[ အသိတရားရသွားသောသားဖြစ်သူ ]
ခမ်းနားလှသောအိမ်တော်တစ်ခုရဲ့အဝင်ဝမှာ ကားလေးကရပ်တန့်သွားပြီး စောင့်ကြိုနေတဲ့အစေခံတွေက ကားတံခါးကိုဖွင့်ပေးလာတယ်။ ဒီဝတ္ထုရဲ့ဇာတ်လိုက်ဖြစ်တဲ့ဝမ်ရိပေါ်က ကြောင်ကိုကလေးလိုပွေ့ချီပြီး ကားပေါ်ကနေဆင်းသွားလေသည်။
ဒီလောကထဲရောက်တာသိပ်မကြာသေးတဲ့ ရှောင်းကျန့်ခမျာ ရိပေါ်နောက်ကနေကပ်လိုက်လာတယ်။
အိမ်ထိန်းလို့ထင်မှတ်ရတဲ့ အသက်အရွယ်ရနေတဲ့လူတစ်ယောက်က သူတို့ကိုနှုတ်ဆက်လာသည်။
"သခင်ကြီးနဲ့သခင်လေးဝမ်တို့ ပြန်လာပါပြီလား"
ရိပေါ်က ထိုသူရဲ့ကြိုဆိုတဲ့စကားသံကို ခေါင်းငြိမ့်ပြီး ဒုတိယထပ်တွင်ရှိသော အခန်းထဲသို့သွားလေသည်။ ရှောင်းကျန့်ကတော့ထိုသူအားပြုံးပြလို့ လိုက်သွားလိုက်ဦးမယ်ဆိုပြီး ရိပေါ်ကိုလက်ညှိုးထိုးပြလေသည်။
အိမ်ထိန်းခမျာတပ်ထားတဲ့မျက်မှန်ပြုတ်ကျမတတ်ပင်။
ငြိမ်ငြိမ်ဆိမ်ဆိမ် သခင်ကြီးနောက်လိုက်သွားတဲ့ ရှောင်းကျန့်ကိုမယုံကြည်နိုင်ဖြစ်နေသည်။
အရင်ကသူ့ကိုသခင်လေးဝမ်လို့ခေါ်ရင် သခင်ကြီးရှိသည်မရှိသည်ကိုဂရုမစိုက်ဘဲ ပစ္စည်းတွေရိုက်ခွဲကာဖြင့် ထပ်ပြီးမခေါ်ဖို့တားမြစ်သည်။
သူ့အားပြုံးပြဖို့ဆိုဝေးစွ အမြဲတစေမျက်ထောင့်နီဖြင့်ကြည့်နေခြင်းဖြစ်သည်။
မဟုတ်မှ သခင်လေးဝမ်ကသခင်ကြီးကိုချစ်သွားလို့ အကျင့်တွေပြင်လိုက်တာများလား ?
ရှောင်းကျန့် ရိပေါ်ဝင်သောအခန်းထဲသို့လိုက်ဝင်လာပြီး လန်းဆန်းအောင်ရေချိုးဖို့အတွက် ရေချိုးခန်းထဲဝင်သွားလေသည်။ အပြင်တွင်ဟိုတစ်စဒီတစ်စချွတ်ခဲ့တဲ့ အင်္ကျီတွေအား ရိပေါ်မနှစ်မြို့သလိုကြည့်သည်။
ဇီယီ မင်းဘာအချိုးတွေချိုးနေတာလဲ !?
ပိုက်ဆံရှိသောအိမ်တော်တစ်ခုဖြစ်သည့်အတွက် ရေချိုးခန်းထဲတွင် အပန်းဖြေနိုင်ဖို့တီဗွီပါပါရှိလေသည်။
YOU ARE READING
HAPPY ENDING [ YIZHAN ]
RandomYou must change this novel ending. This Fan-Fiction have 2version. (Yizhan & Zhanyi) Zhanyi version Writer : xiaoislove_ & PlumWhite_Blossom. If you read,you can visit her acc. Yizhan version Writer : PlumWhite_Blossom & xiaoislove_ Inspired by Do...