كتاب الأمل 💜
الجزء 37
صباح يوم جديد🌤️
فاقت على غير عادتها بكري ، حينت خاصها تمشي الكتاب ، دخلات توضات او صلات عاد خرجات من الجناح ، سدات الباب كيبان ليها حتى عقاب خارج من الجناح ديالو ، ماعطاتش الأمر أهمية او تمشات دازت من جنبو غاديا فداك الكولوار او هو دار يديه فجيابو او تمشى موراها حتى نزلو التحت او هي توقف عليها الخدامة
الخدامة: لالة راضية قالت تجي لصالا مونجي كيتسناوك باش يبداو فطورهم
أسماء هزات براسها او تمشات تابعة عقاب لي كان سبقها حتى وصلات الصالا مونجي كيبان ليها شخص زايد فالطبلة جالس جنب سوسن او نبيل ، جرات كرسي جلسات جنب عقاب عاد طلعات عينيها فيهم
أسماء: صباح النور
ردو عليها بابتسامة: صباح النور
ياسين شاف فراضية او رجع شاف فأسماء بهدوء: شكون هادي
راضية شافت فيه : ضيفة ديالي
ياسين هز براسو او هو كيشوف فأسماء عينيه مبشرين عاد بدى فماكلتو ، كياكل او مرات يهز فراسو يشوف فأسماء لي كتاكل ماعاطياش إهتمام ليه ، بينما عقاب كان حاضي البلان او غير كيخنزر محاملش الوضع ، او شي بعد المرات تيقول مع بالو ماشي سوقي مي ملين كيشوفو ماناويش ينزل عينو عليها كيبدى يتغدد
راضية كتشوف فأسماء او عقاب او ملاحظة كلشي كتاكل او تبتاسم حتى هضرات
راضية : بنتي أسماء مكتفكريش تزوجي
أسماء ماتوقعاتش منها السؤال بلعات لقمتها او تكلمات:ايلا بغا الله علاش لا
راضية شافت فياسين: بان ليا ربي باغي ، خاص غير انت ماترفضيش
أسماء باستغراب: كيفاش
راضية ضحكات او رجعات كتاكل : بان ليا ولدي ياسين عجبتيه او هو مايلقاش ما حسن منك
سلات كلامها او هو يتسمع شي طبسيل تخبط مع الارض هزات عينيها او شافت مباشرة فعقاب لي بان طلعات معاه الحمورية ديال الأعصاب (ها سي عقاب بدا كيغير 😌)
راضية دايرا فيها مستغربة : مالك اولدي
عقاب وقف من بلاصتو يدو كترعد عليه او هضر كيشوف فأسماء لي كانت مطلعة فيه عينيها : والو
زاد خارج من تما او هي شافت فأسماء كطمنها بعينيها ، سوسن تبعاتو بعينيها حتى خرج او قربات من ياسين كتهضر جنب ودنو بهمس هو الوحيد لي قادر يسمعها
سوسن: حاول تبعد على أسماء ، مابغينا صداع مع عقاب
رجعات كتاكل او ياسين طلع عينو شاف فأسماء نظرة أخير او رجع كياكل
من بعد ما سالاو الماكلة أسماء وقفات او رجعات الجناح هزات منو صاكها او خرجات من القصر بلاما تعلم حتى واحد او تمشات مع ديك الطريق حتى وصلات الباب ديال الحديد او شافت فالكارد لي واقف جنب الباب او هضرات
أسماء : ممكن نسولك
الكارد تحرك من بلاصتو او قرب منها : نعام امدام
أسماء: كيدوزو من هنا الطاكسيات
الكارد بنفي : لا امدام
أسماء خسرات سيفتها : مكاينش شي حل حينت عندي خدمتي باغيا نمشي نقضيها ، واش ماتقدرش تتاصل ليا بشي طاكسي
ياله غادي يهضر الكارد تسمع صوت الكلاكصون موراها ، ضارت شافت بان ليها عقاب
عقاب خرج راسو من السرجم : شنو كاين تما
الكارد شاف فيه: المدام بغات طاكسي
عقاب شاف جيهتها او تنهد : طلعي نخرجك لطريق (دخل راسو)
او هي شافت حتى عيات او مشات جيهتو حلات الباب لي جنبو او ركبات
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
