كتاب الأمل 💜
الجزء 82
صباح جديد 🌤️
فاقت كيف عادتها صلات الفجر او قرات القرءان او بعدها عاد الصبح ، لابسة عباية فالبلوماغين او جالسة على الفوطوي فيديها كتاب كتقراه او شي مرات كتشوف فعقاب لي مزال ناعس
مدة طويلة حتى سمعات الدقان فالباب ، ناضت من بلاصتها باستغراب او فتحات الباب حتى كتلقاها قدامها هاد المرة لابسة دوني فالأصفر او سروال جينز فالأسود
أسماء مطلعة حاجبها: اش كاين
رنيم ابتاسمات: غير كنت نازلة نفطر او قلت نشوف عقاب واش حتى هو نزل
أسماء ابتاسمات ليها ابتسامة الغدايد: عمك عقاب باقي ناعس ، ملين يفيق غادي ينزل يفطر
رنيم هزات براسها: واخا
هي مشات او أسماء سدات موراها الباب بالنفضة او ضارت حتى كيبان ليها عقاب واقف او كيشوف فيها
عقاب: مالك
أسماء تمشات جيهة الفوطوي: والو
عقاب هز حاجبو: معامن كنتي كتهضري
أسماء شافت فيه او ابتاسمات بفقصة: مع بنت صااحبك
عقاب: مالها لاش جاية
أسماء كتعيبها: قالت ليك جيت نشوف عقاب واش نازل يفطر
عقاب هز براسو او مشا لبس حوايجو او خرجو بجوج من الجناح حتى نزلو التحت دخلو الصالا مونجي لي كان فيها نبيل ، سوسن ، ياسين ، فدوى او رنيم كانت جنب ياسين ، مشات أسماء جلسات جنبها او بداو فطورهم
بينما عقاب كان كيشوف فبلاصة راضية او مريم لي خاوية او تكلم
عقاب: فين الحاجة
سوسن: عندها شي غراض او دات معاها اختي مريم
عقاب هز براسو او بدى ماكلتو، من بعد ما سالا ناض من بلاصتو او حتى أسماء ، تمشاو خارجين او فدوى متبعة ليهم العين مغددة
بينما عقاب او أسماء ملين خرجو برى ركب هو فسيارتو او حتى هي فسيارتها او خرجو بجوج عقاب قدامها او هي موراه
______________ مكان آخر _____________
حي شعبي بامتياز الدراري شادين الشوكة كيلعبو كورة او البنات الصغار منتاشرين كيلعبو او يغوتو ، كانت واقفة السيارة لي كتوصل راضية قدام أحد المنازل ، متكونة من 4 طوابق ، نزلات راضية كضور فعينيها عاد مريم من الجيهة الثانية او تقدمو جيهة داك الباب ، دقات مريم او جمعات يديها عندها كتسنى يتفتح
مدة مكانتش طويلة او هو يتفتح الباب من طرف يوسف لي ملين شافهم بان على ملامحو الصدمة
يوسف: مرحبا الحاجة
راضية تبسمات: ترحب بيك الجنة اولدي
بوسف وسع الباب: تفضلي
راضية حنات راسها او دخلات او موراها مريم ، تمشاو مع الكولوار لي كان كلو زليج ، حتى دخلو الصالون لي كان كبير او واسع او مفرش بالتاويل باللون البني او البيج ، جلسو بزوج جنب بعضهم او يوءف جلس قدامهم
يوسف: تشربي شي حاجة الحاجة
راضية : لا اولدي غير جلس ، انا جيت قاصداك او المقصود الله
يوسف هز براسو: انا فالخدمة الحاجة
راضية : فراسك بلي أسماء تزوجات بعقاب
يوسف حنا راسو او نبرتو كانت مغيرة: فراسي الحاجة
راضية بحزن: فدوى اولدي دخلات بيناتهم بالسحر بغات تبعد عقاب على أسماء او هادشي مايبغيه لا ربي لا عبدو ، انا محتاجاك دابا دير بوجه السنين لي خدمتي عندنا او رجع اولدي الخدمتك
يوسف شاف فيها: ماحد فدوى فداك القصر ماتطلبيش مني نرجع
راضية: شوف اولدي ، رجع لخدمتك هادشي فصالحك ، او فصالح بنتي أسماء الله يرضي عليك اولدي دير غير بوجهي انا مرة كبيرة جاية كنرغب فيك
يوسف حدو بدا كيشوف فيها ماقدرش يرضها فوجهها او زيد عليها كان باين الألم فكلامها ،او راضية ملامحها تحولو الأمل أنه يقبل حتى نطق
يوسف: واخا الحاجة ، وقتاش نجي
راضية بفرحة: وقتاشما بغيتي أولدي
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
