخا اسيدي
الكارد تحرك او هو دار يديه فجيابو او شاف جيهة الباب ديال البيت عاض على شفتو بعنف او كيفكر ، تنهد او فتح الباب دخل عليها او هي ضورات ليه عينيها ببطئ حتى شافتو كيقرب ليها او جلس على طرف السرير او طراف صباعو بداو كيتحركو على عنقها او وجهها او هي كتحرك على حساب حركتو معنكشة
عقاب : مانشوفش شي ضحيكة امم
أسماء قلبات عينيها او سكتات او هو نزل يديه من عنقها مدخلها من الكول ديال العباية حتى وصل السوتيان او عاود تكلم بحنية
عقاب : بغيت نمشي نخدم اولا ماشفتش الضحكة ماغاديش تحلى ليا الخدمة
أسماء عضات شفتها حابسة الابتسامة او فنفس الوقت قلبها بدى كيضرب او هي كتحس بيديه لي نازلة الصدرها
عقاب كيطل عليها بعينيه : أسماااء
أسماء شافت جيهتو او تكلمات بخفوت: حيد يديك
عقاب زد نزل يدو او هاد المرة قاص صدرها حتى قفزات مبورشة : الضحيكة أأسماء
أسماء نزلات فمها لدراعو حتى حطات شفايفها عليهم فحال ايلا غادي تبوسو ، او هو كيشوف فيها حتى حس بيها قرمات عليه بعضة ديال الغدايد خلاتو يخرج فيها عينيه بصدمة حتى طلقاتو على خاطرها او قلبات وجهها
أسماء: سير لخدمتك دابا
عقاب شاف فالعضة لي تطراسات فيديه غارقة تقول عندها مناشر ماشي سنان ، الدم بان فدوك لاطراس او نزل ليها راسو باس وجنتها او هي غمضات عينيها حسات بشفايفو كيقربو من شفايفها حتى حطهم عليهم او بدى فعملية التقبيل ، كيمص او يجر فيهم خلاها تغيب معاه او كيتذوق من ريقها ، لسانو حتى هو داير خدمتو كيجر بيه لسانها او يرجع لشفايفها تاني كيمصهم حتى حسات بيه مزيير على شفتها التحتية بسنانو حتى تأوهات وسط فمو بألم ، ماطلقها حتى حسس بطعم الدم ففمو او شاف فيها مبسم
عقاب: هاكا كيكون العضان ديال بصح
أسماء حطات يديها على شفتها كتحسس مكان العضة او مخسرة سيفتها كتكلم بشوية : مريض فراسك انت
عقاببدى كيمسح شفايفها من الدم او كيتكلم بهدوء: لي عرفك انت غادي يبقى بيخير ، انت كتجيبي المرض
أسماء جمعات قنانفها بطفولية او هو متبع هاد الحركات ديالها ، ولا كيحس بيها عندها الهرمونات الطفولية مشات الرزانة فخبر كان
عقاب : دابا ماضحكيش ليا تخليني نمشي (هز حاجبو) ياكما ماساخياش بيا داكشي علاش مابغيتيش الضحكي
أسماء : من نيتك
عقاب : ياله شي ضحيكة عندي ليك فالعشية مفاجأة متأكد غادي تعجبك
أسماء ابتاسمات ليه ابتسامة صفرة : هانا
عقاب وقف : راسك قصح من الحجر
مشى خارج او هي كتميقو حتى سد الباب عاد جرات عليها الغطا مزيان او يديها حطاتها على شفتها لي عض او كتألم او تعايرو فخاطرها حتى غفات
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
