ထိုအချက်များအပြင် နတ်ဆေးဆရာကျီ အပါအဝင် အခြားဆေးဆရာ အများစု ဖော်စပ်သော ဆေးလုံးများသည် အာနိသင်ပြရန် တခဏမျှ ကြာတတ်သည်။ အကယ်၍ သူ အရေးပေါ်အခြေအနေသို့ ရောက်သွားလျှင် ယင်းဆေးလုံးများက သူ့အသက်ကို မကယ်တင်နိုင်ဖို့ ဖြစ်နိုင်ချေရှိသည်။ နောက်ဆုံး၌ တကယ်အားကိုးလို့ရသည့် တစ်ခုတည်းသော အရာသည် ‘နွေဦးကိုကြီးတွင်ယုံကြည်မှု’ သာဖြစ်သည်။ သို့သော် ၎င်းကို ရွေးချယ်မိရန်လည်း အလွန်ခက်ခဲသည်။
“ကျုပ် အဲ့ဒီပညာကို ဘယ်လိုကျင့်ကြံနိုင်မလဲ” ဇူအန် မေးလိုက်သည်။
“မင်းရဲ့ အသိစိတ်တွေအားလုံးကို ဓားပေါ် ထည့်ထားလိုက်၊ အဲ့ဒါဆို မင်း ခံစားမိနိုင်လိမ့်မယ်” နဂါးဝတ်ရုံဝတ်ထားသူ လူကြီးက ပြန်ဖြေကြားလိုက်သည်။
ဇူအန်သည် တဖက်လူက သူ့ကို ဝင်ပူးဖို့ ကြိုးစားမှာ စိုးရိမ်သဖြင့် သူ့အသိစိတ်ပါးပါးလေးကို သူ့ဘေးပတ်ဝန်းကျင်တစ်နေရာ၌ သေသေချာချာ ထားလိုက်သည်။ မည်သို့ဆိုဆို ၎င်းသည် အရင်ဘဝတုန်းက သူ ဖတ်ခဲ့ ကြည့်ခဲ့ဖူးသည့် ဒရာမာများ ၊ ဝတ္ထုများထဲက ဖန်တရာတေနေသော ဇာတ်ကြောင်းဖြစ်နေသည်။
သူ့အသိစိတ်ကို ထိုက်ဝူ ဓားပေါ်သို့ ကြိုးစားအာရုံစိုက်ထည့်သွင်းလိုက်သည်။ ထိုအခါ သူ့စိတ်ထဲ စကားလုံးများ အစီအရီလိုက် ထွက်ပေါ်လာကြသည်။
“ကမ္ဘာဦးတုန်းက ကောင်းကင်နှင့်မြေကြီးတို့ မကွဲထွက်သွားကြသေးသလို မှောင်မည်းညိုမှိုင်းပြီး ဘာမှမရှိသေးပါ။ အရာအားလုံးသည် ကမ္ဘာဦးအချိန်မှ စတင်ပေါ်ပေါက်လာကြသည်”
ထိုအချိန်၌ ကီးဘုတ်၏ အသံ မြည်လာသည်။ “အနောက်ဘက်ခွေးခေါင်းတောင် ၏ လျို့ဝှက်ကျမ်းစာလိပ် - ကမ္ဘာဦးမူလကျင့်စဉ် ကို တွေ့ရှိ ၊ ကီးဘုတ် ဖန်ရှင် တစ်ခုကို အသက်သွင်းရန် ၎င်းကို လက်ခံလိုက်ပါ”
ဇူအန် အပျော်လွန်သွားသည်။ မထင်မှတ်ပဲ အံ့သြစရာအကြီးကြီးရလိုက်တာပဲဟ။ ဒီနေရာမှာ တကယ်ကြီး နောက်ထပ်လျို့ဝှက်ပညာတစ်ခု ငါ ရှာတွေ့လိုက်တာပဲ။
ယင်းအခွင့်အရေးကို သူ လျှင်လျှင်မြန်မြန် လက်ခံလိုက်သည်။ အမည်းရောင်မြူခိုးများသည် F3 ခလုတ်ပေါ်သို့ အလျှင်အမြန် တိုးဝင်သွားကြပြီး ၎င်းပေါ်၌ ထူးခြားဆန်းကြယ်သော အမှတ်အသားတစ်ခု ထွက်ပေါ်လာခဲ့သည်။
![](https://img.wattpad.com/cover/299027410-288-k722168.jpg)
YOU ARE READING
ကီးဘုတ်အင်မော်တယ်-ဇူအန် (Zawgyi + Unicode)
Actionအင်မော်တယ် ဇူအန် (မိတ်ဆက်) Keyboard Immortal ဘာသာပြန် Action Sharp မိုးကြိုးပစ်ခံရကာ ဘဝပြောင်းသွားသော ဇူအန်...။ လပြည့်မြို့တော်၏ လူ့အန္ဓ တစ်ယောက်အဖြစ် နိုးထလာသည်။ သို့သော် စိုင်ကော်၍ ခြုံပေါ်ရောက်ဆိုသလို ချူးကလန်မှ ထိပ်တန်းပါရမီရှင်အလှပဂေးသမီးပျိုလေ...