كتاب الأمل 💜
الجزء 97
الصباح فباريس 🌤️
أسماء كيف عادتها فايقة بكري او هاد المرة حاطة الفطور قدامها كتاكل ماتسناتش عقاب يفيق ، كلات او جمعات او طوات ، تكات على الفوطوي دايرا رجل على رجل او كتشوف فالتلفازة فيديها طبسيل فيه اللوز مگلي كتنقب منو
فاق عقاب او ناض من بلاصتو كيجبد فيديه ، دور عينو ليها او تنهد (ههههه السيد محروق البنات) ، مشا الدوش غسل وجهو او خرج ، لبس حوايجو او طل على الطابلة قدامها البلاطو خاوي ، كلات حقها او حقو ، هز محفظتو او خرج حتى لبرا او يفطر
سمعات الباب تسد او هي تشوف جيهتو بهدوء
أسماء: مالو هادا كيتنفخ عليا ، ماقالش حتى صباح الخير كون غير فطر بعدا (انت خليتي ليه باش يفطر )
رجعات عينيها قدامها كتشوف فالتلفازة او تنهدات بملل كتحرك فشفايفها او تخسر فسيفتها حتى ناضت من بلاصتها
مشات البلاكار جبدات عباية فالأسود مع شال او طالون فنفس اللون ، لبساتهم او هزات البطاقة لي كانت فوق الكوافوز ديال الغرفة او خرجات من السويت او بدات كتشوف فالكولوار ، كتقلب على شي كارد حينت جاو معاه بزاف حتى بان ليها واحد جاي كيسرع فخطواتو حتى وقف قدامها كيلهت او تكلم بنبرة خوف
الكارد: فين غاديا امدام
أسماء شافت فحالتو او دوات بهدوء: ايلا كان ممكن تصوني على عقاب قوليه بلي بغيت نخرج
الكارد نزل عينو : سي عقاب مانع عليك الخروج
أسماء هزات حاجبها : علاش
الكارد: أوامر امدام او انا كنفدها
أسماء رجعات كتفتح الباب بديك البطاقة بعصبية او تحلف فنفسها حتى تحل الباب او دخلات ، لاحت الصاك فالأرض بالنفضة او بدات كتحيد فديك العباية او هي كتنفخ او تفش حتى بقات غير بديباردو او شورط مشات الجيهة الدوش او هي كتفك فشعرها
دخلات او دارت الجاكوزي يعمر او خرجات مشات البلاكار جبدات شي كريمات او زيوت او رجعات تاني الدوش لقات الجاكوزي عمر خوات فيه لي برودوي او ستفات داكشي لي هزات من البلاكار جنبها او بدات كتحيد فداكشي لي كانت لابسة ،عاد دخلات الجاكوزي باسترخاء او غمضات عينيها كتستمتع باستحمامها او نطقات بهمس
أسماء: حابسني فحال الفرخ ، حتى ترجع او غادي تكون ديك الساعة هدرة أخرى
كملات استحمامها او جلسات على كرسي كان تما شافت فرجليها او جسمها نقي مافيهاش الزغب حينت فايت عاملة الليزر او بدات كتدهن هادي لرجلين هادي لصدر هادي ليدين ، حتى سالات ، لبسات الپينوار او خرجات مخلية روايحها فايحة فالدوش ، مشات تاني البلاكار او حطات يديها على شوميز كحلة من ساتان غير سميطات لبساتها جات ملبوسة عليها ، شدات شعرها نشفاتو غير بفوطة او جمعاتو كعكة مهملة او رجعات جلسات على الفوطوي كتفرج او هزات داك الطبسيل تاني كتنقب منو
بدى كيطيح الظلام او هي فمكانها هاد المرة شادة فيديها حامضة مصيرة مقطعة طريفات كتعض منها او تخسر فسيفتها حتى تفتح عليها الباب من طرف عقاب ، لي دخل حاني راسو باين عليه التعب ، حط ديك المحفظة جنب او بدا كيحيد فالفيست او هو غادي جيهة السرير او أسماء متبعاه غير بنص عين حتى بان ليها جلس او بدى كيحيد فسباطو او سلت السروال او هو جالس ، حيد حتى القميجة لاحها فالأرض او وقف بتعب لبلاكار جبد شورط لبسو او رجع جيهة المحفظة فتحها او جبد الپيسي ، هادشي كامل او هو مزال ماشاف أسماء لي شي مرات تشوف فالتلفازة مرة تبعو بعينيها حتى بان ليها جاي جيهة الفوطوي ، جلس مقابل معاها او طلع عينو مستغرب حينت شم ريحة بارفان نسائي او أسماء ماشي من عادتها ترش البارفان
*يتبع
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
