Unicode
လုယူရွှမ်ဆီမှာ စာကြည့်ခန်းဆိုပြီး သပ်သပ်လုပ်ထားတာမရှိလေဘူး၊ အဲဒါကြောင့် သူ့အခန်းထဲမှာပဲစာကြည့်စားပွဲအသေးစားထည့်ထားပြီး ပုံမှန်အိမ်စာလုပ်လေတယ်။
လီလင်းလင်းနဲ့ညစာစားပြီးသွားတော့ သူဟာ ပန်းကန်တွေကို ပန်းကန်ဆေးစင်ထဲထည့်ထားလိုက်ကာ လီလင်းလင်းကိုသူ့အခန်းထဲခေါ်သွားတယ်။
လုယူရွှမ်က ငယ်ငယ်နဲ့ရင့်ကျက်နေပြီဆိုပေမယ့် သူက ကလေးပဲရှိသေးတယ်။ သူ့အခန်းထဲမှာ ကာတွန်းဇာတ်ကောင်ပုံတွေအပြည့်ကပ်ထားပြီး စာအုပ်စင်ပေါ်မှာ ကာတွန်းစာအုပ်တွေအပြည့်ရှိနေလေတယ်။ သူက လီလင်းလင်းဆီ ခုံရွှေ့လိုက်ပြီး သူ့ကျောင်းလွယ်အိတ်ထဲက လေ့ကျင့်ခန်းစာအုပ်ကိုထုတ်လိုက်တယ်။
လီလင်းလင်းက စာကြည့်စားပွဲမှာဝင်ထိုင်လိုက်ပြီး သူ့ရဲ့ကစားစရာတွေထားတဲ့နေရာကိုကြည့်လိုက်တယ် :
"အဲဒါကဘာလေးတွေလဲ?အရမ်းချစ်စရာကောင်းတာပဲ"လုယူရွှမ်လှည့်ကြည့်လိုက်တော့ လီလင်းလင်းက သူဝယ်ထားတာမကြာသေးတဲ့ building blockလေးကိုပြောနေမှန်းသိလိုက်တယ် :
"ဒါက Melody ကအရုပ်လေ၊ ပြီးတော့ ဒီအတွဲက နောက်ဆုံးထွက် star seriesပဲ!"Melodyက နာမည်ကြီးအရုပ်ကုမ္ပဏီဖြစ်လေတယ်။ လီလင်းလင်း အဲကအရုပ်တွေ တစ်ခါမှမဝယ်ဖူးပေမယ့် နာမည်ကတော့ရင်းနှီးလေတယ်။
"အိုး၊ ဒါကအရမ်းချစ်စရာကောင်းတာပဲ၊ သူ့ရဲ့အဆက်တွေက လှုပ်လို့ရလား?"
"ရတယ်" လုယူရွှမ်က သူ့စာအုပ်ကိုချလိုက်ပြီး ဗီလိန်အရုပ်လေးကိုသွားယူလိုက်တယ်၊ ပြီးတော့ နည်းနည်းပါးပါးကလိပေးလိုက်တယ် :
"ကြည့်!""ဝါး၊ အရမ်းမိုက်တာပဲ!" လီလင်းလင်းက ကြမ်းပြင်ပေါ်ချထားတဲ့ လူအရုပ်လေးကိုထိလိုက်ပြီး :
"ဒါဘယ်လောက်နဲ့ဝယ်ထားတာလဲ?""Seriesတစ်ခုနဲ့တစ်ခုက ဈေးမတူဘူး၊ ဒါပေမယ့် တစ်ဆက်လုံးဝယ်ဖို့ဆိုရင် ပုံမှန် ဒေါ်လာထောင်ချီကုန်တယ်၊ ကျွန်တော်က ဒါကို ကျွန်တော့မုန့်ဖိုးစုပြီးဝယ်ထားတာ၊ ပြီးတော့ ဒီအတွဲထဲက မဝယ်ရသေးတဲ့ဟာတွေအများကြီးရှိသေးတယ်" လုယူရွှမ်က building blockအရုပ်လေးကို နေရာမှာပြန်ထားလိုက်တယ် :
"ဒါပေမယ့် ဈေးအကြီးဆုံးတွေက အရင်တုန်းကထုတ်ခဲ့တဲ့ဟာတွေ။ကျွန်တော်ကြားဖူးတာ အကောင်းဆုံးseriesဆိုရင် ဒေါ်လာသန်းချီတောင်ရှိတယ်တဲ့"
YOU ARE READING
ပိုက်ဆံလား? သွားစမ်းပါ!!!(MM Translation)
RomanceTitle - F**k Off This Damn Money Short Title - FOTDM Original Author - Ban Li Zi ဒုတိယမျိုးဆက်ရဲ့ကြယ်ပွင့်ဖြစ်တဲ့ လီလင်းလင်းဟာ အသက်၁၅နှစ်မှာ သူမရဲ့ဓာတ်ပုံကြောင့် Internetမှာ popular ဖြစ်လာပြီး ပရိတ်သတ် အများအပြားကိုဆွဲဆောင်နိုင်ခဲ့တယ်။ စိတ်မကောင်းစ...