كتاب الأمل 💜
الجزء 12
عمار (ضار جيهتها كيشوف فيها ): لا مقالش ولكن غادي يجي فهاد الشهر
مارياا هزات راسها بالايجاب ، أسماء كانت غير كتشوف بعويناتها مكتدوي ماتكلم
لالة ثرية (وقفات): ايوا ليوم عندنا ضيفة فالدار نمشي نوقف على الغدا بيدي
او مشات جيهة الكوزينة
أسماء تكمشات فبلاصتها كتشوف فماريا لي كانت شادة تيليفون ، او عمار كيشوف فيها مزيان ، باينة على وجهو علامات الاستفهام ، غير شافت فيه اسماء ضار عند ماريااا كيهضر حدا ودنها
عمار: شكون هدي لي مهمة عند الواليدة لدرجة نايضة توقف على الغدا بيديها
ماريا( ضارت كتشوف فيه بلامابالات او رجعات عينيها لتيليفون): أسماء
عمار(باستفهام ): شكون أسماء (جمع حجبانو )
مارياا(حطات تيليفون او ربعات يديها كتشوف فيه او كتهدر بالنفخة ): أسماء صاحبت فرح لي كانت دايراا الخمار
عمار(خرج عينيه بالصدمة): هااادي هي أسماء (دار شاف فأسماء لي كانت كتلعب بصباعها او كتشوف فالأرض او رجع عينو لمارياا) وايلي ، مكنتش كنتصور تكون هاكدا (جمع حجبانو ) او مالك كتقوليها بالنفخة
مارياا: سمح ليا غير ملين ماعرفتيهاش هدرت هاكدااك
عمار ماجاوبهاش ضار كيشوف فأسماء او تيقول مع راسو واش هادي هي لي كانت كتجي دايرا الخمار على وجهها او مزال مامتيقش
ماريا ناضت من بلاصتها لعند أسماء جراتها بعدر يمشيو يجلسو فالجردة او تمات مخرجاها من الصالا او كتهدر تحت نيفها: وا جلس تما بوحدك كيف القرد ، ويلي على شوهتي قرب ياكل البنت بعينيه ، (ضارت جهة أسماء كتهدر معاها ) قراي أختي سورة الفلق ، عين بنادم خايبة
أسماء (ابتاسمات): ربي كيحمي ولكن نقراها ، بدات كتقرى سورة الفلق او هوما غاديين جهة الجردة
________________
من بعد الغدا واقفة اسماء فالباب ديال الصالون فجنبها ثرية او مارياا
ثرية: كون غير خليتي عمار يوصلك بلا ماتعدبي فالطاكسيات ، او زيد عليها خاصك ضربي طريق طويلة حتى الشاريع
أسماء برفض: بلا مانعدبو
ثرية طبطبات على يديها: مولفة توصلك فرح اليوم مكيناش خلي عمار يوصلك ابنتي (ضارت كتشوف جهة الدروج كتغوت بصوت عالي ) عماار ، وا عماار
بعد مدة قصيرة تم نازل عمار مع الدروج
وصل حداهم كيشوف فثرية
ثرية : وصل بنتي أسماء ، ماتخليهاش تعدب فالطاكسيات
عمار شاف فاسماء او رجع شاف فمو : واخا
مشا جاب الكونطاك او خرج
سلمات أسماء على ثرية او ماريا او خرجات تابعة عمار
ركبات حداه او كسيرا ، عطاتو العنوان ديال دارهاا
بعد مدة كانو قدام الباب ،فتحات الباب او ضارت شافت بيه
أسماء(ابتاسمات): شكرا عدبتك معاياا
عمار : ماشي مشكل
نزلات اسماء من اللوطو او سدات الباب من موراها ، تسناتو حتى تحرك من تماا عاد دخلات الموبل
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
