ظلمات حصونه "الجزء الأول" (النسخة قيد التعديل)

مناقشه

قبل أى حاجه كده نصلى على النبى عليه افضل الصلاة واتم السلام ، عاملين ايه يارب تكونوا كلكوا بألف خير♥️

عايزين ندردش شويه لان بقالنا كتير مدردشناش مع بعض وانا عارفه أنى كنت مقصرة جدا بس هعرفكوا النهارده انا كنت مقصرة كده ليه وهوضوح شوية حاجات فى الرواية وهعلن عن رواية جديدة بقصة جديدة جدا وهتعجب الجميع إن شاء الله..

#اولا
هتكلم عن رواية ظلمات حصونه وهى فى الحقيقة مش اول رواية أكتبها ولكن دى اول رواية افتخر انى بكتبها بالأسلوب والسرد والفكرة والحوار والأحداث المتطورين دول بجد حقيقى اول مرة احس بمتعة الكتابة حستها وانا بكتب الرواية دى مع إنى كتبت قبلها حوالى تلات روايات ونوفيلا صغيرة وكل دول الحمدلله كان ليهم قراءهم وناس جميله جدا وكانوا بيشجعونى على الأستمرار إلا إنى حسيت فى ظلمات حصونه بلذة عمرى ما حسيتها فى روايه قبل كده مع كل الرويات اللى بكتبها بتبقى قصتها جميلة بشهادة الناس اللى قرأتها إلا انها مش بعظمة ظلمات حصونه وده رأيى الشخصى المتواضع اللى ممكن يختلف معاه اى حد عادى وانا مش هزعل وفعلا انا بقبل النقد والمناقشه طول ما هى خارج نطاق الأستهزاء بالكاتبة او بمجهودها ، الحمدلله عندى فانز كتير بحبهم وبيحبونى وبيشجعونى بتعليقاتهم الجميلة ودى اكتر حاجة مفرحانى جدا ومخليانى سعيده برواية ظلمات حصونه ، من ضمن التعليات دى مدح ومناقشة ونقد وتخمينات كلهم جُمال جدا إلا إنى وقفنى تعليق جميل جدا وهو اللى فى الأسكرين ده طبعا انا اسفة على التاخير بس لما تعرفى هتعذرينى ورقة وقلم بقى وسجل عندك يا ابنى انا هرد على اسئلة تانية اتسألتلى ليها علاقة بالكومنت ده

١_ ليه يا منه الرواية جريئة وفيها الفاظ ومشاهد خارجه؟

ج/ هقولك يا ست الكل ، الرواية بتدور حوالين بطل عاش طفولة قاسية جدا وهتوضح فى الأحداث الجاية شاف امه بتموت قدام عينه ، اتربى مع مرات اب اقل ما يُقال عنها انها جاحده بكل معانى الكلمة ، ابوه مكانش فاضى انه حتى ياخده فى حضنه اكيد الشخص ده هيطلع مش سوى واكيد هيكون مريض نفسى وطبيعى المريض النفسى ده اقدر اوصف حالته المرضية وتقلباته وإنتقاضاته الداخليه لازم اوصف كل حاجه بتحوم حوليه بدليل انى مش جايبه عنفه مع "البطلة" بس لا انا ظهرت عنفه مع "البنت اللى كانت معاه فى اول فصل" ومع "سلمى" ومع "خالد" ومع "ادهم" ومع "مالك" ومع "إياد" وبسيط جدا مع "هناء" واظهرت جفاء مشاعره مع والده ومعاملته المحدوده مع "زينة" فكان لازم ابرز كل جزء يخص البطل ومن ضمن الاجزاء دى علاقته مع البطله فى كل حاجه لان بيوضح التناقض اللى فى شخصيته بين اللى بيعمله وببن اللى عايز يعمله والتشتت ما بين القوة والضعف اللى بيحس بيهم معاها وده هيترتب عليه حاجات كتير قدام ، يارب تكون النقطه دى وضحت

٢_ ليه يا منه الكل بيصدق هناء؟

ج/ طيب تعالى كده نحط نفسنا مكان اى حد فى الروايه وليكن "هاشم" هو ليه بيصدقها على كل حاجه بتقولها!! هقولك لان استحاله حد يفكر ان اخت ممكن تسبب فى موت اختها او أذية صحبة عمرها او تتسبب فى موت اكتر إنسان حبيته فى الدنيا ، كان ممكن الحقيقة تتكشف زمان لو مكنتش "لبنى" هربت هى وبينها لما كان "هاشم" رايح يسالها هى عملت كده ليه بس "هناء" كانت مخططه كويس لكل حاجه وقدرت تخلى "لبنى" تهرب وشكوك "هاشم" تبقى حقيقى ويصدق كلام "هناء" وبما انها قدرت تخدع "هاشم" سهل عليها تخدع اى حد تانى