نجمة الشمال (الجزء الأول من لعنة عبر العصور) بقلم :منة الله عماد

البارت14

طلال بسخريه وهو يمرر عينيه على قيس باستخفاف :انت بقى ابيه بتعها

لياقطعه احمد بحده :طلال انت قلبت التحقيق جلسه تعارف وإلا ايه شوف شغلك يا سعادة الرائد البنت ديه متهمه والثلاثه دول اعتدتوا بالضرب على عساكر اثناء اداء عملهم وإلا انت نسيت شغلك

سيف بايماء:شوف شغلك يا طلال دلوقتي

قيس:بس

سيف :ندى ملهاش علاقه واتخدت في الرجلين هجيب محامي يخرجها متقلقش وبالنسبه لينا فانا اعرف احل الموضوع بكل سهوله

نوح:طب ليه الحوادث ديه من الأول طالما هتعرف تحلها بكل سهوله

سيف:علشان مكنتش اعرف حقيقة الموضوع وبعد ما سمعت من طلال اقدر اقولك متخفش على ندى يا قيس هيا زي اختي مش هسيبها

.......
وفي ڤيلا عائلة القناوي

تجلس مريم في غرفتها تبكي بشده على ماحدث وابتعاد شقيقتها عن المنزل للمره الثانيه ،ولكن هذه المره بقلب مجروح مدمى من ألمه .،ملك ذات كبرياء عالي ولن تتقبل مع حدث لها بسهوله

ليلى وهي تسحب مريم لأحضانها  :هششش خلاص يا مريم ان شاء الله كل حاجه هتكون كويسه

مريم ببكاء :ملك اتجرحت اوي يا ليلى استحملت كتير اوي ليه بيحصل معاها كده

ليرتفع صوت طرق على الباب ويدخل اسد بهيئته المزريه
مريم وهي تمسح دموعها :احم اسد في حاجه ...ولكن مهلا لاحظت مريم هيئه اخيها كم كان شعره مشعت وعيناه حمراوتان بشده هل كان يبكي!!

اسد بصوت ضعيف حمل الألم بين طياته :ملك راحت فين

نظرت مريم له بضعف  لتنهمر بالبكاء مجددا ،فهي لا تعلم
:معرفش يا اسد معرفش محدش لاقيها خايفه يكون حصلها حاجه

اسد بصدمه :يعني ايه محدش لاقيها ملك فين يا مريم

ليلى :اهدوا احنا هنتصل دلوقتي على جاسمن اكيد هتبقى عارفه

وما ان رفعت مريم الهاتف حتى وجدت ٢٦ مكالمه فائته من جاسمن

مريم بخوف:جاسمن رنت عليا سته وعشرين مره

كان اسد كمن قرصه عقرب :رني عليها بسرعه

وما ان رفعت هاتفها حتى سمعت بكاء جاسمن الشديد ونحيبها وهي تردد اسم ملك 

جاسمن :مريم

مريم:في ايه ملك حصلها حاجه جاسمن اتكلمي

وما ان سمعت جاسمن اسم ملك حتي انهارت اكثر ،،
جاسمن بشهقات متتاليه لاتسطيع اخذ أنفاسها:ملك خرجت من عندكوا على المطار مباشره واستقلت طياره خاصه ومقدرتش الحقها ووصل محطه المراقبه ان الطياره الي ملك كانت ركباها اختفت من الرادار عند خط عرض البحرالمتوسط