كتاب الأمل 💜
الجزء 56
خرجات راضية من الصالون كتعكز او موراها سوسن مخلوعة حتى كتبان ليهم قالبة الدنيا بغواتها
سوسن : مريم ، عقاب مكاينش
مريم ضارت كتمشى عندها او دوات : زوجتوه بلا بيا ، علاش مافراسيش
راضية بحدة: شهر او حنا كنقولو ليك اجي علاش ماجيتيش ، دابا عاد كتسولي علاش ماقلناش ليك
مريم شافت فيها او نزلات نبرتها : ولكن الحاجة من حقي نعرف
راضية : اشمن حق كتهضري عليه ، طلعي خودي ليك دوش او ارتاحي ليك ، مانبغيش فالعشية نسمع غواتك
مريم بطاعة : واخا الحاجة
ضارت غادي طلع فالدروج كتبان ليها أسماء او فرح قدامها او هي ضور راسها عند راضية : شكون فيهم مرات ولدي
راضية شافت فأسماء بابتسامة: مولات الحجاب
مريم رجعات شافت فأسماء او فرح او هي تبتاسم محركة خطاويها جيهة أسماء بالضبط حتى وقفات قدامها
مريم بابتسامة : تبارك الله ، دابا عاد نقول ولدي تزوج زواج ديال بصح
أسماء ابتاسمات ليها بخجل : شكرا اخالتي
مريم لعبات بشعرها : نونو قولي ليا اختي ، انا باقيا صغيرة على كلمة خالتي
فرح لي كانت جنبها غير سمعات كلامها طلقاتها بضحكة خلات مريم تشوف فيها عاقدة حجبانها : كنشطحو القرودة هنا
فرح كضحك او تهضر: لا حاشة اخالتي
مريم شافت فأسماء : هادي صاحبتك (أسماء هزات براسها ) ماتبقاش تجي لهنا قليلة الأداب او غادي تكون سباب العداوة بيني او بينك امرات ولدي العزيزة
تخطاتها او طلعات مع الدروج او الخدامات موراها جارين ليها شانطاتها
راضية شافت فأسماء: ماتديش عليها ابنتي ، داخلا فصدمة نفسية ، كل مرة كيفاش كتعامل
أسماء هزات براسها : داكشي لي شفت
راضية تمشات راجعة الصالون : اجي جلسي معانا انت او فرح
فرح : لا الحاجة انا غادي نمشي فحالي طولت الجلسة هنا او عندي خدمتي خاص نقابلها
راضية بلاما الدور : واخا ابنتي
فرح شافت فأسماء: نخليك ، عارفاك تزططي راسك او الله يكون فعونك على السي عقاب (ضحكات) طلقي البشرة يقدر مع الوقت يتبدل
أسماء باستهزاء: كوني هانيا ازين هاد النوع مكيتبدلش ، خاص نبدلوه
فرح سلمات عليها بلاپيز : او تكايسي
ضحكات او خلاتها او مشات البيتها تهز داكشي لي جابت معاها باش تمشي فحالها او أسماء ضارت بخطاويها جيهة الصالون ، جلسات معاهم كيهضرو فشتى المواضيع كتحاول تقضي على الملل ، ولفات تمشي كل صباح للكتاب او جاها صعيب تبقى جالسة فالدار لا شغل لا مشغلة
الليل 🌑
وقيتة ديال العشاء جالسة راضية او سوسن فالصالون كيتحدثتو حتى دخل عليهم عقاب او نبيل ، لقاو السلام او جلسو معاهم ، نبيل لي كان كيهضر بينما عقاب غير كيشوف حتى فتح فمو او تكلم
عقاب: فين أسماء
راضية شافت فيه : قالت ضارها راسها او طلعات ترتاح
عقاب وقف او دار يديه فجيابو خارج من الصالون بلاما يهضر ، تمشى طالع مع الدروج حتى وصل الجناح ديالها ، حط يديه على الپواني او فتحو او دخل كيلقى البيت خاوي تنهد او رفع صوتو كينادي بإسمها
عقاب : أسماااء
أسماء خرجات من الحمام لابسة كولون فالأسود ياله فايت الركبة شوية او من الفوق تيشرط فالرمادي فيها كتابة فالأسود او شعرها جامعاه لفوق ، طلعها او هبطها بعينيه عاد هضر
عقاب : باقي ضارك راسك
أسماء شافت فيه او تمشات جيهة السرير : كان ، دابا مزيان
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
