كتاب الأمل 💜
الجزء 69
دارت لي قال ليها او دخلات الغدا تغداو مع بعضياتهم فجو مكيخلاش عليه الهضورات ديال أسماء او عقاب ماعندوش مع كثرة الهضرة واخا مبرزطاه مكيلقى مايقول ليها كيخليها على خاطرها
سالاو او هو ناض مشا الدرسينغ يشوف مايلبس او هي جلسات فبلاصتو هزات الپيسي كتقرى داكشي مامفاكاش
حتى خرج عندها لابس توني ديال الكوتشي فالأبيض او سبادري فنفس اللون حتى وقف قدامها داير يديه فجيابو او كيشوف فيها بدات كتنيرفيه
عقاب نهض فيها : اش كديري
أسماء قفزات او شافت فيه: والو
عقاب : حطي داك الزبل او نوضي
أسماء حطات البيسي او وقفات كتشوف فيه بابتسامة : جاك السپور زوين
عقاب غير كيشوف فيها كيف واخدة حريتها فالتعبير او هي تقدمات عندو او شدات فدراعو : نمشيو
عقاب حرك راسو بلا حول او تمشى خارج من الجناح حتى نزل التحت كتخرج فيهم مريم
مريم شافت فيهم بجوج بابتسامة: فين غاديين
عقاب: الفيرما
مريم: تسناني نلبس نمشي معاكم شحال هادي مامشيت ليها
عقاب تمشى مخطيها او أسماء حينت شادة فيه غاديا معاه : غادي غير انا او مراتي مرة اخرى او سيري
مريم بصوت مرتافع: والله لا بقات فيك (تبسمات) لهلا يحرمكم من بعضياتكم
ضحكات بحماس او تمشات طالعة مع الدروج او كتدعي معاهم
بينما هوما خرجو او ركب فسيارتو او هي جنبو غادي الطير بالفرحة
مدة مكانتش طويلة بداو يدخلو مع شارع محيطو أراضي شاسعة مكتحدها الشوفة او الربيع فكل مكان او مرات يدوزو من حدا البقر كيرعى كتبقى أسماء متبعة ليهم العين من الزااج او تبتاسم ، حتى دخل مع شانطي آخر فيه شجر كثيرة كيبان قدامها باب حديدي فاللون البني
توقفات الطنوبيل قدام داك الباب او كلاكسونا غير مرة وحدا او هو يتفتح على ديك الجنة ، تمات داخلا السيارة كتمشى وسط الخضورة او الشجر لي فكل مكان، حتى توقفو فأرض فيها الحصى ، عاد كيبان ليها منزل مبني من الخشب خلاها تبتاسم طلعات عينيها لفوق كيبان ليها إسم الشريف مكتوب بالانجليزية (SHERIF) ، توقفات الطنوبيل.
نزل عقاب هو اللول عاد موراه أسماء كتشوف او تبتاسم تابعاه حتى دخلو الداخل تمشى نيشان الباب واحد الغرفة دخل ليها او هي تبعاتو
عقاب شاف فيها : ايلا كنتي ناوية تركبي الخيل ، هاد الحوايج ماصالحينش (حل البلاكار) غادي نشوف هنا واش كاين شي لبسة تجي قدك
بدا كيحرك فالعلاقات حتى طاح على سروال فالأسود او قميجة فالأبيض بانو ليه غادي يجيو قدها او هو يمدهم ليها : لبسي هادو
أسماء شداتهم من عندو : فين غادي نبدل
عقاب بدا كيحل فسنسلة ديال التوني: غا لبسي قدامي
حيد التوني او جبد ديباردو فالأسود لبسو معاه كوير بلا كمام عاد سروال فالأسود ، او حتى أسماء كانت حيدات العباية او لبسات داكشي لي عطاها واخا القميجة جاتها مزيرة شوية من جيهة الصدر ، شدات الشال دارتو غير فوق راسها مخلية عنقها مامغطيش
عقاب ضار شاف فيها : حتى هادشي مجاش قدك
أسماء: ماشي مشكل
عقاب : غير هادشي جاني لاسق عليك بزاف ، غير حيديه
أسماء بصدمة : علاش
عقاب قرب منها حتى وقف قدامها او خشا يدو فصدرها حتى قفزات او تكلم بهمس: الصدفة ماغاديش تصبر او غادي طرطق
أسماء حيدات ليه يديه : اصلا كاينة غير انا وياك هنا
عقاب: كاينين الخدامة
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
