(((((((((سكة السلامة ))))))))
#لولو_محمد
الحلقه الثلاثون
طارق / نفثى اكل دره مشوى بث بيبوظ ثنانى
اميره تبتسم
طارق / لما هكبر هبقى دكتوره ثنان عشان اخترع بديل للتقويم الثفت ده
اميره / عاوز ايه يعنى
طارق / لو فيوم شوفتيها قوليلها انى بموت فيها قوليلها ان كان حواليا بنات اشكال و اللوان
اميره تحط ايدها فى وسطها
طارق / مشوفتش احلى منها محبتش غيرها الحب الاول و الاخير
اميره / صح
……………………………
طارق / و حياه حياتى
اميره تبصله
طارق / وحياه حياتى يا حياتى
اميره / برده مخصماك
طارق / حقك خاصمينى بس متسبنيش هصالحك وعد
اميره / الرجاله مبتخلفش وعودها ابدا
طارق / على رقبتى
اميره / لا بفكرك انك خفلت وعدك و سبتنى
طارق / انتى مرضيتيش تيجى معايا
اميره / تانى
طارق / خلاص نقفل السيره نبدء مالاول
طارق يبص يمين و شمال يلاقى ترابيزه عليها فازه فيها ورد يروح يجيب ورده
طارق / انتى زعلانه عشان مس هيام زعقتلك صح متزعليش انا هموتها مالضرب
اميره تبتسم
طارق / ممكن تاخدى منى الورده دى قطفتها من جنينه المدرسه
اميره / لو عم عبده شافك كان وداك للناظر
طارق / يشوفنى بس متزعليش
اميره تبتسم
طارق / انا عمرى محبيت غيرك يا اميره ادينى فرصه اوعدك انى هعوضك
اميره / ماشى انا هاخد السرير و انت نام فى الارض النهرده
طارق / متبقيش قاسيه بقى
اميره / عاجبك و لا اروح انام جنب ساره
طارق / عاجبنى عاجبنى اصلا الارض مفيده للضهر اساسا
اميره / اه صح
طارق يبتسم
.................................
فى المكتب تحت
ساره / مفيش نوم فى كورس اللغه اقعد زاكر
سلامه / حرام عليكى من يوم مدخلت البيت ده و انا كبيره اربع ساعات نوم بقيت عايش عالقهوه يا مفتريه
ساره /انت اسلام المصرى و لازم تليق بالاسم ده
سلامه / مين اللى حط فخيالكوا ان اسلام لازم يبقى الواد الفت فى كل حاجه ميمكن كان يطلع عيل خرع ابن امه مثلا منفترض هذه الحقيقه و نتكيف مع الوضع الحالى
ساره / طول السنين اللى فاتت كل ممشكله كانت تقابلنا تيته كانت تقول علاطول لو كان اسلام هنا مكنتش حصلت لو كان اسلام هنا كان حلها
سلامه / ايوه يا ساره بس انا تعبت اللبس ده و كل كدا و اتكلم كدا و سلم كدا و اعمل ده و متعملش ده دا غير كميه الحاجات اللى لازم اتعلملها كل يوم شغل مش فاهم فيه حاجه مشاكل بالهبل انا انسان واحد كل واحد مشغول بحياته و انا محطوط عليا الكل و لوحدى
ساره / انا معاك اهو
سلامه / تعبت عاوز اعيش يوم سلامه اسلام ده حياته تقيله اوى و انا مش قادر اشيل
ساره / هشيل معاك
سلامه يبصلها
ساره / بص انا عارفه انك زى مبتقولوا مالدار للنار كدا يعنى بس اقولك ايه انا كان اهون ما عليا انى اسيب البيت ده و امشى بس مينفعش امشى الا و انا مطمنه انك قادر تشيله انا شلته سنتين لوحدى ووضعى كان اصعب اصعب بكتير انا الاربع ساعات اللى مش مكفينك مكنتش بشوفهم و لو عينى غفلت ثانيه ........... بص انا اسفه بس انت لازم تستحمل شويه
اسلام / هو انتى بتقولى ان اللى منعك تمشى انك تطمنى انى قادر اشيل
ساره / ايوه
اسلام يقعد و ساره تبصله و ترفع حاجبها
اسلام / مش متعلم حاجه و لا انجليزى بقى و لا فرنساوى و لا اتيكيت و لا نيله قال تمشى قال و انا اقعد لمين بقى ان شاء الله
ساره / مش وقت هزار
سلامه / ورحمه ابويا مبهزر لو انتى بجد ناويه تمشى لما تضمنى التحويله الرهيبه دى من سلامه لاسلام يبقى ورحمه امى ممتحول انا ماله سلامه يعنى برنس وربنا ملك
ساره تدحك
سلامه / ده بيتك و مفيش مخلوق يقدر يطلعك منه و لا حتى انا و اللى مش عاجبه هو اللى يغور و اللى مش مرتاحه فوجوده هو اللى يغور
ساره / بس
سلامه / مبحبش زن الحريم يلا شوفى هتعلمينى ايه النهرده
سندس تدخل تروح على رف فى المكتبه مليان اللبومات صور تفضل تشيل واحد ورا التانى
ساره / فى حاجه يا سندس
سندس تكمل شيل
اسلام / استنى اساعدك طيب
اسلام يشيل الالبومات من سندس و هى تاخد الباقى
ساره / خدىهم واحد واحد بقى
سندس / و اقعد طالعه نازله انا مره واحده و خلاص
اسلام / الدماغ دى جيباها منين انتى بس اعرف قدامى قدامى
سندس و اسلام يطلعوا و ساره واقفه تدحك
.......................
فى اوضه محمد
سندس و اسلام يدخلوا بالالبومات
سندس/ ايه رايك فى الفكره دى هنسهر طول الليل نتفرج على صورنا و احنا صغيرين فيها شويه صور هتموت مالدحك
اسلام / طب هنزل انا بقى اخد الدرس لحسن الابله بتاعتى توقفنى فى النوتى كورنر
محمد / فين
اسلام / فى ركن الوحشين اتزنب يعنى
محمد / والله يا زمن لا بادينا زرعنا الشوك و لا روينا يا زمن
سندس / استنى اما اوريك صوره الابله بتاعتك و هى هبله
سندس تفتح على صوره لساره و هى بتعيط و جنبها مهرج
سندس / كانت مرعوبه مالكلاون و من يومها مدخلش بتنا اصلا بص بص جبانه
اسلام يبص يلاقى صوره جنبها الكل واقف عالبحر و بيدحكوا و مهاب شايل ساره على ضهره سندس تبصله و تبص للصوره
سندس / الصوره دى يومها الدنيا قامت و مقعدتش كنا المفروض بنتصور كلنا و ساره كانت فى التويلت و لما شافتنا من بعيد جت تجرى و نطت على ضهر ابيه مهاب و بعدين فريده اتخانقت معاها جامد و روحنا كلنا معيطين يوميها بابا معرفش يفكهم من بعض و قلبت نكد
محمد يبص لاسلام
سندس / ساره حاولت تقطع الصوره دى مره بس بابا منعها قال اننا مينفعش نقطع و لا ننسى زكرياتنا مهما كانت وحشه او صعبه عشان مننساش الدرس لازم نتعلم من كل حاجه وجعتنا عشان نبقى اقوى
محمد/ و انتى لا باين فيكى لا علام و لا نيله خيبه تقيله
سندس / اتعلمت انى اعيش النهرده لانى مضمنش اعيش لبكره
محمد / بعد الشر يا هبله الدنيا تبقى ممله اوى والله
سندس تبتسم
محمد / اناكف فمين انا ساعتها اجر شكل مين و اغيظ مين
سندس تحدف الالبوم عالسرير و تبصله يدحك
اسلام / انا نازل انا متطولوش شويه و تروحى اوضتك تنامى فاهمه اوضتك
سندس / ماشى ماشى خلاص
اسلام يمشى
محمد / بينفخ فى قربه مقطوعه دا احتلال صهيونى دا اليهود ارحم منها دى
سندس / بس يلا انت مش عارف مصلحتك فين تعال اتفرج مالاول
.....................
فى اوضه اميره
طارق نايم عالارض و هى نايمه عالسرير تتقلب تيجى عالطرف تبص عليه و تنام على ضهرها و تتنهد و تبصله تانى و تنزل تنام فى حضنه يحط دراعه تحت راسها و يبوس راسها و يناموا و هما مبتسمين
...........................
اسلام ينزل المكتب يلاقى ساره قاعده و مدياله ضهرها يروح يقعد قدامها و هو بيتكلم
اسلام / العيال دى هتجننى و ربنا هتلاقينى فيوم ماشى فى الشارع بشد فشااع....
اسلام يقرب من ساره يلاقيها نايمه يبتسم
اسلام / واضح ان مش هما بس اللى هيجننونى فى البيت ده ....ساره ساره
ساره / هاه
اسلام / قومى اطلعك اوضتك نامى فوق اريح
ساره / هخلص بس الملف ده و انام علاطول
اسلام / دا ايه ده ياربى دون عن بنات الدنيا اقع فواحده بتشتغل حتى فى الحلم
ساره / هيه ايه فى ايه
اسلام / اسف اسف والله حقك عليا
ساره / هو فى ايه انا نمت و لا ايه
اسلام / يعنى مش اوى
ساره / خلاص خلاص حصل خير نكمل بقى
اسلام / نكمل ايه دانتى على اخرك بكره بقى ارتاحى شويه
ساره / انا كويسه خلينا نخلص اى حاجه النهرده
اسلام / يابنتى انتى كنتى بتشخرى مالتعب
ساره / لا محصلش انا مبشخرش اوعى تقول كدا
اسلام / هكدب عليكى و لا ايه دانا سمعت صوتك من عالسلم
ساره تقوم تقف و هى متوتره
ساره / انا عمرى مشخرت انت بتقول ايه
اسلام / احلفلك بايه عشان تصدقى يعنى الحق عليا انى مسجلتلكيش ملحوقه المره الجايه اسجلك و اعملها نغمه موبايلى كمان و اقولك نلحنها زى بتاعه هانى رمزى فى محامى خلع
ساره تدمع اسلام يقوم يقف
اسلام / لا لا كلو الا كدا انا بصى اقف قدام عشر رجاله عادى لكن انك تعيطى دى لا انا كنت بهزر والله
ساره / دا مش هزار على فكره ...(ابتسامه كبيره ) ده الهزار
ساره تدحك و تطلع تجرى و اسلام يجرى وراها ميلحقهاش و تطلع فوق و هى بتدحك على اخرها و تبص عليه تحت و هو مبتسم و اول متوصل فوق
ساره / تصبح على خير
سلامه / و انتى الخير كله
ساره تبتسم و تمشى
اسلام / كتير عليا والله
..................................
فى اوضه محمد
سندس / الله دى صور تركيا بابا خدنا هناك نصيف بجد كانت رحله جنان بص هنا
سندس تبص تلاقى محمد نايم
سندس / ايه الرجاله اللى مبتعرفش تسهر دى ...اتعدل اتعدل نام انا هتفرج لوحدى
اسلام يدخل الاوضه
سندس / جيت فوقتك تعال اتفرج معايا محمد بيه نام و سبنى لوحدى
اسلام / طب تمام هو نام خشى انتى بقى اوضتك و نامى
سندس / يعنى هروح اعمل ايه فى اوضتى هزهق هخلينى هنا هتفرج عالصور و هو شويه و يصحى و
اسلام / سندس انا عديتها قبل كدا بس انتى زودتيها اوى ميصحش كدا
سندس / هو انت لقتنى بعمل حاجه غلط انا بتفرج عالصور و بعدين هو اشمعن انا اللى كلكوا بتدققوا فى تصرفاتى متسبونى براحتى
محمد يصحى
اسلام / ممكن لو سمحت تطلب منها تروح اوضتها بقى
محمد / قولتلها والله لو عجباكى الاوضه نبادل بس تقول ايه لزقه
سندس تبص لمحمد و تبص لاسلام و تطلع تعيط على باب الاوضه
محمد / هو فى ايه
اسلام / هكلمها انا نام نام
اسلام يطلع لسندس على باب الاوضه
سندس / انت ليه بتعمل كدا
اسلام / بعمل ايه
سندس / بتبعده عنى او بتبعدنى عنه مش عارفه
اسلام / انا مبحاولش افرق بينكوا بس لازم تحافظى على المسافه اللى مبينكوا
سندس تعيط / انت عارف انا نمت مره و قومت ملقتش كل اللى بيحبونى نمت صحيت لقيت نفسى لوحدى لوحدى فاهم مهما كان فى ناس لوحدى مش فارق معايا حد و مش فارقه مع حد لوحدى و انا بخاف ابقى لوحدى بخاف
اسلام يطبطب عليها تزقه
سندس / انا مببقاش لوحدى معاه مفيهوش ميزه يعنى بس اهو اللى حصل
اسلام يبتسم
سندس / لما شوفته بيقع قلبى اتكسر وجعنى اوى قلبى وجعنى اوى خفت تانى خفت انام و اصحى ملاقيهوش خفت يسيبنى هو كمان خفت
اسلام / سندس حبيبتى
سندس / اسمع لسه متخلقش اللى يقولى اعمل ايه و معملش ايه لحد ممحمد يقوم و يقف على رجله انا مش هتنقل مالاوضه دى فاهم
اسلام بابتسامه / فاهم
سندس / كويس
محمد يطلع و هو قاعد على كرسى بعجل
محمد / فى ايه بتعيطى ليه
سندس / مفيش خلاص تمام
اسلام / خشى اغسلى وشك و اللى انتى عوزاه بس اللى هيكون
سندس تهز راسها و تمشى اسلام يقرفص فى الارض قدام محمد
محمد / فى ايه
اسلام / هو انت ايه مشاعرك ناحيه البت دى
محمد / انت هيست و لا ايه مشاعر ايه يابنى
اسلام / مش عارف بس يعنى واضح انك اغلى واحد عندها هنا فكنت بقول
محمد / انسى انا و سندس مننفعش لبعض
اسلام / بس هى بتتغير للاحسن و عشانك
محمد / يابنى ازاى معلش متزعلش دى تربى عيالى ازاى دى و بلاش يعنى انت عارف و انا عارف صورها فى كل حته مين مشفش جسمها يعنى مقصدش بس انت فاهم
اسلام / ايوه بس هى عيله و دا كان زمان
محمد / يابنى حتى لو انا بفكر بطريقه دى لازم افكر فولادى
سندس ترجع من بعيد و محمد مديها ضهره و بيكمل كلام و اسلام بينغزه
محمد / يعنى واحده زى سندس دى لازم هتخلى جوزها عينه فوسط راسه عمره مهيبقى مطمن معاها ايه دى الحقيقه بلاش تضمن منين ان عيالها محدش هيعايرهم يوم بطيش امهم الله يابنى دانا طلعت عينى و على يدك كل يوم اجيبها من حته شكل تعبتنى يابنى و طلعت روحى
اسلام باصص ورا محمد يلف بالكرسى و يبلع ريقه سندس واقفه بتعيط
سندس / هو ده بجد رايك فيا
محمد / لا انا كنت بس
سندس / انا اسفه على تعبك معايا
سندس تجرى تخرج مالفيلا و هى بتعيط و اسلام وراها ميلحقهاش يوقف ينفخ و محمد متسمر مكانه
..............................
فى اوضه ساره
ساره لبست البجامه و قاعده بتسرح قدام المرايه و هى مبتسمه و بعدين البسمه تروح
ساره / ليه ياربى كتير عليا افرح كتير احلم لازم تفكرنى
ساره تتنهد و تقوم تشد الغطا عليها و تنام
........................
فى اوضه فريده
مهاب رايح جاى رايح جاى فريده تقوم تقعد
فريده / فى ايه يا مهاب مالك يا حبيبى
مهاب / حقك تسالى فعلا حقيقى حقك تسالى هتفضلى لحد امتى كدا هتفضلى لحد امتى عايشه فى ملكوت تانى و مش حاسه باللى حواليكى
فريده تقوم من عالسرير و تروح تقف قدامه
فريده / و اشمعن انا احس بناس مبيحسوش بيا
مهاب / الاسطوانه اياها
فريده / لو الامور لمصلحتك تنسى فريده الامور معكساك تلوم فريده الحيطه المايله بتاعتك فريده
مهاب / صوتك على يا فريده
فريده / سكت كتير
مهاب / و ياترى ليه ان شاء الله
فريده / بلاش يا حبيبى تقرب مالازاز المكسور لحسن تتعور
مهاب / مش كبرتى عالحاجات دى
فريده / الدور و الباقى عاللى بيعرف بنات قد عياله و لا فاكرنى مش عارفه
مهاب يرفع حاجبه
فريده / اسمع يا مهاب مالاخر كدا احنا الاتنين اتجوزنا بعض لنفس السبب الفلوس انت كنت عاوز تضمن ان بابا مش هيقسم تركته و هو عايش عشان كنت واثق انك هتطلع مالمولد منغير حمص و انا كنت عاوزه اضمن ان يبقى ليا و لعيالى نصيب الاسد و كمان عشان اكيد ساره دى فوق البيعه
مهاب / فى فرق بين الصراحه و البجاحه
فريده / البجاحه يا حبيبى انك تبقى تخون وليه نعمتك البجاحه انك تفضل واقف حاطت عينك فى عينى بعد مخسرت فلوسك اللى هى اصلا سبب جوازى منك
مهاب / طب و ايه اللى جابرك تكملى معايا
فريده / اهو منظر الاسم راجل
فريده تروح تقعد قدام التسريحه
فريده / بيقولوا عليكوا ايه الايام دى بركه مش كدا
مهاب يبص الناحيه التانيه فريده تقوم تنام و تقفل النور
فريده / تصبح على خير يا بركه قصدى يا حبيبى
فريده تنام و مهاب واقف بيغلى
.............................
فى العربيه
سندس بتسوق و هى بتعيط تليفونها يرن محمد تبص و متردش يرن تانى يرن اسلام يرن رقم غريب
سندس / هبله انا مش عارفه انك بترن من رقم غريب والله مهرد
رساله توصل سندس تفتحها من الرقم الغريب
سندس / اسف الوقت متاخر بس قولت اطمن عليكى مش عارف ليه جيتى على بالى فجاه
سندس تتصل يطلع عالتروكولر يوسف جبر
سندس / مين يوسف جبر ده .... الو
يوسف/ اسف لو كنت صحيتك
عربيه تضرب كلكس جامد و تكسر على سندس
يوسف / انتى سايقه و لا ايه
سندس / مين معايا
يوسف / مش عارف اقولك ايه يعنى بس كنت متخيل انك على الاقل سجلتى الرقم
سندس تزعق فيه
سندس / اسجله ليه يعنى مين انت يعنى عشان اسجل رقمك هاه مين انت
يوسف / اسف اسف كنت بهزر معاكى انا يوسف يوم الحادثه اتكلمنا عالواتس فاكره بس انتى مردتيش من ساعتها فقولت اتصل بصراحه اول مره اعمل كدا مع حد
سندس / اه اه اسفه معلش خير
يوسف / انتى بره انا كمان على فكره ايه رايك اعزمك عالعشا
سندس / الوقت اتاخر يمكن مره تانيه
يوسف / ومدام هو اتاخر مروحتيش ليه
سندس / انا لولا جميلك عليا كنت قفلت السكه فوشك تعرف
يوسف / يمكن بتصل فوقت غلط زى مكنت معدى فى الشارع فوقت غلط و من يومها لخبطتى حياتى اخبار اخوكى ايه
سندس / اسلام ؟؟؟ تعرفه منين
يوسف / هههههههههههههههه انتى رهيبه يابنتى مش نقلته بنفسى معاكى المستشفى
سندس / اوووووه لا دا محمد دا بص موضوع كبير وقت تانى بليز حقيقى مفيش دماغ
يوسف / بصراحه انا عمرى مشوفت اخت بتخاف على اخوها كدا انا وقفت متنح و انتى بتقوليله عمرى مهزعلك تانى بس قوم يعنى مفيش احلى من كدا حقيقى
سندس تسكت
يوسف / الواحد يدفع نص عمره عشان حد يخاف عليه لا الحقيقه ادفع عمرى كله عشان لحظه احس فيها ان فى حد بيخاف عليا حد ممكن يموت عشانى بيتهيالى النوع ده من الحب معدش موجود حتى بين الاخوات يعنى بيتهيالى
سندس دموعها تنزل
سندس / انا اسفه لازم اقفل
سندس تقفل و تلف بالعربيه و ترجع البيت
.....................
فى الفيلا سندس تدخل تلاقى اسلام واقف بره هيتجنن
اسلام / بصى انتى فهمتى غلط
سندس / انا اسفه
اسلام / على ايه
سندس / كل حاجه من يوم معرفتونى انا فعلا اسفه مش هعمل كدا تانى
اسلام ياخدها فى حضنه و هى تعيط
سندس / انا مش ببقى قصدى انى اتعبكوا مش ببقى قصدى تزعلوا منى
اسلام / سلامتك عندنا بالدنيا اهم حاجه تبقى بخير اطلعى ارتاحى
سندس تهز راسها و تطلع تلاقى محمد قاعد عالكرسى تقعد على ركبها قدامه
محمد / انا اسف
سندس / اسمعنى لو سمحت
محمد / طبعا
سندس / انت عارف انى جيت غلطه
محمد / مفيش حاج
سندس / من يوم متولدت و انا بيتقالى كدا من يوم متولدت و انا بحاول اخلى الكل فخور بيا بابا و ماما و زياد بحاول اكون احسن حاجه
محمد / انتى
سندس / متخلنيش اضربك بقى اسمعنى انا عمرى مقولت الكلام ده و مش سهل اقوله
…………………………………..
أنت تقرأ
سكه السلامه بقلم / لولو_محمد (كامله )
Romanceشاب فقير يجد اهله الاثرياء بعد غياب عشرون عاما ليجد نفسه امام تحديات كثيره لم يكن يتوقعها
