""لن تصبح صديقا جيدا إلا عندما تتدرك الفرق بين الخنصر والبنصر ""
منه الله عماد
قيس :مين سليم ده .
سيف : سليم الخدرجي الظابط الخاين اظنك عارفه
طلال بحزن :ويبقى ابويا للاسف ....لم يكمل جملته فقد امسكه قيس وضربه في الحائط
قيس بعيون حمراء تنادي الجحيم :انت بن سليم .......
بينما نوح تراجع للخلف كأن عقربآ لدغه
ليتقدم سيف ويسحب قيس من ملابسه بقوه
:مالك في ايه ..؟
قيس بغضب وقد تغيرت نبرة صوته الي نبره حاده وشرسه :دا بيقولك إن الواطي سليم الخدرجي يبقى ابوه ...ليكمل بشراسه ...سليم الخدرجي الي بعد موت امي طردنا من الملجئ الي اتربيا فيه ...كان كل يوم بيجي يهدد امي انه هيرمينا في الشارع في يوم وأديه عملها في غياب امي الله يرحمها ....خرجت من الملجئ وانا لسه ١٤ سنه وندى على ايدي ٣ سنين ..انا واخواتي اترمينا في الشارع بسبب ابوه
طلال بحزن :وانا ايه ذنبي محدش اختار اهله ....
قيس وهو لا يريد استيعاب اي شئ وتحدث بقهر :هو خرجنا من الملجئ علشانك علشان يعمل ملاهي لابنه والي هو انت .
طلال بسخريه تحمل خلفها الكثير من الألم :وايه عرفك إن انا الأبن ده
ليتحدث نوح اخيرا بحكمه فقد انتظر حتى تهدأ الاجواء : اهدوا مينفعش الي بتعملوه ده اقعد يا قيس
قيس وهو مازال يفكر في اخر جمله قالها طلال :قصدك ايه بإنك مش الابن ده ...سليم الخدرجي مخلفش غير ولد وبنت
ابتسم طلال في حزن وجلس وهو يحيط وجهه بيده
قيس : قصدك ايه انطق
:اخرصوا .... علت هذه الكلمه بلفظ قوي ومهيمن ولم يكن قائلها غير سيف ..الذي وقف بغضب اعمى ..لقد جمعهم ليكونوا اصدقاء واخوه ولكن يبدوا انه اخطأ
:مسمعش صوت حد فيكم ...اي حد عايز يتكلم يوجهلي انا ..هنخرج عن كده قسمابربي ماهرحم حد وإلا هعمله حساب ...انهى كلامه بنبره مسيطره فمن يقف امامهم ليس شخصا عاديا هو الملك هو النجم الحامي والخليفه القادم ....
اخفض قيس وجهه بطاعه فسيف رغم حنيته الكبيره ليس بالهين عند الغضب
جلس الجميع على الطاوله وجلس سيف في المقدمه بنظره شرسه محذره
:كل واحد هياخذ فرصته ....ابدأ يا انجلو انا عارف انك عايز تتكلم ...ليشير عليهم ...بس البهوات مسبوش فرصه ..كانوا بيتخانقوا وبيعلوا صوتهم الي كل واحد فيهم راجل قد المسؤليه وليه مركزه بس نقول ايه ..
ابتسم نوح بجانبيه يشعر الأن ان سيف والدهم جميعا وقد جمعهم ليقوم بتوبيخهم ..لا يستطيع الانكار أن هذا الدور رائع عليه
انحنى انجلو
:سيدي لم يتبقى سوى اسبوع واحد على بدء مراسم النبؤه وقد بدؤا بالتضحية بالفعل .... علينا ان نفتح أرض لاڤينيوس القديمة قبل الموعد .
YOU ARE READING
نجمة الشمال (الجزء الأول من لعنة عبر العصور) بقلم :منة الله عماد
Mystery / Thrillerتوسعت مقلتاها وهي ترى حولها تلا من الهياكل البشرية ،الجدران مليئة برسومات غريبة لغربان مصلوبة وأخرى لذئاب مفجرة الأمعاء مصبوغة جميعها باللون الأحمر القاتم تكاد تجزم انها دماء تعود لاناسي ...بدأت انفاسها بالإختفاء وهي تشعر بشئ يداعب ظهرها ببطئ مهلك...
