كتاب الأمل 💜
الجزء 33
وصلات الخمسة ديال العشية او أسماء مزال جالسة معاهم هضرة تجيب هضرة حتى ماحسوش بالوقت لي داز ، تسمع صوت شي تليفون كيصوني خلى كلشي يشوف فالجيهة ملين جاي الصوت ، حتى كتبان ليهم الخدامة جاية كتجري فيديها التليفون او مداتو الراضية
راضية شافت الرقم او دوزات الخط : األو (خرات عينيها ) كيفااش وقع (شافت فأسماء) عقاب وصلو هادشي (بدات كتكابر توقف او هي مزال كتسمع فالمتصل كيهضر ) عقاب غادي يقلب عليكم الدنيا تماا ، غطيو الفعلة
قطعات الخط او رجعات جلسات كتنهد
سوسن بخوف : أش واقع الحاجة
راضية شافت فيها : مصيبة ابنتي مصيبة طاحت فوق راسنا
سوسن : ماتخلعينيش كثر من هاكدا الحاجة
راضية تنهدات او شافت فأسماء لي بدورها كانت كتشوف فيها بفضول او رجعات عينيها لسوسن : تحرقو جوج عمارات فالإقامة او الكارد خايفين من عقاب حينت شمو ريحة المازوط او العافية شدات من الفوق حتى التحت
سوسن مخرجة عينيها: ايلا إقامة هادي
راضية : الإقامة لي حدا حي بوجدور ، لي وقعات فيه السرقة جوج مرات
أسماء : ايلا عمارات بالضبط
راضية شافت فيها : لي فيها شقتك او لي جنبها
أسماء فتحات عينيها بصدمة : اش كتقولي
راضية شدات فيديها : تهدني ابنتي ، يجي عقاب او نلقاو ليك حل ، ماغاديش نخليوك فالزنقة
أسماء كان قلبها كيضرب ، مشا ليها كلشي
راضية كتشوف فيها بانت ليها غادي تبكي او هي توقف او جراتها من يديها موقفاها
راضية : اجي معايا بغيت نهضر معاك
جراتها داتها الجناح ديالها لي كان فالطابق الأول ، دخلات او دخلاتها معاها جلساتها على السرير او جلسات جنبها
راضية : حوايجك فأمان ابنتي، حينت لي شعل العافية ، شعلها غير فالكولوارات شوية او انتاصل نوصيهم يجبدو ليك حوايجك
أسماء : غادي ديري فيا خير
راضية ابتاسمات: كلشي من الخير ابنتي
جا وقت العشا او تجمعو على الطابلة غير سوسن او راضية او أسماء ،اما فدوى غابرة
حتى تسمعو صوت الخطاوي جايين جيهتهم خلى الكل يحبس ماكلتو ،
تقدم عقاب او جلس جنب أسماء بلاما يعطيها أهمية او عمو جلس جنب سوسن
عقاب بصوت مرتافع: زيدو طبااسل هنا
أسماء قفزات من بلاصتها او هي كتشوف فيه كيف كيغوت ، حسات بقلبها مشا او جا
راضية كتشوف فيه بحدة: اش هاد الحالة
عقاب شاف فيها : ماتزيديش الخل على الخلول ، راسي غادي يتفرگع عليا ماتزدينيش حتى انت بسلطويتك
راضية بغضب : من وقتاش وليتي تهضر معايا بهاد الطريقة
عقاب وقف او دفع الكرسي لي كان جالس عليه بزعفة حتى تزدح خلى كلشي مترقبو بعينيه خايفين من غضبو
عقاب : من اليوم هادا هو التعامل ديالي معاك من اليوم ، كتساهمي فالغراااق ديالي او انا ديما حاني ليك راسي هادشي بزاااف
راضية وقفات كتغزل من بلاصتها بالأعصاب : نزززل صوتك
عقاب حط يديه على الطابلة : علاش حرقتي دوك العمارات
راضية خرجات عينيها : اش هاد الهضرة كتقول
عقاب : واحد من الدراري قالها بفمو مكاين لاش تنكري
راضية رجعات جلسات او هضرات بهدوء محكمة فأعصابها : درتها او عندي أسبابي الخاصة (شافت فيه) ماتسولش علاش
عقاب ضحك بعصبية : ملين بديتي حرقي كلشي نعاودو البني من الأول ، لاش غير دوك الجوج
راضية بصوت مرتافع : سااااد الموضوع
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
