(Zawgyi)
""ဟုတ်ပါပြီဆို...""
"".........""
""mommy, Goodnight""
ကျသွားပြီဖြစ်တဲ့ဖုန်းကို ကိုင်ရင်း ကုတင်ပေါ်မှာ သူမကို မမှိန်မသုတ်စိုက်ကြည့်နေတဲ့ မေပယ်လ့်ဆီသွားလိုက်တယ်။
"" ကျေးဇူး။ မေပယ်လ်။""
""မလိုဘူး။""
ခပ်ပြတ်ပြတ်ပြောလာတဲ့ စကားကြောင့် သူမက ခပ်ဟဟရယ်မိတယ်။ တစ်ပတ်အတွင်းမှာ ရေရေရာရာ တိုးတက်မှုရယ်လို့ တစိုးတစိမှမရှိပေမယ့် စကားကို ခပ်ပြတ်ပြတ်ပြောတတ်တဲ့ မေပယ်လ့်အကျင့်ကလေးကိုတော့ သူမက ကောင်းကောင်းနောကျေနေပြီဖြစ်တယ်။
ကြမ်းပြင်ပေါ်ထိုင်ချလိုက်ရင်း မေပယ်လ့်ခြေထောက်လေးကို သူ့ပေါင်ပေါ်တင်လိုက်တော့ ပြူးကျယ်သွားတဲ့ မျက်လုံးလေးနဲ့အတူ ခြေထောက်လေး နောက်ကိုရုတ်သွားတဲ့ မေပယ်လ်ဟာ အရမ်း၊ အရမ်း ချစ်ဖို့ကောင်းပါတယ်။
""ဘာလုပ်တာလဲ။ ဖယ်""
"" ခြေထောက်သက်သာလားကြည့်ချင်လို့လေ။ ဟိုနေ့က ကြက်နဲ့ဆော့ပြီးတော့ ခြေထောက်က သွေးတွေပြန်ထွက်လာတယ်မဟုတ်လား။""
ပြောပြောဆိုဆိုနဲ့ အငြင်းစကားလာမှာကို စောင့်မနေတော့ပဲ ပတ်တီးကို ဆွဲဖြည်ချလိုက်တယ်။ မေပယ်လ်လည်း သူမရဲ့ တဇွတ်ထိုးအပြုအမူတွေကို ရင်းနှီးလောက်ပြီးဖြစ်ပါလိမ့်မယ်။
"" သွေးစလေးတွေနည်းနည်းထွက်နေတယ်။ သန့်ရှင်းရေးလုပ်ပေးမယ်နော်။""
ညနေထဲက ကုတင်အောက်ကို ထိုးထည့်ထားတဲ့ ရေဇလုံနဲ့ ဆေးသေတ္တာကိုယူလိုက်တယ်။ ခြေချောင်းရှည်ရှည်ကလေးရဲ့ ခြေမထက်မှာ ရထားတဲ့ဒဏ်ရာဟာ မြင်မကောင်း။ ခြေသည်းအလယ်က ထက်ခြမ်းကွဲသွားတဲ့ အက်ရာတဲ့တဲ့ကလေးဟာ တစ်လလောက်နေရင်တော့ ပုံမှန်အတိုင်းလေးပြန်ဖြစ်လောက်မှာပါ။
""ဟာ့..""
အရက်ပြန်လေးနဲ့ သာသာသုတ်လိုက်ရုံနဲ့ ပြန်ရုတ်သွားပြန်တဲ့ ခြေထောက်လေးကို ဖိကိုင်လိုက်ရင်း လေနဲ့မှုတ်ပေးလိုက်တယ်။
"" ပြောပါတယ်။ အရမ်းမဆော့နဲ့လို့။ ""
""Enzo""