كتاب الأمل 💜
الجزء :7
أسماء حنات راسها على كتابها كتقرى مرة أخرى ، او رجع السكون
بعد وقت طويل ،صوت اذان الظهر تسمع فأذن فرح الشي لي خلاها تهز راسها فأسماء
شافت فيها لقاتها باقا منزلة عينيها على الكتاب كتقرى بدون ما تعطي أي إصغاء العالم الخارجي ،
حتى خرجاتها من سكونها بصوتها
فرح : ملين كتبداي تقراي كتغيبي
أسماء هزات عينيها كتشوف فيها : عارفة ، واش ساليتي ؟
فرح : اه ساليت ، نوضي صلي الظهر باش نخرجو ،
أسماء وقفات : لا غير نوضي نخرجو عندي عدر
هزات فرح راسها بالإيجاب او دارت جهة صاكها هزاتو او تقدمات قدام أسماء جهة الباب بينما أسماء علمات الصفحة فين وصلات او دارت الكتاب فصاكها او خرجات تابعة فرح ، لي فور ماخرجات مشات لطونوبيلتها من نوع كطكاط فالأبيض ركبات او تسنات أسماء توصل عندها
فتحات أسماء باب السيارة او دخلات عاد كسيرات فرح
فرح او هي كتشوف فالطريق : فين تبغي نمشيو
أسماء: نمشيو لشي بلاصة ناكلو فيا الجوع مافطرتش (ضارت كتشوف جيهتها) راك عارفة مع الحيض كتسد ليا الشهية ماقدرتش ناكل فالصباح ، غير فقت جيت عندك نيشان
فرح : اه واخا نمشيو ناكلو
بعد مدة كانو قدام ريسطو من النوع المتوسط دخلو ليه او شدو بلاصة معزولة مافيهاش بنادم عطاو الطلب ديالهم اووبقاو جالسين كيتسناو
فرح (كتشوف فأسماء): بغيت نسولك
أسماء هزات راسها كتشوفها : شنو
فرح : دابا انت أقرب صديقة ليا ، او دايرا الحجاب او متشبتة بالدين بزاف ، او عمرك قلتي ليا ديري الحجاب او شي حاجة
أسماء ابتاسمات من تحت خمارها : فرح الحجاب كيدار على قناعة ماغاديش نجي أنا او نبزز عليك عليك ديريه ، حينت ايلا بقيت كنضغط عليك بزاف ماغاديش تبقاي تحمليني ، اومااكناش غادي نكونو صديقات مقربات لهاد الدرجة
فرح ضحكات او هي كتهز براسها: عندك الحق ..... سكتات شوية او عاود هضرات ...... ماكتفكريش تزوجي ؟
أسماء : مزال مالقيتش الشخص المناسب
فرح بضحكة عالية : إيوا الله يجيب ليك شي بوگوص او بوكو حبة ، يتهلى ليا فصاحبتي
أسماء ضحكات : او نسيتي يكون عارف فبينو او بين الله ، او يعاملني مزيان او يبغيني أهم شئ او يقدرني
فرح : أمين او الله يجيب ليا حتى أنا (بدلات تعابيرها الترجي ) مليت أنا من الوحدة مليت
أسماء : دابا يجي مكاتبك على قد نيتك
فرح: أمين
تحط الأكل قدامهم شي لي خلاهم يوقفو حديثهم او يباشرو فيه
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
