كتاب الأمل 💜
الجزء 19
من بعد مدة طويلة من التفكير تكلمات: خلي ليا واحد الوقت نقاد أموري
راضية ابتاسمات او طبطبات على يديها : ماغاديش تندمي ابنتي
أسماء اكتفات تهز ليها براسها او راضية بدات كتحاول توقف او تهضر: عاونيني ابنتي نمشي فحالي
أسماء وقفات معاوناها حتى خرجو على برى او هو يجي الكارد شد فراضية او تحرك بيها جيهة الطنوبيل او أسماء متبعاهم بعينيها او كتشوف حتى فالرجال جوج لي كانو واقفين فالطنوبيل لي من مور الرونج لي جات فيها راضية ، هادي كلها مؤشرات خلاتها تفكر أن هاد السيدة لي جات عندها قيمتها وازنة وا باين فيها عندهاا الفلوس
راضية وصلات لطنوبيل او فتح ليها الكارد الباب او هي ضور شافت جيهتها لقاتها كتشوف فيها او هي تبتاسم ليها عاد ركبات او تحركو الطنوبيلات من قدام الكتاب .
أسماء تنهدات عاد ضارت داخلا او الموضوع كيضور فبالها واخد حيز كبير من تفكيرها ، كيبان ليها الفكرة زوينة مي القضية فيها دراري صغار او مسؤولية خاصها بزاف ديال الخدمة او التفكير فمصلحتهم او فحمايتها هي من أي عائق
دخلات الداخل او رجعات لبلاصتها جلسات فيها او شدات المصحف بين يديها بسهو، حتى جات مراة جلسات قدامها او تكلمات
المراة : غادي انستظهر جزء قل اوحي
أسماء شافت فيها او هزات براسها : غادي تبداي فالحزب الثالث
المراة حركات راسها بالايجاب: اه
أسماء: واخا بداي
لمهم بدات كتعرض عليها المراة حتى سالات عاد عاود هضرات أسماء : حضي راسك مع هاذ الحزب او بقاي تراجعيه مزيان حينت كيتنسى او صعيب
المراة : واخا ابنتي (كملات كلامها بتردد) واخا نسولك
اأسماء : سولي
المراة ابتاسمات او هضرات كتهز فحجبانها: شكون ديك السيدة لي جات
أسماء عقلها دار بووم فهاد اللحظة او تأكدات ليها الهضرة ديال راضية بقات غير كتشوف
أسماء شافت فيها مزيان او تكلمات بهدوء : قال رسول الله صلى الله عليه وسلم (ابتاسمات) صلي على الرسول
المراة : عليه الصلاة و السلام
أسماء : من حُسن إسلام المرء تركه ما لا يعنيه
المراة وجهها حمار فالبلاصة او تكلمات بتوتر: انا ابنتي بغيت غير نعرف أش واقع لا كنت نعاونك
أسماء: ربي يخليك كون كنت محتاجة لي يعاوني كنت غادي نطلبها منكم
المراة ناضت او رجعات لبلاصتها كطير ماتلفتاتش
أسماء حركات راسها بلاحول ولا قوة إلا بالله ، او استقبلات المراة ثانية لي جلسات كتشوف فيها بنص عين ظاهر انا السيدة وصلات ليها أش قالت ، حتى أسماء فاهمة أش طاري مي دايرا عين ميكة ماباغيا صداع مع حتى واحد
وصلات ل11 او بداو العيالات كيوقفو او يخرجو فحالهم او أسماء كتقاد فالمصاحف كتردهم البلاصتهم حتى خرج كلشي عاد خرجات هي او سدات الباب ديال الكتاب او تمات راجعة لدارها من نفس الطريق حتى كيبانو ليها بزاف ديال السيارات كحلين مستفين قدام الموبل او بنادم مجموع تما باينة نايضة شي روينة ، عقدات حجبانها باستغراب او تمشات حتى وصلات لداك التجمع ماعرفات مادير
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
