مرفأ النسيان

بارت السابع والعشرون

-مرفأ النسيان  _
_ (بقلم  بسمة البياتي) _
_البارت السابع والعشرون ـ

أسكنتكِ قلبي ،
فتعافتْ كلّ جراحي ،
أزهرتْ حواسي ، رنتْ فرحتي ، طربتْ روحي ، ضُبطتْ أوتار عزفي ،
كما لو أنّي فتحتُ أبواب الحبّ كلّها وحدي ، دوّنتُ حبّي في مجالس العشّاق ،
كلّ فصل من فصوله سمّيته حرفاً من اسمكِ ، وحرفاً من اسمي ،
وهكذا كلّما قرؤوا اسمكِ على مسامعي اهتززتُ ، وطربتُ كما لو أنّهم يعزفون على أوتار قلبي .

ــــــــــــــــــــــــــــــــــــــــ
غيوم

شمرت عن ذراعاتي وشكلت ردناتي تأهبت للعركة اليوم لو قاتل لو مقتل بقيت انتظر زلة صغيرة وأهجم

بهية ـ ومنو يسويلهم بس لا جاية تتهمينا
والله يلوگ تالي عمرنا اطلعينا سحارات وهجامات بيوت

نعيمة ـ ينگص لساني وعساني بالموت إذا فكرت بيج لو جبت طاريج أنتِ أختي الجبيرة وتاج رأسي

بحر ـ المطلوب شنو؟

ـ يمه ماريدة شي ولا متهمة أحد جايه أحطكم بالصورة ادري بيكم ماخذين نظرة على إسراء وشوفت عينكم طلع ملعوب بحالها لعب
الله وكيلكم مجاي تشوف الصحة من مرض المرض السحر ماكلها أكل
حسبي الله على كلمن أذها وهجم بيتها

غيوم ـ ومنو الهجم بيتها ماتحجيها طك بطك شكو مخليتها تحوص بگلبج

ـ الكلام ما موجهتة الج ومن يحجون الكبار لا تدخلين

ـ اي مو جاهلة گدامج ولو هم صح كلامج بعدني كتكوتة مامعجزة مثل بنتج ومن دودتها شمرت طلاقها برأس السحر

ـ بنتي لا جاية صوبج ولا إلها شغل بيج
شكو هلگد  حاقدة عليها
عيب تحاجيني هيج مرة شكبرني وشگدني
ما عندج إحترام إلي
العتب مو عليج العتب على أبن أختي خالتة تترزل وهو ساكت

بحر ـ غيوم اني أحاسبها
نرجع الموضوعنا ما أحب الحزازير وسوالف النسوان المتخلص اخير مرة اسأل
منو تقصدين مسوي؟

ـ هاا شاكين بعماتها وبناتهن لأن يغارن منها وبعد العلم عند الله

ـ شلون حية أجت جابتة وكل كلمة حجتها تقصدني ومن سألها  نكرت
خوش دتلعب تريدهم يشكون بيه وبنفس الوقت ما يزعلون منها ويتعاركون وياها

بحر ـ خالة شيلي هالخزعبلات من گدامي هالسوالف متوكل خبز بنتج الله مطيح حظها
عبالها إذا ماتت راح اعيش بذنبها تزعلين متزعلين براحتج الـ يقتل روحه طبه عرج بالقير وجهنم
مايرف جفني عليه ولا اترحمله

ـ جوابة ريح گلبي جنت خايفة لا يصدك وينطي بيه

بهية ـ يمه السحر مذكور، بالقرآن لا تستهين بي
ياكل اللحم ويذوب العظم
خايبة احسن مجايبتة ألنه لو ماخذتة الشيخ يبطله هسه حتى علينا موزين
ودام إسم بحر موجود أخاف لا يصير بوليدي شي