مرفأ النسيان

بارت الثاني والعشرون

-مرفأ النسيان  _
_ (بقلم  بسمة البياتي) _
_البارت الثاني والعشرون ـ

حياتنا باختصار ..
شتاءات تتكرر وبرد يعصف بالأعماق
ومشاعر معلقة على حافة الهاوية
محاولات مستميتة لإستنطاق صور الفرح وإن أبت ..
وبحث مضني في أعماقنا عن مساحات الدفء والأمان ..

ـــــــــــــــــــــــــــــــــــ

صُدفة

أحداث اليوم كانت عاصفة بشكل مرعب
نخلص من كارثة نوگع بمصيبة
بعدنا مساحبين نفس من الصار بالمقبرة
انوب وگعة نانا

العصر ورة مجابوها من المستشفى گاعدة بصفها لأزمة أيدها أبوس بيها وأبجي

ـ لاتبكي الحمد لله  مافيني شي شويت تعب بسيط وراحوا لحالن

ـ والله من شفتج واگعة وغايبة عن الوعي جيت اموت فدوة نانا بداعتي عندج ديربالج على صحتج
والله امووت إذا صارلج شي لا سامح الله

ـ لاتجيبي سيرة الموت بعيد الشر عن قلبك لاتخافي ستك قوية

ـ أخذتني الحضنها اطمئني سكنت وهدءت روحي بين أديها
ورة شوية  طلبت يصيحون صائب كان گاعد بالأستقبال ويا عمو نوفل
ومازن
فات للهول مستحي لان بس نساء
نانا كانت متمددة عدلت مخدتها أرتجت على ظهرها
وگعدت گالتلة تعال أقعد جنبي

كان بالگوة واگف شكلة منحرج من فات عمو نوفل يلا گدر يتحرك ويجي يگعد بصف نانا
لزم أيدها باسها وباس رأسها

ـ الحمد لله  على سلامتك خوفتينا عليج

ـ الله يسلمك مافيني حط عيني
فـ عينك لو صايرلك شي ماكنت لح سامح حالي
متأكدة كان قلبي وقف بساعتها

ـ يسلملي قلبك لاتظلي تفكري وتعذبي روحج
قدر ولطف الحمد لله  مصار شي وهاي اني گدامج كلشي مابيه

سهير ـ بدي روح ظل معكون ببيت مازن
ما بتركك لحالك لبين ما نسافر ممنوع تضهر على اي مكان المجرم كان قاصدك ولان ماكمل جريمتوا
خايفة يعيدها مرة تانية وتالتة

ـ گولي يا الله ولا تفكري بسلبية هو لو كان ناوي يفتلني كان قتلني بنفس اللحظة اليوم شوفت عينك
مسافة قريبة بيني وبينه حتى لو ميعرف يرمي
هم كان گدر يجيب وحدة بيه لكن واضح
السوا ترهيب وتخويف

نوفل ـ صح كلامك اني هم هيج فكرت
لو رايد يسويها يجي اليمك ويخلي السلاح عليك لان انتوا بمقبرة ومحد أكو وسمعت  شخص ثاني ويا لو يريدون بسهولة ينفذون الجايين علموده

سهير ـ وانا بظل هون حاطي ايدي على خدي
بلكي هالمرة قرروا يخلصوا عليه
كرمال الله ظل بالبيت لبين مانسافر
ريح قلبي ربنا يريح قلبك

ـ خلص لا تخافي الخاطر عيونك مراح اطلع الأي مكان بس المهم اديري بالك على صحتج

ـ بتعرفني لو قلت شي مابغير كلامي، لج أجي ظل معكون وأنتهى الحكي