The Love Encounter (Varsity Boys Series #2)

Chapter 22

Chapter 22

Pinilit pa ako ni Keano na huwag nang ubusin iyon ngunit hindi ako pumayag. Sayang rin naman kung itatapon niya. Uminom nalang akong maraming tubig pagkatapos.

Pinainom rin niya ako ng gamot pagkatapos. Binilin niyang huwag na akong tumayo pa at magpahinga na lang kaya iyon ang ginawa ko. Natulog lamang ako maghapon, ginising niya lang ako noong tanghali upang kumain at muling uminom ng gamot.

Hapon nang magising ako. Medyo magaan na ang pakiramdam ko at kaunting sakit nalang ng ulo ang nararamdaman ko. Lumabas ako ng silid upang kumuha ng tubig, ayoko na kasing tawagin pa si Keano para magpakuha nakakahiya na! Maghapon ko na siyang naiistorbo.

"I can't dude, walang maiiwan kay Eli rito...Yeah...just tell Claire na hindi ako makakapunta, paki sabi na rin na congrats."

Naabutan ko si Keano na nasa kusina at mukhang may kausap sa cellphone. Hindi niya ako kaagad napansin dahil nakatalikod siya sa akin at nakaharap sa sink. May apron siyang suot, mukang nasa kalagitnaan siya ng paghuhugas.

Nang maibaba niya ang tawag at ibalik niya sa kaniyang bulsa ang cellphone ay duon niya lamang ako napansin.

"Eli! Bakit bumangon kana?" Tanong niya.

"Uh, kukuha sana akong tubig." Sagot ko.

"You should've just called me. Sit down, I'll get it for you." Utos nito saka siya ang kumuha ng tubig sa ref.

Umupo ako sa stool at pinanood siyang magsalin ng tubig sa baso. Inibot niya iyon sa akin.

"Need anything else?" Tanong niya.

Umiling ako. "Thanks...uh, may lakad ka ata?" Hindi ko napigilang tanong dahil na-curious ako sa narinig kong sinabi niya sa kausap niya.

"Uh, it's just a party, thanks giving ng PLUMA para sa mga varsity palyers na nakipag-participate sa magazine nila." Sagot niya.

Muli siyang tumalikod sa akin at humarap sa sink.

Napatango ako. Iyong PLUMA ay ang official publication ng university and yung magazine na tinutukoy niya ay iyong varsity magazine na sa naalala ko ay pinagkakaguluhan ng mga estudyante nitong nakaraang linggo.

"Bakit hindi ka pumunta? Ayos naman na ako." Sabi ko.

Saglit siyang sumulyap sa akin. "Sure you are. Ang kulit mo na e."

Ngumuso ako. "Ayos naman na talaga ko. You should go, para iyon sa inyo, saying kung hindi ka pupunta."

"It's fine, may ibang pagkakataon pa naman. Huwag mo nalang isipin iyon." Sagot niya.

Tumango ako at ininom ang tubig na kaniyang binigay. Pinanood ko lang siya roon hanggang sa matapos siya.

Humarap siya sa akin. "What do you want to eat? Mag-oorder ako." Tanong niya.

Hindi ako kaagad sumagot dahil may naisip ako. Alangan akong ngumiti sa kaniya na ikinunot ng kaniyang noo.

"Uh- pwede bang m-mag luto ka nalang ulit?" Nahihiya kong tanong.

Mas lalong lumalim ang pagkakakunot sa kaniyang noo.

"What? Are you serious? Hindi ba maalat iyong luto ko, gusto mo ulit kumain ng maalat?" Tanong niya.

Ngumuso ako. "Uh, sige huwag nalang." Sabi ko. Sinadya kong babaan ang boses ko.

"Dang it! Fine what do you want to eat?"