مرفأ النسيان

بارت العشرون

-مرفأ النسيان  _
_ (بقلم  بسمة البياتي) _
_البارت العشرون ـ

ـ الشيء الوحيد الذي يجعلني أقوى كلَّما انكسرت
معرفة أنَّ الحياة ستمضي مهما حدث ..
‏الحياه ‎مواقف وتجارب ..
فيها شهد النحل وسموم العقارب ..
وفيها شهامة غريب وخذلان أقارب ..
هناك ‎مواقف أيقظتنا وصنعتنا من جديد ..
وهناك علاقات توقعنا منها الكثير ووجدنا منها القليل ..
هناك ‎دروس لم تكن بالحسبان لكنها علمتنا الإنتباه ..
و‌‏هناك ‎مواقف تجبرك أن تضع حاجز لمن كان قريباً منك.....

ــــــــــــــــــــــــــــــ
غيوم
هستوني أريد انطمر رج الفون لان مخليتة إهتزاز
من حلات روحي جريت شعري بعصبية
وتالي ويا وتاليييي شوكت يفك ياخة مني
من عرف موبايل ماما يمي يومية باليل يتصل
أكثر الأيام اطنش واقفلة بوجها ومرات اتعصب وأجاوب اتعارك الف مرة گتلة البينه أنتهى ولو تظل بس أنت رجال على وجه الكرة الأرضية ما أريدك وما أرجعلك

المشكلة صار بين كل فترة وفترة يجي يوگف يم الجامعة إلي أعرفة دوامة نحس وموبسهولة يگدر يطلع أدري شجاه على حظي
هم زين منير لزملي خط  مرات ينشغل ويتأخر عليه
بابا گالة خوما تبقى تنتظرك شوفلها سايق امين يوصلها والحمد لله لگيت خط ويا بنات

گعدت لحيلي واني ناوية على شر
فتحت الخط ونترت
شرايد أدري وين كرامتك ترى عيب على شواربك
وحدة تگلك ما أريدك وأنت لازك على أجدادها
إخجل وخلي عندك عزة نفس

بحر ـ كل كلمة حجيتها مو رجال إذا ما حاسبتج عليها هينة غيوم وين ترحين مني الصبر حلو

ـ ايباه ديهدد يمه خفت هياتني د اطك سن بسن
حجيك هذا ميخوف چلبي رجعة ما ارجعلك ششايف نجوم السماء إذا مشايفهن أطلع شوفهن وداعتك أقربلك مني

ـ  أبقي مذكرة هذا كلامي ديربالج تنسي ناقص غيرة وشرف إذا ما رجعتج النص بيتي وتحت رحمتي

ـ ذكرتني بأغنية لا بأحلامك لا بأوهامك
ههههههه شگد واثق من نفسك غرورك كاتلك
صدك الحية مالتك حبك لاول معشوقتك السرية
وينها عنك شو عايفتك على حل شعرك

ـ حيوانة على حل شعرك شنو؟! أحجي عدل بابا ترى كبرتي إستوعبي الكلمة قبل لا تلفظيها عود دتدرس قانون تهي بهي

ـ بكيفي واحجي اليعجبني بيت أهلي والعب بي شلها غرض بينا الناس أنت ياهو مالتك شكو حامي حمامك

ـ ههههههههه مزاجج عالي
ـ لا والله مو عالي برتقالي و من سمعت صوتك تخربطت إحوالي وصار عندي جالي

ـ داجمعهن كلهن ما راح أنسى ولا كلمة

ـ أجمع خوية عبيس أجمع قابل خايفة  بحر رجع سوسة وحطها بحضنك وعوفك مني
لان كل الدتسوي على الخالي بلاش
مجرد دتضيع وقتك

ـ ماكو شي ضايع وحضني مكانج ما أريد غيرج بي وما تحلالي مرة من بعدج

ـ والله دتضحكني مكاني وميريد غيري
لعد ابوك الجان يعوفني ويروح العش الزوجية
ووينجمع بالحبيبة العفيفة الشريفة  ام التختل والسريات