كتاب الأمل 💜
الجزء :8
أسماء هازا نقابها شوية او كتاكل
او فرح دارت راسها فالمالكلة ماهزاتوش
_______________________________
بعد مدة كانو داخل السيارة كيدورو فشوارع مدينة كازا
أسماء (كتشوف فالطريق): فين غاديين
فرح (شافت فيها او رجعت شافت الطريق): غادي نمشيو الكورنيش او من بعد ندوزو لدار ماما باغياا تشوفك
أسماء : لا غير خليها المرة أخرى او نمشي عندها بلاش ليوم
وقفات فرح الطونوبيل فجنب الطريق او حلات الباب
فرح( نازلة او كتهضر): لي بغيتي راه كتسول فيك
سدات من وراها الباب، عاد نزلات أسماء حتى هي كتقاد فالخمار على وجهها
مشاو غادين من جنب الكورنيش
فرح غادا او كتشوف فبنادم او تبركك
اما اسماء كانت كتشوف جهة البحر ساهية ، أو ذكرتها كترجع بيها الأيامها الأولى ، واخا مقارنة مع دابا ، حياتها القديمة كانت خايبة ولكن باغية ترجع ليها حينت الناس لي كانو معاها فهاداك الوقت مابقاوش دابا او ماكرهاتهمش كون كانو معاها
ضارت جهة فرح كتشوف فيها كيفاش غادا بلا عقل حاضية بنادم ، ضحكات من تحت نقابها
أسماء: فرح شوفي فياا بغيت نهدر معاك
فرح ضارت كتشوف فيها : اممم هدري
أسماء: الموضوع مهم حضري معايا عقلك
فرح : واخا واخا عقلي معاك، هدري
أسماء : كنفكر نحيد النقاب او نبقى دايرا غير الحجاب ،مابقيتش باغياا هاد النقاب فمرة ، حينت ماشي مفروض او انا قررت انني نحيدو ، داكشي علاش اش بان ليك نمشيو لمول بغيت ناخد كساوي او شدودا ، من غدا غادي نحيدو
فرح (ضحكات بحمااس): اه ، اه نمشيو ، وأخيرا الناس غادي يشوفو جمال هاد المخلوقة لي حداياا ، زيدي زيدي (جراتها من يدهاا)
أسماء بقات كضحك على تصرفاتها ، ركبو فالسيارة او الوجهة كانت المول
من بعد مدة من الدوران من بوتيك لبوتيك خرجو محملين ، ببزاف ديال الصيكان او فرح فوجهها فرحة لا توصف فحال ايلا هي لي مقدية ركبو فالسيارة مرة أخرى نيشان لدار أسماء
*يتبع
YOU ARE READING
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
