كتاب الأمل 💜
الجزء 35
من بعد ما سالا ماكلتو تمشا طالع الجناح ديالو او هو كيتنهد حتى وصل الباب ديال الجناح ، حط يدو على المقبض او فتحو داخل حتى كتبان ليه الدنيا مرونة ورد حمر ، عوج سيفتو او سد الباب عاد بدا كيتمشى داخل او هو كيشوف فداك الورد لي مشتت فالأرض حتى وصل السرير عاد او هي تخرج فدوى من الدريسينغ بشوميز فالأسود او شعرها طالقاه ، دايرا مايكاب فوجهها اوفر مع واحد العكر گرونة ماط او الابتسامة على مزينة ثغرها ، قربات عندو بخطوات ثقال كتمشى على قرون أصابعها بالحفى حتى وصلات عندو ، حطات يديها على الكرافاط ديالو كتحاول تحيدها ليه او هي كتشوف فعينو
فدوى : تعطلتي عليا
عقاب كيشوف فيها قرب باس شفايفها سطحيا او بعد عليها حيد الفيست او هضر او هو كيشوف فيها
عقاب: عيان أفدوى خليها حتى لمرة اخرى
او تمشا غادي جيهة السرير
فدوى قربات منو مخنزرة مامتيقاش بلي من الصباح او هي توجد او فاللخر يقوليها عيان : اش هاد الهضرة كتقول أعقاب واش من نيتك
عقاب كيحيد السروال او شاف فيها : من نيتي ، عياان او طالع ليا الخز لراس (بعصبية) ماتفرعيش ليا راسي فهاد الليل
فدوى بصوت عالي : انت رااك مرضتي مدة او انت مبعد او ملين درت محاولة نصلحو الوضع شوف كيفاش كتعامل معايا ، مليت من هااااد العيشة ، دايرني هنا بحاال القح***بة تجي تخوي فيا بگانتك او نهار نبغيك انا كتقلب عليا وجهك
عقاب كان باقي غير بالبوكسور قرب عندها او هضر بحدة: فدوى صوتك على عليا اولا جاب ليا الله
فدوى عوداات هضرات بصوت مرتافع او هي كتهز فيديها : اه صوتي علاا ، من ديما كتغوت عليا عمرني تشكيت ، فدوى سكتي ، فدوى ماااتخرجيش ، فدوى ماتديش على الميمة انت عارفاها كيف دايرا ، او ملين كنحاول نصلح الأمور كتقول ليا عيان او تزيد او تخليني
عقاب كان غير كيشوف فيها بهدوء ملين سكتات تكلم : ساليتي
فدوى هزات حاجبها بعصبية : عقااااب
عقاب : كنتمنى تكوني ساليتي اولا ليوم نهارك ماطلعش فيه الشمس (ضار غادي لجيهة السرير)
فدوى كتشوف فيه او دوات باستهزاء: هاكدا كتحل مشاكلك بلامبالاة ، اول مرة فحياتي نشوف واحد 35 فعمرو او مزال كتحكم فيه جداتو
عقاب كان ياله طلع سروال ديال التوب لي غادي ينعس بيه حتى سمع كلامها، ديجا مضغوط من جيهة جداتو او هي حكات ليه على الدبرة ضار عندها كيشوف فيها بهدوء او حرك خطواتو جيهتها
عقاب متحكم فأعصابو: فدوى راك كتغلطي معايا
فدوى ضحكات جنب : ياك ديما كتقول ليا ماتبقايش درويشة او غير كتبكي هانا درتها على قد فمك او قويت راسي او وليت كنهضر على راسي (هزات صبعها كضربو جيهة صدرو او هي كتشوف فعينيه) ولكن انت طيحتي من قيمتي او ماعطيتينيش فرصة نهضر ، انت ماشي رااجل لي مزال جداك كتسيرك بكلمتها
عقاب صافي وصل الطوپ هز يديه على جهدها او طلقها مع وجهها حتى تلاحت فالأرض مرمية او فمها كينزف بالدم ، نزل عندها او شدها من شعرها موقفها او عاودها بسقلة اخرى الحنك الثاني حتى طاحت تاني ، او غوتات ربي لي خلقها ملين جا راسها على الطابلة ، عقاب كيشوف فيها بعينيه او صدرو طالع نازل بعصبية او كيشوف فيها بلا تعبير،جلس على السرير كيرجع نفسو، حتى تسمع الباب تفتح بعنف ، طلع عينو يشوف شكون داخل حتى بانت ليه أسماء داخلا بعبايتها او شالها مخربق على راسها او شوية من شعرها خارج ، بالخلعة ماهتماتش براسها او تقريبا الهضرة كلها دازت على ودنها حينت هي فالجناح جنبهم او ملين سمعات الغوات ماصبراتش او دخلات بلا عقل ، ماداتهاش فعقاب حدها شافت ففدوى لي مرمية فالأرض مغيبة تحنات عندها جالسة قمازية او كضرب على وجهها بفزع او عينيها شوية او يدمعو بقات فيها بزاف
أسماء شافت فعقاب كيشوف فيها: كتفرج فيها اجي هزها حطها على السرير نحاول نفيقها
عقاب هز فيها حاجبو: أش دخلك هادشي بيناتنا
أسماء : بيناااتكم تضربها ، واش الرجلة عندك هي تمد يديك على مراتك ، الرسول أوصى بالنساء او لو أنك كنتي مسلم او عارف بينك او بين الله عمرك تفكر تحط يديك عليها ، او مهما يكون السبب لي خلاك تعصب او ضربها بهاد الطريقة ،غادي التفكر فكلام الرسول قبل من عصبيتك هادي لي ماعندها معنى
شتو واخا مكتحملوش فدوى ولكن دعيو معاها تموت 🙂 سي عقاب بقدو او مقامو تقول عليه ماشي راجل، هانا بردت ليكم قلبكم من جيهتها ، شكروني الله يرضي على بناتي 😂😂
أنت تقرأ
كتاب الأمل 📖مكتملة📖
Romance💎مكتملة💎 ❌حصرية على الواتباد❌ 🌛 رمضان كريم 🌜 قصة رمضانية بعنوان { كُتَّابُ الأَمَلْ} كتابة : Doaa Am-y فكرة : ImaNe JiHani ✅ #يحلل_النشر_فقط_وجب_الإحتفاظ_بنفس_المقدمة_و_الأسماء_او_الكوفر ✅ 💜 مقدمة...
