كتاب الأمل 💜
الجزء 49
فدوى وصلات حداها او عاود تكلمات: نازلة تفطري
أسماء هزات براسها او بدات نازلة مع الدروج او فدوى جنبها حتى وصلو التحت ، مشاو لصالا مونجي كان الكل مجموع حتى من فرح كانت معاهم انضمو ليهم فصمت او باشرو فأكلهم حتى وقفات أسماء او تكلمات
أسماء: بالصحة و الراحة (شافت فراضية) البنات يكونو وصلو
راضية : عاد غادي نقولهم يوصلوهم ، غير سيري اتجي معاهم قد قد
أسماء هزات براسها او تمشات خارجة او هو يوقف عقاب خرج بلا كلام موراها حتى لبرى ، لقاها ياله غادي طلع الطنوبيل ديال الشيفور او هو يهضر مخاطبو
عقاب : غير خليك انا نوصلها
أسماء شافت فيه: بلاما نطول عليك الطريق
عقاب تمشا جيهة طنوبيلتو بلاما يهضر او هي رجعات شافت فالشيفور بقلة حيلة عاد تبعات عقاب ركبات جنبو او هو كسيرا خارج من القصر
غير خرجات الطنوبيل من القصر شافت أسماء فعقاب لي كان مركز مع الطريق او رجعات شافت قدامها او هضرات
أسماء: احم انا فكرت فالموضوع ديال البارح
عقاب شاف فيها او رجع عينو الطريق مكتفي بالصمت كيتسنى تكمل كلامها او هي هضرات كتشوف فيديها لي كتفركهم بتوتر
أسماء بخجل او عاضة شفتها التحتانية بسبب التوتر لي حاسة بيه : قابلة
عقاب رجع شاف فيها او هاد المرة كانو عينيه مبشرين او تكلم بهدوء: ملين نرجعو فالعشية القصر نهضرو فالموضوع
أسماء : ان شاء الله
__________________
حطها هاد المرة جنب الكتاب عاد مشا فحالو، هي لقات الطرونسپور واقف قدام الباب ، او هي تفتح ليهم دخلو عاد دخلات موراهم ، كتهضر بصوت مرتافع
أسماء: سبابطكم مادخلوهمش حينت كنصليو هنا
البنات هزو ليها براسهم او دارو لي قالت حيدو سبابطهم عاد دخلو لي عندها شي صاحبتها جلسات جنبها كيلعبو او يضحكو او هي مشات حطات صاكها عاد رجعات وقفات قدامهم كتشوف فيهم كاملين
أسماء:هدووء عافاكم (الكل سكت) بنسبة لبنوتات لي مادايرينش الزيف المرة جاية إن شاء الله اجيو لابسين طويل او شال على راسكم او توضاو حينت غادي نصليو (علات صوتها) شكون كيصلي (الأغلب هز صبعو او هي ابتاسمات) تبارك الله عليكم
لمهم كملات معاهم دوك السوايع كتسايس او توريهم شنو خاص يديرو او شنو لا حتى وصل الوقت باش يخرجو ، جا ليهم الطرونسبور تاني داهم او هي سدات الكتاب او ضارت حتى كتبان ليها طنوبيل او كارد واقف فالباب ديالها او كيشوف جيهتها ، تمشات عندو حتى وصلات قبالتو او هضرات باستغراب
أسماء: سيفطاتك لالة راضية
الكارد حرك راسو بنفي : لا سيفطني السي عقاب قاليا نديك فينما بغيتي (جبد كارط بونكير من جيبو او مدها ليها ) او عطاك هادي قالك باش تشري ماتلبسي ملين تبغيو الضربو لاكط
أسماء شافت فديك الكارط بونكير او رجعات شافت فيه او هي تنهد مادة يديها خداتها من عندو او دارتها فصاكها ، فتح ليها الباب اللوراني ركبات او هو رجع ركب القدام او طلع عينو كيشوف فيها من المراية
الكارد : لفين امدام
أسماء: ديني المول
الكارد هز براسو او كسيرا او هي ضورات عينيها كيف عادتها كطل من الزاج
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
