نجمة الشمال (الجزء الأول من لعنة عبر العصور) بقلم :منة الله عماد

البارت 44

((قد تكون مجرد لقطات من الماضي ولكن صدقوني هي الانعكاس الحقيقي للواقع ،..لا تتجاهل أي حرف كتبته هنا صغيري فهو سيفيدنا كثيرا في القادم ))
لاترحل فأنا أراقبك

بقلمي :منه الله عماد

""احيييييييييه ""
خرجت هذه الكلمه من فم قيس بصراخ بعد أن أختطف المجلد من يد سيف وقرر قرأته ليعلم أي مصيبة وقعوا بها

نوح بفزع :ايه

ولكن لا رد فقد كان قيس يهز سيف بعنف وهو يصرخ به
:خرجنا من هنا انا مش هستحمل ديناصور يقرقشني

نوح :ممكن حد يفهمني الي بيحصل ...ليكمل باستفهام ...ديناصور ايه مش احنا رجعنا ٦ ألاف سنه بس

سيف بابتسامه سمجه :لأ يا روحي إحنا وقعنا في كوكتيل أزمنه بيجمع بين حقب كثيره ...لينظر حوله ببلاهه ومازالت تلك الابتسامه على وجهه .... ياااه لو دخلنا عصر الهكسوس دلوقتي هيبقى عظمه علشان لسه كذا معلومه عايزين نعرفهم

قيس وهو يدفعه بحده :اخرص بقى

نوح بعقلانيه وهدؤ عرف به
:إحنا هنروح الزمن المطلوب إزاي ...من الي فهمته إننا في أكثر من حقبه مع بعض علشان كده ظهر نوع الذئاب ده في حقبه غير بتاعته ...بس ايه إلي لعب في الاعدادات كده

سيف بنظره غريبه :المقبره أختفت في زمانا الواقعي الي إحنا عايشين فيه..ده التفسير الوحيد

قيس :قصدك مقبرة أتينا إلي إحنا لسه مكتشفنها ..والي الرحاله بلغوا عنها

سيف بغموض :انت مستغربتش كونها قريب من وادي الملوك كل الفتره دي ومحدش شافها

قيس بتفكير ساخر :لإنها مدفونه تحت الأرض مثلا

سيف :تؤ لانها مش موجوده او بالاحرى مكنتش تقدر عين تشوفها كل الفتره دي

نوح :وده إزاي

سيف :بالسحر الاسود القديم يصحبي ...وده ساعدهم فيه كاهن مصري اسمه (تاو )...وهو إلي جبلهم فكرة الرصد وإنهم يخفوا المقبره عن طريق القرابين

قيس بحيره :وإيه هو القربان إلي قدر يقفل مقبره لست ألاف سنه

سيف :دم جدي تراديوس

نوح بشرود :واتفتحت إزاي بعد المده دي ..وايه كان مقابل فتحها

سيف :اتفتحت لهدف واحد وهو إختباري ...أما بالنسبه للمقابل ف......هنا توقف فاه سيف وتوقف معه عقله عن التفكير لقد تذكر حلمه او بالاحرى كابوسه عندما رأي تلك الفتاة البهقاء تلقى في النار .،وبعدها بيوم مباشرة جائته بشاره او لنقل لعنه ..بأن أحد الرحاله وجد مقبرة في طريقه ....اللعنه الملعونه إذن المقبرة لم تظهر بمفردها بل أظهرها الغجر بإراتدهم لتكون طعما له تبا

رأى سيف علامات الاستفهام تعلو وجه أصدقاءه ليقص عليهم ما حدث

قيس بنفي :بس ترتيب اسماء الرجال على الحيطه كان متفاوت بمعنى إنهم متكتبوش في نفس الوقت يعني المقبره الغجر كانوا بيفتحوها مع كل حفيد