His Wedding Planner (Complete)

25th Plan

"Zeria! Huy! Bakit tulala ka diyan?" Nagulat ako ng bigla na lang sumulpot sila Annie, Jelly, and Arx.

"Hanggang ngayon ba, yung nangyari pa rin kahapon ang iniisip mo?" Tanong ni Jelly.

"Apparently, yes. Hindi mawala sa isip ko eh. Hanggang sa umuwi ako, pati sa pagkain at pagtulog ko. Yun lang yung laman ng isip ko."

Naupo si Annie sa tabi ko at nilaru laro yung buhok ko. "Sa bagay, sino nga bang hindi kung ako ang nasa kalagayan mo."

"After nun, anung pinag usapan niyo ni Bryle? Okay na ba kayo?"

Umiling ako bilang sagot sa tanong ni Jelly. Feeling ko hindi okay between me and Bryle. Parang ang awkward na. Wala nang usap usap.

"Eh nagkita na ba kayo kanina? Nakapag usap na kayo?"

"Hindi pa rin. Anong gagawin ko? Nababaliw na ko kakaisip!!"

"Be yourself and act natural. Kung anu ka bago ka niya nakilala at kung anu ka nang makilala ka niya. Yun."

"Okay... okay."

Naglakad lakad na lang kaming tatlo sa loob ng campus. Humiwalay na samin si Arx kasi puro daw kami babae. Nag start na rin kaming magtry ng iba't ibang booth. Nagpalagay din kami ng kissmark. Pagkalabas namin sa horror booth, bigla na lang may humila sakin. Halos patakbo na ko dahil sa maglakad nung humihila sakin.

"Huy Thonny. Aray ko! Saan mo ba ko dadalhin?"

"Basta. Sumama ka na lang sakin."

"Sasama naman ako. Hindi mo ko kailangang kaladkarin."

Huminto kami sa may garden at nagtaka ako kung anung gagawin namin dito.

"Don't tell me, type mo ko?" Dinala niya kasi ako sa marriage booth. Kasunod na rin namin si Annie and Jelly.

May lumapit saking babae, hindi ko siya kilala pero familiar yung face niya. Senior na siya, base dun bar sa uniform niya.

Ipinatong niya yung belo sa ulo ko at inabutan ako ng isang bouquet ng artificial flower. Itinulak ako ni Thonny para maglakad sa aisle nung tumugtog yung wedding march.

Nilingon ko sila at nakangiti lang sila. Nipi-picture-an din nila ko. Tumingin ako sa aisle na dinadaanan ko at dun... dun nasagot lahat ng katanungan ko. Napangiti na lang ako habang naglalakad sa aisle. Ang dami ko kaagad na-imagine. Kung paano ko io-organize yung wedding ng ibang tao, kung paano ko ibabagay yun sa personality ng groom, especially the bride. At syempre, kung anu ang gusto ko sa kasal ko mismo.

Nang makarating na ko sa may altar, sinalubong ako ni Bryle at hinawakan niya ang kamay ko.

"Bagay sa'yo." Sabi ni Bryle ng magkaharap kami.

"Thanks."

Nag start na yung wedding ceremony nung fake priest, student lang din siya.

"Do you, Felix Bryle Jimenez, take Zeria Marliss Monteverde as your illegitimate wife?"

"I really do." Sagot ni Bryle habang nakatingin siya sakin.

"Do you, Zeria Marliss Monteverde, take Felix Bryle Jimenez as your illegitimate husband?"

"I obviously do."

"I now pronounce Felix Bryle and Zeria Marliss as unlawful husband and wife."

Natawa ako ng biglang magtakbuhan sila Jelly palapit samin. Grabe! Ang bilis ng mga pangyayari. Parang kahapon lang...

Natahimik yung mga estudyante na nagtitilian kanina, siguro dahil moment of truth. But until now, shock pa rin ako. Hindi ko alam kung saan ko huhugutin yung boses ko para lang makapagsalita.